Page Text
________________
सत्तमो वक्खारो
खेत्ते किरिया कज्ज इ ? अणागए खेत्ते किरिया कज्जइ ? गोयमा ! णो तीए खेत्ते किरिया कज्जइ, पडुप्पण्णे खेत्ते किरिया कज्जइ, णो अणागए खेत्ते किरिया कज्जइ॥
५३. सा भंते ! कि पुट्ठा कज्जइ ? अपुट्ठा कज्जइ? गोयमा ! पुट्ठा कज्जइ, णो अपुट्ठा कज्जइ जाव णियमा छद्दिसि ।।
५४. जंबुद्दीवे णं भंते ! दीवे सूरिया केवइयं खेत्तं उड्ढं तवयंति अहे तिरियं च ? गोयमा ! एग जोयणसयं उड्ढं तवयंति, अट्ठारस जोयणस याई अहे तवयंति, सीयालीसं जोयणसहस्साई दोण्णि य तेवढे जोयणसए एगवीसं च सद्विभाए जोयणस्स तिरियं तवयंति ॥
५५. अंतो गं भंते ! माणसुत्तरस्स पव्वयस्स जे चंदिम-सूरिय-गहगण-णक्खत्त-तारारूवा ते णं भंते ! देवा कि उड्ढोववण्णगा कप्पोववण्णगा विमाणोववण्णगा चारोववण्णगा, चारट्टिइया गइरइया गइसमावण्णगा? गोयमा ! अंतो णं माणुसुत्तरस्स पव्वयस्स जे चंदिम-सूरिय' गहगण-णक्खत्त° तारारूवा ते णं देवा णो उड्डोववण्णगा णो कप्पोववण्णगा, विमाणोववण्णगा चारोववष्णगा, णो चारढिइया, गइरइया गइसमावण्णगा उड्डीमुहकलंबुयापुप्फसंठाणसंठिएहिं जोयणसाहस्सिएहिं तावखेत्तेहि, साहस्सियाहिं 'वेउव्वियाहिं, बाहिराहि" परिसाहिं महयाहय-पट्ट-गीय-वाइय-तंती-तल-ताल-तुडिय-घणमुइंगपडुप्पवाइयरवेणं दिव्वाइं भोगभोगाई भुंजमाणा महया उक्किट्ठसीहणायबोलकलकलरवेणं अच्छं पव्वयरायं पयाहिणावत्तमंडलचार मेरु अणपरियटटंति ॥
५६. तेसि णं भंते ! देवाणं जाहे इंदे चुए भवइ से कहमियाणि पकरेंति ? गोयमा! ताहे' चत्तारि पंच वा सामाणिया देवा तं ठाणं उवसंपज्जित्ताणं विहरंति जाव 'तत्थपणे इंदे" उववण्णे भवइ ।
५७. इंददाणे णं भंते ! केवइयं कालं उववाएणं विरहिए ? गोयमा! जहण्णणं एग समयं, उक्कोसेणं छम्मासे ‘उववाएणं विरहिए"।
५८. बहिया णं भंते ! माणुसुत्तरस्स पव्वयस्स जे चंदिम २- सूरिय-गहगण-णक्खत्ततारारूवा, तं चेव णेयव्वं, णाणत्तं- विमाणोववण्णगा, जो चारोववण्णगा, चारट्रिइया, णो गइरइया णो गइसमावण्णगा पक्किट्टगसंठाणसंठिएहि" जोयणसयसाहस्सिएहिं तावखेत्तेहिं, सयसाहस्सियाहिं वेउब्बियाहिं, बाहिराहि परिसाहिं महयाहयणट्ट-गीय-वाइय" 'तंती-तल
१. तवंति (अ,ब)।
८. देवा:समुदितीभूय (पुवहीव); देवाः सम्भूय २. सं० पा०—सूरिय जाव तारारूवा।
(शाव)। ३. बाहिरियाहिं वेउब्वियाहिं (जी० ३८४२; सू० ६. तत्य णं इंदे (त्रि,हीव)। १६।२३) ।
१०. केवइ (अ,ब); केवति (क,ख,त्रि,स)। ४. उक्किट्ठी (अ,ब); उक्किट्ठि (ख); उक्कट्ठि ११. विरहिए उववाएणं (अ,क,ख,त्रि,ब,स)।
१२. सं. पा.---चंदिम जाव तारारूवा । ५. जाधे (अ,ब)।
१३. वकिट्टग° (अ.क,ख,त्रि,ब,स,ही)। ६. जाव (अ,क,ख,त्रि,ब,स पुर्व) ।
१४. सं० पा०—बाइय जाव भुंजमाणा। ७. ४ (अ,क,ख,त्रि,प,ब,स)।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |