________________ रायपसेणइयं 107 समाणे सव्वे अगणिपरिणए भवइ ?" "हंता भवइ / " "अस्थि णं पएसी ! तस्स अयस्स केइ छिड्डे वा० जाव राई वा जेणं से जोई बहियाहिंतो अंतो अणुपविट्टे ?" " णो.इणढे समठे।” “एवामेव पएसी ! जीवो वि अप्पडिहयगई पुढविं भिच्चा सिलं भिच्चा पव्वयं भिचा बहियाहिंतो अंतो अणुपविसइ / तं सद्दहाहि णं तुमं पएसी !" तदेव” // 4 // 64 / / तए णं पएसी राया केसि कुमारसमणं एवं वयासी-"अस्थि णं भंते ! एसा पण्णा उवमा / इमेण पुण मे कारणेणं णो उवागच्छइ / भंते ! से जहाणामए केइ पुरिसे तरुणे जाव० सिप्पोवगए पभू पञ्चकण्डगं णिसिरित्तए ?" "हंता पभू।" "जइ णं भंते ! सो चेव पुरिसे बाले जाव मंदविण्णाणे पभू होजा पञ्चकण्डगं णिसिरित्तए, तो णं अहं सद्दहेजा जहा अण्णो जीवो तं चेव / जम्हा णं भंते / स चेव से पुरिसे जाव मंदविण्णाणे णो पभू पंचकण्डगं णिसिरित्तए, तम्हा सुपइट्ठिया मे पइण्णा जहा तं जीवो तं चेव" // तए णं केसी कुमारसमणे पएसिं रायं एवं वयासी-“से जहाणामए केइ पुरिसे तरुणे जाव सिप्पोवगए णवएणं धणुणा णवि. याए जीवाए णवएणं उसुणा पभू पंचकण्डगं णिसिरित्तए ?" हंता पभू" / "सो चेव णं पुरिसे तरुणे जाव णिउणसिप्पोवगए कोरिल्लिएणं धणुणा कोरिल्लियाए जीवाए कोरिल्लिएणं उसुणा पभू पंचकण्डगं णि सिरित्तए ?" “णो इण्टे सम?" / "कन्हा णं ?" भंते ! तस्स पुरिसस्स अपज्जत्ताइं उवगरणाइं हवंति” / “एवामेव पएसी! . सो चेव पुरिसे बाले जाव मंदविण्णाणे अपजत्तोवगरणे, णो पभू पंचकण्डगं णिसिरित्तए / तं सद्दहाहि णं तुमं पएसी ! जहा अण्णो जीवो तं चेव" // 5 // 65 / / तए ण पएसी राया केसि कुमारसमणं एवं वयासी-“अस्थि णं भंते ! एसा पण्णा उवमा, इमेण पुण कारणेणं णो उवागच्छइ / भंते ! से जहाणामए केइ पुरिसे तरुणे जाव सिप्पोवगए पभू एगं महं अयभारगं वा तउयभारगं वा सीसगभारगं वा परिवहित्तए?" "हंता पभू" / “सो चेव णं भंते ! पुरिसे जुण्णे जराजजरियदेहे सिढिलवलितयाविणट्टगत्ते दण्डपरिग्गहियग्गहत्थे पविरलपरिसडियदंतसेढी आउरे किसिए पिवासिए दुब्बले किलंते णो पभू एगं महं अयभारगं वा जाव परिवहित्तए / जइ णं भंते ! स चेव पुरिसे जुण्णे जराजजरियदेहे जाव परिकिलंते पभू एगं महं अयभारं वा जाव परिवहित्तए, तो णं सद्दहेजा'"तहेव / जम्हा णं भंते ! से चेव पुरिसे जुण्णे जाव किलंते णो पभू एगं महं अयभारं वा जाव परिवहित्तए, तम्हा सुपइट्ठिया मे पइण्णा"तहेव" || तए णं केसी कुमारसमणे पएसिं रायं एवं
