Page Text
________________
दद्दरमलयगिरिसिहर-केसरचाम-रबालद्धचंदचिंधं काल-हरिय-रत्त-पीय-सुक्किल-बहुण्हारुणि-संपणद्धजीव जलजीवं जीवियत-करणं धणं गहिऊण से नरवई उसुं च वरवइरकोडियं वइरसारतुंडं कंचणमणिकणगरयणधोइट्ठसुकय¥खं अणेगमणिरयण-विविह-सुविरइयनामचिंधं वइसाहं ठाईऊण ठाणं आयतकण्णायत्तं च काऊण उसुमुदारं इमाइं वयणाई तत्थ भाणिय से नरवई ।
[६३] हंदि सुणंतु भवंतो बाहिरओ खलु सरस्स जे देवा ।
नागासुरा सुवण्णा तेसिं खु नम पणिवयामि । [६४] हंदि सुणंतु भवंतो अभिंतरओ सरस्स जे देवा ।
नागासुरा सुवण्णा सव्वे मे ते विसयवासीइतिकट्ट उसु निसिरइ । [६५] परिगरणिगरियमज्झो वाउछुयसोभमाणकोसेज्जो ।
चित्तेण सोभते धणवरेणं इंदोव्व पच्चक्खं । [६६] तं चंचलायमाणं पंचमिचंदोवमं महाचावं ।
___ छज्जइ वामे हत्थे नरवइणो तंमि विजयंमि ।
[६७] तए णं से सरे भरहेणं रण्णा निसट्टे समाणे खिप्पामेव दुवालस जोयणाइं गंता मागहतित्थाधिपतिस्स देवस्स भवणंसि निवइए तए णं से मागहत्थिहिवई देवे भवणंसि सरं निवइयं पासइ पासित्ता आसुरुत्ते रुढे चंडिक्किए कुविए भिसिमिसेमाणे तिवलियं भिउडिं निडाले साहरइ साहरित्ता एवं वयासी-केस णं भो एस अपत्थियपत्थए दुरंतपंतलक्खणे हीणपुन्नचाउद्दसे हिरिसिरिपरिवज्जिए जे णं वक्खारो-३
मम इमाए एयारूवाए दिव्वाए देवड्ढीए दिव्वाए देवजुईए दिव्वेणं दिवाणुभावेणं लद्धाए पत्ताए अभिसमण्णागयाए उप्पिं उप्पुस्सुए भवणंसि सरं निसिरइत्ति-कट्ट सीहासणाओ अब्भुढेइ अब्भुतॄत्ता जेणेव से नामाहयके सरे तेणेव उवागच्छड उवागच्छित्ता तं नामाहयकं सरं गेण्हइ गेण्हित्ता नामंकं अनुप्पवाएड नामकं अनुप्पवाएमाणस्स इमे एयारूवे अज्झत्थिए चिंतिए पत्थिए मणोगए संकप्पे समुप्पज्जित्थाउप्पन्ने खलु भो जंबुद्दीवे दीवे भरहे वासे भरहे नाम राया चाउरंतचक्कवट्टी तं जीयमेयं तीयपच्चुप्पन्नमणागयाणं मागहतित्थकुमाराणं देवाणं राईणम्वत्थाणियं करेत्तए तं गच्छामि णं अहंपि भरहस्स रण्णो उवत्थाणियं करेमित्तिकट्ट एवं संपेहेइ संपेहेत्ता हारं मउडं कुंडलाणि कडगाणि य तुडियाणि य वत्थाणि य आभरणाणि य सरं च नामाहयं मागहतित्थोदगं च गेण्हइ गेण्हित्ता ताए उक्किट्ठाए तुरियाए जाव देवगईए वीईवयमाणे-वीईवयमाणे जेणेव भरहे राया तेणेव उवागच्छइ उवागच्छित्ता अंतलिक्खपडिवण्णे संखिखिणीयाइं पंचवण्णाई वत्थाई पवर परिहिए करयल-परिग्गहियं जाव अंजलिं कट्ट भरहं रायं जएणं विजएणं वद्धावेइ वद्धावेत्ता एवं वयासी-अभिजिए णं देवाणप्पिएहिं केवलकप्पे भरहे वासे परत्थिमेणं मागहतित्थमेराए तं अहण्णं देवाणप्पियाणं विसयवासी अहण्णंदेवाणप्पियाणं आणत्ती-किंकरे अहण्णंदेवाणुप्पियाणं पुरत्थिमिल्ले अंतवाले तं पडिच्छंतु णं देवाणुप्पिया ममं इमेयारू पीइदाणंतिकट्ट हारं मउडं कुंडलाणि कडगाणि य जाव मागहतित्थोदगं च उवणेइ तए णं से भरहे राया मागहतित्थकुमारस्स देवस्स इमेयारूवं पीइदाणं पडिच्छइ पडिच्छित्ता मागहतित्थकुमारं देवं सक्कारेइ जाव पडिविसज्जेइ तए णं से भरहे राया रहं परावत्तेइ परावत्तेत्ता मागहतित्थेणं लवणसमुद्दाओ पच्चुत्तरइ पच्चुत्तरित्ता जेणेव विजयखंधावारणिवेसे जेणेव बाहिरिया उवट्ठाणसाला तेणेव उवागच्छइ उवागच्छित्ता तुरगे निगिण्हित्ता रहं ठवेइ ठवेत्ता रहाओ पच्चोरुहति पच्चोरुहित्ता जेणेव मज्जणघरे तेणेव उवागच्छत्ति उवागच्छित्ता दीपरत्नसागर संशोधितः]
[27]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |