________________ श्रीराजप्रश्नीय-सूत्रम् / -[ 125 णंदाए पुक्खरिणीए उत्तरपुरथिमेणं महेगे बलिपीढे पण्णत्ते सब्बरयणामए अच्छ जाव पडिरूवे 7 // सू० 131 // तेणं कालेणं तेणं समएणं सूरियाभे देवे अहुणोववराणमित्तए चेव समाणे पंचविहाए पजत्तीए पजत्तीभावं गच्छइ, तंजहा-आहारपजत्तीए सरीरपजत्तीए इंदियपजत्तीए प्राणपाणपजत्तीए भासा-मणपजत्तीए, तए णं तस्स सूरियाभस्स देवस्स पंचविहाए पजत्तीए पजत्तीभावं गयस्स समाणस्स इमेयारूवे अज्झस्थिए चिंतिए पत्थिए मणोगए संकप्पे समुपजित्थाकिं मे पुब्धि करणिज्जं? कि मे पच्छा करणिज्ज ? किं मे पुब्बि सेयं ? किं मे पच्छा सेयं ? कि मे पुवि पि पच्छा वि हियाए सुहाए खमाए णिस्सेयसाए श्राणुगामियत्ताए भविस्सइ ? ॥सू० 132 // तए णं तस्स सूरियाभस्स देवस्स सामाणिय-परिसोववन्नगा देवा सूरियाभस्स देवस्स इमेयारूवमज्झत्थियं जाव समुप्पन्नं समभिजाणित्ता जेणेव सूरियाभे देवे तेणेव उवागच्छंति, सूरियाभं देवं करयलपरिग्गहियं सिरसावत्तं मत्थए अंजलिं कटु जएणं विजएणं वद्धाविति बद्धावित्ता एवं वयासी-एवं खलु देवाणुप्पियाणं सूरियाभे विमाणे सिद्धायतणंसि जिणपडिमाणं जिणुस्सेहपमाणमित्ताणं अट्ठसयं संनिखित्तं चिट्ठति, सभाए णं सुहम्माए माणवए चेइए खंभे वइरामएसु गोलवट्टसमुग्गएसु बहुयो जिणसकहाश्रो संनिखित्ताश्रो चिट्ठांति 1 / तायो णं देवाणुप्पियाणं अराणेसिं च बहुणं वेमाणियाणं देवाण य देवीण य अचणिज्जाबो जाव पज्जुवासणिजायो, तं एयं णं देवाणुप्पियाणं पुर्वि करणिज्जं, तं एयं णं देवाणुप्पियाणं पच्छा करणिज्जं, तं एयं णं देवाणुप्पियाणं पुब्धि सेयं, तं एयं णं देवाणुप्पियाणं पच्छा सेयं तं एयं णं देवाणुप्पियाणं पुवि पि पच्छा वि हियाए सुहाए खमाए निस्सेयसाए प्राणुगामियत्ताए भविस्सति 2 // सू. 133 / / तए णं से सूरियाभे देवे तेसिं सामाणियपरिसोववनगाणं देवाणं अंतिए एयमट्ठ
