Page Text
________________
सत्तमो वक्खारो
गाहा
---
मेरुस्स' मज्झयारे, जाव य लवणस्स रुंदछ भागे । तावायामो एसो, सगडुद्धीसंठिओ णियमा ||१||
३३. तया णं भंते! किंसंठिया अंधयारसंठिई पण्णत्ता ? गोयमा ! उड्डीमुहकलंबुयापुप्फस ठाणसंठिया अंधयारसंठिई पण्णत्ता- अंतो संकुया बाहि वित्थडा, अंतो वट्टा बाहि पिहुला, अंतो अंकमुहसंठिया बाहि सगडुद्धीमुहसंठिया, उभओ पासे णं तीसे दो बहाओ अवट्टियाओ हवंति - पणयालीसं पणयालीस जोयणसहस्साई आयामेण, दुवे य णं तीसे बाहाओ अणवट्टियाओ हवंति, तं जहा - सव्वभंतरिया चेव बाहा, सव्वबाहिरिया चेव बाहा' |
तीसे णं सव्वभंतरीया बाहा मंदरपव्वयंतेणं छज्जोयणसहस्साइं तिष्णि य चउवीसे जोयणसए छच्च दसभाए जोयणस्स परिवखेवेणं ।
से णं भंते! परिक्खेवविसेसे कओ आहिएति वएज्जा ? गोयमा ! जे गं मंदरस्स पव्वयस्स परिक्खेवे तं परिक्खेवं दोहि गुणेत्ता दसहिं छेत्ता दसहि भागे हीरमाणे, एस णं परिक्खेवविसेसे आहिएति वएज्जा ।
तीसे णं सव्वबाहिरिया वाहा लवणसमुदतेणं तेसट्ठी' जोयणसहस्साई दोणि य पणयाले' जोयणसए छच्च दसभाए जोयणस्स परिक्खेवेणं ।
से णं भंते ! परिक्खेव विसेसे कओ आहिएति वएज्जा ? गोयमा ! जे णं जंबुद्दीवस्स दीवस्स परिक्खेवे, तं परिक्खेवं दोहिं गुणेत्ता' 'दसहिं छेत्ता दसहि भागे हीरमाणे, एस णं परिक्खेवविसेसे आहिएति वएज्जा' ||
३४. तया णं भंते! अंधयारे केवइए आयामेणं पण्णत्ते ? गोयमा ! अट्ठहत्तर " जोयणसहस्साइं तिष्णि य तेत्तीसे जोयणसए जोयणतिभागं च आयामेणं पण्णत्ते ॥
३५. जया णं भंते! सूरिए सव्वबाहिरमंडलं उवसंकमित्ता चारं चरइ, तया गं किसंठिया तावक्खेत्तसंठिई पण्णत्ता ? गोयमा ! उड्डीमुहकलं बुयापुप्फसंठाणसंठिया पण्णत्ता, तं चैव सव्वं गेयव्वं, णवरं णाणत्तं -जं अंधयारसंठिईए पुव्ववणियं प्रमाणं तं तावखेत्तसंठिईए णेयव्वं", जं तावखेत्तसंठिईए पुव्ववणियं प्रमाणं तं अंधयारसंठिईए" यव्वं ॥
३६. जंबुद्दीवे णं भंते ! दीवे सूरिया उग्गमणमुहुत्तंसि दूरे य मूले य दीसंति ? मज्झतियमुत्तंसि मूले य दूरे य दीसंति ? अत्थमणमुहुत्तंसि दूरे य मूले य दीसंति ? हंता गोयमा ! तं चैव जाव दीसंति ॥
१. 'अ' सङ्केतितयोः ताडपत्रीयादर्शयोः नेयं गाथा उपलभ्यते ।
२. उद्धीमुह° (अ,ख,त्रि,व) ।
३. सं० पा० – वित्थडा तं चैव जाव तीसे 1 ४. तेवट्ठी ( अ, क, ख, व, स ) ; तेवट्ठि (त्रि ) । ५. पणताले (क, ख, स ) ; पणयाली से (त्रि ) । ६. सं० पा०-- -- गुणेत्ता जाव तं देव ।
५६
Jain Education International
७. अट्ठतर ( अ, ब, स )
८. बाहिर ( अ, ब ) |
६. वरि (अ, क, ब, स ) ; णवर (ख) त्रि ) ।
१०. जं० ७१३३,३४ ।
११. अंधकारस्स (अ, क, ख, त्रि, ब, स ) ।
१२. जं० ७/३१,३२ ॥
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |