Page Text
________________
एत्थ णं तेइंदियाणं पज्जत्तापज्जत्तगाणं ठाणा पन्नत्ता उववाएणं लोयस्स असंखेज्जइभागे समग्घाएणं लोयस्स असंखेज्जइभागे सहाणेणं लोयस्स असंखेज्जइभागे कहि णं भंते चरिंदियाणं पज्जत्तापज्जत्तगाणं ठाणा पन्नत्ता गोयमा उड्ढलोए तदेक्कदेसभाए अहोलोए तदेक्कदेसभाए तिरियलोएअगडेसु जाव जलढाणेसु एत्थ णं चउरिंदियाणं पज्जत्तापज्जत्तगाणं ठाणा पन्नत्ता उववाएणं लोयस्स असंखेज्जइभागे, समुग्धाएणं लोयस्स असंखेज्जइभागे, सहाणेणं लोयस्स असंखेज्जइभागे, कहि णं भंते पंचिंदियाणं पज्जत्तापज्जत्तगाणं ठाणा पन्नत्ता गोयमा उड्ढलोए तदेक्कदेसभाए अहोलोए तदेक्कदेसभाए तिरियलोए-अग
एत्थ णं पंचिंदियाणं पज्जत्तापज्जत्तगाणं ठाणा पन्नत्ता उववाएणं लोयस्स असंखेज्जइभागे समुग्घाएणं लोयस्स असंखेज्जइभागे सट्ठामेणं लोयस्स असंखेज्जइभागे |
[१९५] कहि णं भंते नेरइयाणं पज्जत्तापज्जत्ताणं ठाणा पन्नत्ता कहि णं भंते नेरइया परिवसंति गोयमा सट्ठाणेणं सत्तसु पुढवीसु तं जहा- रयणप्पभाए सक्करप्पभाए वालुयप्पभाए पंकप्पभाए धूमप्पभाए तमप्पभाए तमतमप्पभाए एत्थ णं नेरइयाणं चउरासीति निरयावाससतसहस्सा भवंतीति मक्खायं, ते णं नरगा अंतो वट्टा बाहिं चउरंसा अहे खुरप्पसंठाणसंठिता निच्चंधयारतमसा ववगयगह-चंदसूर-नक्खत्त-जोइसपहा मेद-वसा-पूय-रुहिर-मंसचिक्खिल्ललित्ताणुलेवणतला असुई वीसा परमदुब्भिगंधा काऊअगनिवण्णभा कक्खडफासा दरहियासा असभा नरगा असभा नरगेस वेयणाओ एत्थ णं नेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे समुग्धाएणं लोयस्स असंखेज्जइभागे सहाणेणं लोयस्स असंखेज्जइभागे तत्थ णं बहवे नेरइया परिवसंति काला कालोभासा गंभीरलोमहरिसा भीमा उत्तासणगा परमकण्हा वण्णेणं पन्नत्ता समणाउसो ते णं तत्थ निच्चभीता निच्चंतत्था निच्चंतसिया निच्चंउव्विग्गा निच्चंपरममसुहं संबद्धं नरगभयं पच्चणुभवमाणा विहरंति ।
__[१९६] कहि णं भंते रयणप्पभापुढविनेरइयाणं पज्जत्तापज्जत्ताणं ठाणा पन्नत्ता कहि णं भंते रयणप्पभापढविनेरइया परिवति गोयमा इमीसे रयणप्पभाए पुढवीए असीउत्तरजोयणसतसहस्सबाहल्लाए उवरिं एगं जोयणसहस्सं ओगाहित्ता हेढा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से एत्थ णं रयणप्पभापुढविनेरइयाणं तीसं निरयावाससतसहस्सा भवंतीति मक्खातं ते णं नरगा अंतो वट्टा बाहिं चउरंसा अहे खुरप्पसंठाणसंठिता निच्चंधयारतमसा ववगयगह-चंदसूर-नक्खत्तजोइसप्पभा मेद-वसापूय-रुहिर-मंसचिक्खिल्ललित्ताणुलेवणतला असुई वीसा परमदुब्भिगंधा काऊअगणिवण्णाभा कक्खडफासा दुरहियासा असुभा नरगा असुभा नरगेसु वेयणाओ एत्थ णं रयणप्पभापुढविनेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे समुग्घातेणं लोयस्स असंखेज्जइभागे सट्ठाणेणं लोयस्स पद-२
असंखेज्जइभागे तत्थ णं बहवे रयणप्पभापुढविनेरइया परिवसंति काला कालोभासा गंभीरलोमहरिसा भीमा उत्तासणगा परमकिण्हा वण्णेणं पन्नत्ता समणाउसो ते णं निच्चभीता निच्चंतत्थ निच्चंतसिया निच्चंउव्विग्गा निच्चपरममसुहं संबद्धं नरगभयं पच्चणुभवमाणा विहरंति कहि णं भंते सक्करप्पभापुढविनेरइयाणं पज्जत्तापज्जत्ताणं ठाणा पन्नत्ता, कहि णं भंते सक्करप्पभापुढविनेरइया परिवसंति गोयमा सक्करप्पभाए पुढवीए बत्तीसुत्तरजोयणसयसहस्सबाहल्लाए उवरिं एगं जोयणसहस्सं ओगाहित्ता हेवा वेगं जोयणसहस्सं वज्जित्ता मज्झे तीसुत्तरे जोयणसतसहस्से एत्थ णं सक्करप्पभापुढविनेरइयाणं पणवीसं निरयावाससतसहस्सा हवंतीति मक्खातं ते णं नरगा अंतो वट्टा जाव एत्थ णं सक्करप्पभापुढविनेरइयाणं
दीपरत्नसागर संशोधितः]
[26]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |