Page Text
________________
तं जहा- पज्जत्तगा य अपज्जत्तगा य से त्तं अनुत्तरोववाइया, से त्तं कप्पाईया, से त्तं वेमाणिया, से त्तं देवा, से त्तं पंचिंदिया, से त्तं संसारसमावण्णजीवपन्नवणा, से त्तं जीवपन्नवणा, से त्तं पन्नवणा । मुनि दीपरत्नसागरेण संसोधितः संपादितश्च पढमं पयं समत्तं
[ बिइयं-ठाणपयं ।। [१९२] कहि णं भंते बादरपुढविकाइयाणं पज्जत्तगाणं ठाणा पन्नत्ता गोयमा सट्ठाणेणं अट्ठसु पुढवीस तं जहा- रयणप्पभाए सक्करप्पभाए वालुयप्पभाए पंकप्पभाए धूमप्पभाए तमप्पभाए तमतमप्पभाए इसीपब्भाराए, अहोलोए-पायालेसु भवणेसु भवणपत्थडेसु निरएसु निरयावलियासु निरयपत्थडेसु उड्ढलोए-कप्पेसु विमाणेसु विमाणावलियासु विमाणपत्थडेसु तिरियलोए-टंकेसु कूडेसु सोलेसु सिहरीसु पब्भारेसु विजएसु वक्खारेसु वासेसु वासहरपव्वएसु वेलासु वेड्यासु दारेसु तोरणेसु दीवेसु समुद्देसु एत्थ णं बादरपुढविकाइयाणं पज्जत्तगाणं ठाणा पन्नत्ता उववाएणं लोयस्स असंखेज्जइभागे समुग्घाएणं लोयस्स असंखेज्जइभागे सट्ठाणेणं लोयस्स असंखेज्जइभागे, कहि णं भंते बादरपुढविकाइयाणं अपज्जत्तगाणं ठाणा पन्नत्ता गोयमा जत्थेव बादरपुढविकाइयाणं पज्जत्ताणं ठाणा तत्थेव बादरपुढविकाइयाणं अपज्जत्तगाणं ठाणा पन्नत्ता उववाएणं सव्वलोए समुग्घाएणं सव्वलोए सहाणेणं लोयस्स असंखेज्जइभागे, कहि णं भंते सुहुमपुढविकाइयाणं पज्जत्तगाणं अपज्जत्तगाण य ठाणा पन्नत्ता गोयमा सुहमपुढविकाइया जे पज्जत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोयपरियावण्णगा पन्नत्ता समणाउसो, कहि णं भंते बादरआउक्काइयाणं पज्जत्तगाणं ठाणा पन्नत्ता गोयमा सट्ठाणेणं सत्तसु घणोदघीसु सत्तसु घणोदधिवलएसु अहोलोए-पायालेसु भवणेसु भवणपत्थडेसु उड्ढलोएकप्पेसु विमाणेसु विमाणावलियासु विमाणपत्थडेसु तिरियलोए-अगडेसु तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निज्झरेसु चिल्ललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलढाणेसु एत्थ णं
आउक्काइयाणं पज्जत्तगाणं ठाणा पन्नत्ता उववाएणं लोयस्स असंखेज्जइभागे समग्घाएणं लोयस्स असंखेज्जइभागे सट्ठाणेणंलोयस्स असंखेज्जइभागे ।
__ कहि णं भंते बादरआउक्काइयाणं अपज्जत्तगाणं ठाणा पन्नत्ता गोयमा जत्थेव बादरआउक्कियाणं पज्जत्तगाणं ठाणा तत्थेव बादरआउक्काइयाणं अपज्जत्तगाणं ठाणा पन्नत्ता उववाएणं पद-२
सव्वलोए समुग्धाएणं सव्वलोए सहाणेणं लोयस्स असंखेज्जइभागे, कहि णं भंते सुहुमआउक्काइयाणं पज्जत्तगाणं अपज्जत्तगाण य ठाणा पन्नत्ता गोयमा सुइमआउक्काइया जे पज्जत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोयपरियावण्णगा पन्नत्ता समणाउसो, कहि णं भंते बादरतेउकाइयाणं पज्जत्तगाणं ठाणा पन्नत्ता गोयमा सट्ठाणेणं अंतो-मणुस्सखेत्ते अड्ढाइज्जेसु दीवसमुद्देसु निव्वाधाएणं पन्नरससु कम्मभूमीसु वाघायं पडुच्चंपंचसु महाविदेहेसु एत्थ णं बादरतेउक्काइयाणं पज्जत्तगाणं ठाणा पन्नत्ता उववाएणं लोयस्स असंखेज्ज-इभागे समुग्धाएणं लोयस्स असंखेज्जइभागे, कहि णं भंते सुहमआउक्काइयाणं पज्जत्तगाणं अपज्जत्तगाणं य ठाणा पन्नत्ता गोयमा सुहमआउक्काइया जे पज्जत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोयपरियावण्णगा पन्नत्ता समणाउसो, कहि णं भंते बादरतेउकाइयाणं पज्जत्तगाणं ठाणा पन्नत्ता
दीपरत्नसागर संशोधितः]
[24]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |