Page Text
________________
सात ।
पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे जाव सहाणेणं लोयस्स असंखेज्जइभागे तत्थ णं बहवे सक्करप्पभापुढविनेरइया परिवसंति काला कालोभासा जाव पच्चणुभवमाणा विहरंति ।
कहि णं भंते वालुयप्पभापुढविनेरइयाणं पज्जत्तापज्जत्ताणं ठाणा पन्नत्ता गोयमा वालुयप्प-भाए पुढवीए अट्ठावी-सुत्तरजोयणसतसहसबाहल्लाए उवरिं एगं जोयणसहस्सं ओगाहेत्ता हेढा वेगं जोयणसहस्सं वज्जेत्ता मज्झे छव्वीसुत्तरे जोयणसतसहस्से एत्थ णं वालुयप्पभापुढविनेरइयाणं पन्नरस निरयावासस-तसहस्सा भवंतीति मक्खातं ते णं नरगा अंतो वट्टा जाव असुभा नरएस वेदणाओ एत्थ णं वालुयप्पभापुढविनेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे, जाव सट्ठाणेणं लोगस्स असंखेज्जइभागे तत्थ णं बहवे वालुयप्पभापुढवीनेरइया परिवसंति काला कालोभासा जाव पच्चणुभवमाणा विहरंति, कहि णं भंते पंकप्पभापुढविनेरइयाणं पज्जत्तापज्जत्ताणं ठाणा पन्नत्ता गोयमा पंकप्पभाए पुढवीए वीसुत्तरजोयणसतसहस्सबाहल्लाए उवरिं एगं जोयणसहस्सं ओगाहित्ता हिट्ठा वेगं जोयणसहस्सं वज्जेत्ता मज्झे अट्ठारसुत्तरे जोयणसतसहस्से एत्थ णं पंकप्पभापुढविनेरइयाणं दस निरयावाससतसहस्सा भवंतीति मक्खातं ते णं नरगा अंतो वट्टा जाव असुभा नरगेसु वेयणाओ एत्थ णं पंकप्पभापुढविनेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे जाव सट्ठाणेणं लोयस्स असंखेज्जइभागे तत्थ णं बहवे पंकप्पभापुढविनेरइया परिवसंति काला कालोभासा जाव पच्चणुभवमाणा विहरंति, कहि णं भंते धूमप्पभापुढविनेरइयाणं पज्जत्तापज्जत्ताणं ठाणा पन्नत्ता गोयमा धूमप्पभाए पुढवीए अट्ठारसुत्तरजोयणसयसहस्सबाहल्लाए उवरिं एगं जोयणसहस्सं ओगाहित्ता हिट्ठा वेगं जोयणसहस्सं वज्जेत्ता मज्झे सोलसुत्तरे जोयणसतसहस्से एत्थ णं धूमप्पभापुढविनेरइयाणं तिन्नि निरयावाससतसहस्सा भवंतीति मक्खातं ते णं नरगा अंतो वट्टा जाव असुमा नरगेसु वेयणाओ एत्थ णं धूमप्पभापुढविनेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे समुग्धाएणं लोयस्स असंखेज्जिभागे सट्ठाणेणं लोयस्स असंखेज्जइभागे तत्थ णं बहवे धूमप्पभापुढविनेरइया परिवसंति काला कालोभासा जाव पच्चणभवमाणा विहरंति,
कहि णं भंते तमप्पभापुढविनेरइयाणं पज्जत्ता-पज्जत्ताणं ठाणा पन्नत्ता गोयमा तमप्पभाए पुढवीए सोलसुत्तरजोयणसतसहस्सलाहल्लाए उवरिं एगं जोयणसहस्सं ओगाहित्ता हिट्ठा वेगं जोयणसहस्सं वज्जेत्ता मज्झे चोद्दसुत्तरे जोयणसतसहस्से एत्थ णं तमप्पभापुढविनेरइयाणं एगे पंचूणे नरगावाससत-सहस्से हवंतीति मक्खातं ते णं नरगा अंतो वट्टा जाव असुभा नरगेसु वेदणाओ एत्थ णं तमप्पभापुढ-विनेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे जाव सहाणेणं
लोयस्स पद-२
असंखेज्जइभागे तत्थ णं बहवे तमप्पभापुढविनेरइया परिवसंति काला कालोभासा जाव पच्चणुभवमाणा विहरंति, कहि णं भंते तमतमापुढविनेरइयाणं पज्जत्तापज्जत्ताणं ठाणा पन्नत्ता गोयमा तमतमाए पुढवीए अट्ठोतरजोयणसयसहस्सबाहल्लाए उवरिं अद्धतेवण्णं जोयणसहस्साइं ओगाहित्ता हिट्ठा वि अद्धतेवण्णं जोयणसहस्साइं वज्जेत्ता मज्झे तिसु जोयणसहस्सेसु एत्थ णं तमतमापुढविनेरइयाणं पज्जत्तापज्जत्ताणं पंचदिसिं पंच अनुत्तरा महइमहालया महानिरया पन्नत्ता तं जहा- काले महाकाले रोरुए महारोरुए अपइहाणे ते णं नरगा अंतो वट्टा जाव असुभा नरगेसु वेयणाओ एत्थ णं
दीपरत्नसागर संशोधितः]
[27]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |