Page Text
________________
सत्तमो वक्खारो
पलिओवमं ॥
१६६. ताराविमाणे देवीणं जहणेणं अट्ठभागपलिओवमं, उक्कोसेणं साइरेगं अट्ठभागपलिओवमं ॥
१६७. एएसि णं भंते ! चंदिम-सूरिय-गहगण-णक्खत्त- तारारूवाणं कयरे- कयरेहितो अप्पा वा ? बहुया वा ? तुल्ला वा ? विसेसाहिया वा ? गोयमा ! चंदिम-सूरिया दुवे ' तुल्ला सव्वत्थोवा, णक्खत्ता संखेज्जगुणा, गहा संखेज्जगुणा, तारारूवा संखेज्जगुणा ॥
१६८. जंबुद्दीवे णं भंते ! दीवे जहण्णपए वा उक्कोसपए वा केवइया तित्थयरा सव्वग्गेणं पण्णत्ता ? गोयमा ! जहण्णपए चत्तारि, उक्कोसपए चोत्तीसं तित्थयरा सव्वम्गेणं
पण्णत्ता ॥
१६६. जंबुद्दीवे णं भंते! दीवे जहण्णपए वा उक्कोसपए वा केवइया चक्कवट्टी सव्वग्गेणं पण्णत्ता ? गोयमा ! जहण्णपए चत्तारि, उक्कोसपए तीसं चक्कवट्टी सव्वगेणं
५८७
पण्णत्ता ||
२००. बलदेवा तत्तिया चेव जत्तिया चक्कवट्टी, वासुदेवावि तत्तिया चेव ॥ २०१. जंबुद्दीवे णं भंते ! दीवे केवइया णिहिरयणा सव्वग्गेणं पण्णत्ता ? गोयमा ! तिष्णि छलुत्तरा णिहिरयणसया सव्वग्गेणं पण्णत्ता ॥
२०२. जंबुद्दीवे णं भंते ! दीवे केवइया णिहिरयणसया परिभोगत्ताए हव्वमा - गच्छति ? गोयमा ! जहण्णपए छत्तीसं, उक्कोसपए दोण्णि सत्तरा णिहिरयणसया परिभोगत्ताए हव्वमागच्छति ॥
२०३. जंबुद्दीवे णं भंते ! दीवे केवइया पंचिदियरयणसया सव्वग्गेणं पण्णत्ता ? गोयमा ! दो दसुत्तरा पंचिदियरयणसया सव्वग्गेणं पण्णत्ता ॥
२०४. जंबुद्दीवे णं भंते ! दीवे जहण्णपए वा उक्कोसपए वा केवइया पंचिदियरयणसया परिभोगत्ताए हव्यमागच्छति ? गोयमा ! जहण्णपए अट्ठावीसं, उक्कोसपए दोण्णि दसुत्तरा पंचिदियरयणसया परिभोगत्ताए हव्वमागच्छति ॥
२०५. जंबुद्दीवे णं भंते ! दीवे केवइया एगिंदियरयणसया सव्वमोणं पण्णत्ता ? गोमा ! दो दसुत्तरा एगिदियरयणसया सव्वग्गेणं पण्णत्ता ॥
२०६. जंबुद्दीवे णं भंते ! दीवे केवइया एगिंदियरयणसया परिभोगत्ताए हब्वमागच्छति ? गोयमा ! जहण्णपए अट्ठावीसं, उक्कोसेणं दोण्णि दसुत्तरा एगिंदियरयणसया परिभोगत्ताए हव्वमागच्छति ॥
२०७. जंबुद्दीवे णं भंते! दीवे केवइयं आयाम - विक्खभेणं, केवइयं परिक्खेवेणं, केवइयं उव्वेहेणं, केवइयं उड्ढं उच्चत्तेणं, केवइयं सव्वग्गेणं पण्णत्ते ? गोयमा ! जंबुद्दीवे दीवे एगं जोयणसयसहस्सं आयाम विक्खभेणं, तिष्णि जोयणसयसहस्साई सोलस य सहस्साइं दोण्णि य सत्तावीसे जोयणसए तिष्णि य कोसे अट्ठावीसं च धणुसयं तेरस य अंगुलाई अर्द्धगुलं च चिविसेसाहियं परिक्वेवेणं, एवं जोयणसहस्सं उव्वेहेणं, णवणउई जोयणसहस्साई साइरेगाई' उड्ढं उच्चत्तेणं, साइरेगं जोयणसयसहस्सं सव्वग्गेणं पण्णत्ते ॥
१. दोवि ( अ, क, ख, त्रि, ब, स ) 1
२. X ( अ, क, ख, त्रि, ब, स ) 1
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |