________________
४१२
जम्बूद्वीप प्रज्ञप्ति सूत्र **-*-*-*-*-*-*-*-*-*-*-*-*-*-*--------------------------------- एगसट्ठिभाए जोयणस्स एगसहिभागं च सत्तहा छेत्ता चत्तारि चुण्णियाभाए अबाहाए अब्भंतराणंतरे चंदमंडले पण्णत्ते।
जम्बुद्दीवे णं भंते! दीवे मंदरस्स पव्वयस्स केवइयाए अबाहाए अब्भंतरतच्चे चंदमंडले पण्णत्ते?
गोयमा! चोयालीसं जोयणसहस्साइं अट्ट य बाणउए जोयणसए एगावण्णं च एगसट्ठिभाए जोयणस्स एगसट्ठिभागं च सत्तहा छेत्ता एगं चुण्णियामागं अबाहाए अब्भंतरतच्चे चंदमंडले पण्णत्ते।
एवं खलु एएणं उवाएणं णिक्खममाणे चंदे तयाणंतराओ मंडलाओ तयाणंतरं मंडलं संकममाणे २ छत्तीसं छत्तीसं जोयणाई पणवीसं च एगसट्ठिभाए जोयणस्स एगसट्ठिभागं च सत्तहा छेत्ता चत्तारि चुण्णियाभाए एगमेगे मंडले अबाहाए वुद्धिं अभिवड्डेमाणे २ सव्वबाहिरं मंडलं उवसंकमित्ता चारं चरइ।
जम्बुद्दीवे० दीवे मंदरस्स पव्वयस्स केवइयाए अबाहाए सव्वबाहिरे चंदमंडले पण्णत्ते?
गोयमा! पणयालीसं जोयणसहस्साई तिण्णि य तीसे जोयणसए अबाहाए सव्वबाहिरए चंदमंडले पण्णत्ते।
जम्बुद्दीवे० दीवे मंदरस्स पव्वयस्स केवइयाए अबाहाए बाहिराणंतरे चंदमंडले पण्णते?
गोयमा! पणयालीसं जोयणसहस्साई दोण्णि य तेणउए जोयणसए पणतीसं च एगसट्ठिभाए जोयणस्स एगसट्ठिभागं च सत्तहा छेत्ता तिण्णि चुण्णियाभाए अबाहाए बाहिराणंतरे चंदमंडले पण्णत्ते।
जम्बुद्दीवे० दीवे मंदरस्स पव्वयस्स केवइयाए अबाहाए बाहिरतच्चे चंदमंडले पण्णत्ते?
गोयमा! पणयालीसं जोयणसहस्साई दोण्णि य सत्तावण्णे जोयणसए णव
Jain Education International
For Personal & Private Use Only
www.jainelibrary.org
