Page Text
________________
४७४
1
शतगुणपरिपाट्या पर्यटन्नन्तराले, कमलकुवलयानामर्धरात्रे ऽप्यखिन्नः १ उपनदि दयितायाः क्वापि शब्दं निशम्य, भ्रमति पुलिनपृष्ठे चक्रवच्चक्रवाक: ॥५५॥
अपि च- पुनः
शतेति । हे देव ! अर्धरात्रे - निशीथे चक्रवाकः कमलानि च पद्मानि - सूर्यविकासीनि, कुवलयानि च-नीलोत्पलानि रात्रिविकासीनि तेषामन्तराले - मध्ये शतगुणा - शतसंख्या या परिपाटी - क्रमस्तया शतवारान् यावत् । अपिशब्दो भिन्नक्रमे, पर्यटन्-भ्रमन्नपि अखिन्नः सन् उपनदि-नदीसमीपे दयितायाः - चक्रवाक्याः क्वापि - कस्मिन्नपि प्रदेशे शब्दं निशम्य - श्रुत्वा पुलिनपृष्ठे-तीरप्रदेशे चक्रवद्भ्रम्यमाणः - कुलालोपकरणवद् भ्रमति । मालिनीवृत्तम् ॥
५५ ॥
दमयन्ती - कथा - चम्पूः
अथ यथाप्रियं प्रेषित परिजनो राजा रजनिशेषमतिवाहयितुमनुरूपं निरूप्य किंनरमिथुनस्य शयनमासन्ननिद्रागृहे हंसीपिच्छच्छायाच्छप्रच्छद पटाच्छादितहंसतूलतल्प'मभजत् ।
अथ-अवसरपाठकोक्त्यनन्तरं यथाप्रियं प्रियं इष्टं अनतिक्रम्य यथाप्रियं यस्य यदिष्टं स्थानं तस्मिन् प्रेषित:- प्रहितः परिजनः - सेवकलोको येन एवम्विधः सन् राजा रजनिशेषंरात्रेरवशिष्टं भागं अतिवाहयितुं - लंघयितुं आसन्नं स्वसमीपवर्त्ति यन्निद्रागृहं - स्वापागारं तस्मिन्, हंसीपिच्छछायावत्-मरालीपक्षकान्तिवत् अच्छ:- विशदो यः प्रच्छदपट:उत्तरच्छदस्तेन आच्छादितं - आवृतं यद् हंसतूलतल्पं - हंसतूलीशय्या तत् अभजत्- शिश्राय । किं कृत्वा ? किन्नरमिथुनस्य अनुरूपं योग्यं शयनं - शय्यां निरूप्य - कथयित्वा यथाऽस्मिन् शयने यूयं शेध्वमिति ।
तत्र च दमयन्त्यनुरक्तोऽयमितीर्ष्ययेवानायान्त्यां निद्रायां द्रोणीद्रुमान्तरालसुप्तोत्थितविविधविहंगरुतानि विनिद्रवनदेवतापठ्यमानप्राभाति
Jain Education International
कपुण्यकीर्तनानीवाकर्णयन्ननेककालप्रणालिकापर्यायेण पर्यस्तेऽस्तगिरिमस्तके मुक्तास्तबकितनीलवितानपट इव तारातिमिरपटले, पट्टांशुकवैजयन्तीष्विव भविष्यति दिनकरोत्सवे नभस्तलमलंकुर्वतीषु पूर्वस्या
For Personal & Private Use Only
www.jainelibrary.org
| SR No. | 004071 |
| Book Title | Damyanti Katha Champu |
| Original Sutra Author | N/A |
| Author | Vinaysagar |
| Publisher | L D Indology Ahmedabad |
| Publication Year | 2010 |
| Total Pages | 776 |
| Language | Hindi, Sanskrit |
| Classification | Book_Devnagari |
| File Size | 14 MB |