Page Text
________________
मज्जणघरं अनुपविसइ अनुपविसित्ता जाव ससिव्व पियदंसणे नरवई मज्जणघराओ पडिणिक्खमइ पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ उवागच्छित्ता सीहासणवरगए पुरत्थाभिमुहे निसीयइ निसीइत्ता अट्ठारस सेणि-प्पसेणीओ सद्दावेइ सद्दावेत्ता एवं वयासीखिप्पमेव भो देवाणुप्पिया उस्सुक्कं उक्करं जाव मागहतित्थकुमारस्स देवस्स अट्ठाहियं महामहिमं कह करेत्ता मम एयमाणत्तियं पच्चप्पिणह तए णं ताओ अट्ठारस सेणिप्पसेणीओ भरहेणं रण्णा एवं वुत्ताओ समाणीओ हट्ठतुट्ठाओ जाव करेंति करेत्ता एयमाणत्तियं पच्चप्पिणंति तएणं से दिव्वे चक्करयणे वइरामयतुंबे लोहियक्खामयारए जंबूणयनेमीए नाणामणिखुरप्पवालिपरिगए मणिमुत्ताजाल-भूसए सणंदिधोसे सखिंखिणीए दिव्वे तरुणवरविमंडलणिभे नानामणिरयणघंटियाजालपरिक्खित्ते सव्वोउयसुरभिकुसुमआसत्तमल्लदामे अंतलिक्खपडिवण्णे जक्खसहस्ससंपरिवुडे दिव्वतुडिय - सद्दसण्णिणादेणं पूरेंते चेव अंबरतलं नामेणं सुदंसणे नवरवइस्स पढमे चक्करयणे मागहतित्थकुमारस्स देवस्स अट्ठा महामहिमाए निव्वत्ताए समाणीए आउहघरसालाओ पडिणिक्कमइ पडिणिक्खमित्ता दाहिणपच्चत्थिमं दिसिं वरदामतित्थाभिमुहे पयाए यावि होत्था ।
[ ६८ ] तए मं से भरहे राया तं दिव्वं चक्करयणं दाहिणपच्चत्थिमं दिसिं वरदामतित्थाभिमुहं पयातं चावि पासइ पासित्ता हट्ठतुट्ठ-जाव कोडुंबियपुरिसे सद्दावेइ सद्यावेत्ता एवं वयासी-खिप्पामेव भो देवाणुप्पिया हय-गय-रह-पवरजोहकलियं चाउरंगिणिं सेण्णं सण्णाहेह आभिसेक्कं हत्थिरयणं पडिकप्पेहत्तिकट्टु मज्जणधरं अनुपविसइ अनुपविसित्ता तेणेव कमेणं जाव धवल-महामेहणिग्गए जाव वक्खारो-३
सेयवरचामराहिं उद्घुव्वमाणीहिं- उद्धव्वमाणीहिं मगइयवरफलग-पवरपरिगरखेडय-वरवम्म- कवय-माढी-सहस्सकलिए उक्कडवरमउड-तिरीड पडाग झय-वेजयंति चामरचलंत - छत्तंधयार-कलिए असि खेवणि खग्ग-चावनाराय-कणय-कप्पणि- सूल-लउड- भिंडिमाल - धणुह-तोण-सरप - हरणेहि य काल-नील- रुहिर-पीय-सुक्किलअमेगचिंदसयसंविणद्धे अप्फोडियसीहणाय-छेलिय-हय- हेसिय-हत्थिगुलुगुलाइय- अमेगरहसयसहस्सघणघणेंतनीहम्ममाणसद्दसहिएण जमगसमग-भंमा - होरंभ-किणितखरमुहि-मुगुंद-संखिय-पिरिलि-पव्वग-परिवायणि-वंसवेणु-बिवंचि-महति-कच्छ-भि-रिगिसिगि-कलताल - कंसताल-करधाणुव्विद्धेण महता सद्दसण्णिणाण सलम जीवलोगं पूरयंते बलवाहणसमुदएणं एवं जक्खसहस्ससंपरिवुडे वेसमणे चेव धणवई अमरपतिसण्णिभाए इड्ढीए पहियकित्ती गामागर - नगर - तहेव सेसं जाव विजयखंधावारणिवेसं करेइ करेत्ता वड्ढ - इरयणं सद्दावेइ सद्दावेत्ता एवं वयासी-खिप्पामेव भो देवाणुप्पिया मम आवसहं पोसहसालं च करेहि ममेयमाण पच्चप्पिणाहिं ।
[ ६९ ] त णं से
आसम-दोणमुह-गाम-पट्टण-पुरवर-खंधावार-गिहावणविभागकुसले एगासीतिपदेसु सव्वेसु चेव वत्थूसु नेगगुणजाणए पंडिए विहिण्णू पणयालीसाए देवयाणं वत्थुपरिच्छाए नेमिपासेसु भत्तसालासु कोट्टणिसु य वासधरेसु य विभागकुसले छेज्जे वेज्झे य दाणकम्मे पहाणबुद्धी जलयाणं भूमियाणं य भायणे जलथलगुहासु जंतेसु परिहासु य कालनाणे तहेव सद्दे वत्थुप्प से पहाणे गब्भिणि-कण्ण-रुक्ख-वल्लिवेढिय-गुणदोसवियाणए गुणड्ढे सोलसपासाय- करणकुसले चउसट्ठिविकप्पवित्थयमई णंदावत्ते य वद्धमाणे सोत्थियरुयग तह सव्वओभद्द-सण्णिवेसे य बहुविसेसे उइंडिय -देव-कोट्ठदारु-गिरिखाय-वाहण-विभागकुसले ।
[ ७०] इय तस्स बहुगुणड्ढ थवईरयणे नरिंदचंदस्स ।
[दीपरत्नसागर संशोधितः ]
[28]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |