________________ 124 ] [ श्रीमदागमसुधासिन्धु : पञ्चमो विभागः सिद्धायतणस्स णं उवरि अट्ठ मंगलगा झया छत्तातिच्छत्ता 4 ॥सू० 130 // तस्स णं सिद्धायतणस्स उत्तरपुरस्थिमे णं एत्य णं महेगा उववायसभा पराणत्ता, जहा सभाए सुहम्माए तहेव जाव मणिपेढिया अट्ट जोयणाई देवसयणिज्जं तहेव सयणिजवराणो अट्ठ मंगलगा झया छत्तातिछत्ता 1 / तीसे णं उववायसभाए उत्तरपुरस्थिमेणं एत्थ णं महेगे हरए पराणत्ते, एगं जोयणसयं थायामेणं पराणास जोयणाई विक्खंभेणं दस जोयणाई उव्वेहेणं तहेव से णं हरए एगाए परम-वरवेड्याए एगेण वणसंडेण सब्बयो समंता संपरिक्खित्ते 2 / तस्स णं हरयस्स तिदिसं तिसोवाणपडिरूवगा पन्नत्ता 3 / तस्स णं हरयस्स उत्तरपुरथिमे णं एत्थ णं महेगा अभिसेगसभा पराणत्ता, सुहम्मागमएणं जाव गोमाणसियायो मणिपेढिया सीहासणं सपरिवारं जाव दामा चिट्ठांति, तत्थ णं सूरियाभस्स देवस्स सुबहु अभिसेयभंडे संनिखित्ते चिटइ, अट्ट मंगलगा तहेव 4 / तीसे णं अभिसेगसभाए उत्तरपुरत्थिमेणं एत्थ णं अलंकारियसभा पराणत्ता जहा सभा सुधम्मा, मणिपेढिया अट्ठ जोयणाई सीहासणं सपरिवारं, तत्थ णं सूरियाभस्स देवस्स सुबहु अलंकारियभंडे संनिखित्ते चिट्ठति, सेसं तहेव 5 / तीसे णं अलंकारियसभाए उत्तरपुरस्थिमे णं तत्थ णं महेगा ववसायसभा पराणत्ता, जहा उववायसभा जाव सीहासणं सपरिवारं मणिपेढिया, अट्ठ मंगलगा तहेव, तत्थ णं सूरियाभस्म देवस्स एत्थ महेगे पोत्थयरयणे सन्निखित्ते चिट्टइ, तस्स णं पोत्थयरयणस्स इमेयारूवे वराणावासे पराणत्ते, तंजहा-रिट्ठामईयो कबि आयो (रिट्ठामयाई उक्कंठियाई) तवणिजमए दोरे नाणामणिमए गंठी रयणामयाई पत्तगाई वेरुलियमए लिप्पासणे रिट्ठामए छंदणे तवणिजमई संकला रिट्ठामई मसी वइरामई लेहणी रिट्ठामयाइं अक्खराइं धम्मिए लेक्खे 6 / ववसायसभाए णं उरि अट्ठ मंगलगा, तीसे णं ववसायसभाए उत्तरपुरस्थिमेणं एत्थ णं नंदा पुक्खरिणी परणत्ता हरयसरिसा, तीसे णं
