Page Text
________________
बुद्दीपण्णत्तो
उत्तरदाहिणाथए, तहेव सव्वं, णवरं - णिसहवासहर पब्वयंतेणं एगमेगुणवीसइभागं जोयणस्स विक्खभेणं, किण्हे किण्होभासे' जाव' आसयंति, उभओ पासि दोहिं पउमवरवेइयाहिं वणवण्णओ ॥
३०८
२०२. कहि णं भंते ! जंबुद्दीवे दीवे महाविदेहे वासे वच्छे णामं विजए पण्णत्ते ? गोयमा ! णिसहस्स वासहरपव्वयस्स उत्तरेणं, सीयाए महाणईए दाहिणेणं, दाहिणिल्लस्स सीयामुहवणस्स पच्चत्थिमेणं, तिउडस्स वक्खारपव्वयस्स पुरत्थिमेणं, एत्थ णं जंबुद्दीवे ara महाविदेहे वासे वच्छे णामं विजए पण्णत्ते, तं चेव' पमाणं सुसीमा रायहाणी, तिउडे वक्खारपव्वए । सुवच्छे विजए, कुंडला रायहाणी, तत्तजला गई । महावच्छे विजए, अपराजिया राहाणी, वेसमणकडे वक्खारपव्वए । बच्छावई विजए, पभंकरा रायहाणी, मत्तजला गई । रम्मे विजए, अंकावई रायहाणी, अंजणे वक्खारपव्वए । रम्मगे विजए, पम्हावई रायहाणी, उम्मत्तजला महाणई। रमणिज्जे विजए, सुभा रायहाणी, मायंजणे वक्खारपव्वए । मंगलावई विजए, रयणसंचया रायहाणी । एवं जह चैव सीयाए महाणईए उत्तरं पासं तह चैव दक्खिणिल्लं' भाणियव्वं, दाहिणितलसीयामुहवणाइ । इमे ववखारकूडा, तं जहा - तिउडें वेसमणकूडे अंजणे मायंजणे, विजया----
गाहा
वच्छे सुवच्छे महावच्छे, चउत्थे वच्छगावई । रम्मे रम्मए चेव, रमणिज्जे मंगलावई ॥ १ ॥
रायहाणीओ, तं जहा
सुसीमा कुंडला चेव, अवराइय पहंकरा । अंकावई पम्हावई", सुभा रयणसंचया ॥२॥
वच्छस्स विजयस्स -- णिसहे दाहिणेणं, सीया उत्तरेणं, दाहिणिल्लसीयामुहवणे पुरत्थिमेणं, तिउडे पच्चत्थिमेणं---सुसीमा रायहाणी, पमाणं तं चेव । वच्छानंतर तिउडे, तओ सुवच्छे विजए। एएणं कमेणं तत्तजला गई, महावच्छे विजए । वेसमणकूडे वक्खारपव्व ए, वच्छावई विजए । मत्तजला गई, रम्मे विजए | अंजणे वक्खारपव्वए, रम्मए विजए । उम्मत्तजला गई, रमणिज्जे विजए । मायंजणे वक्खारपव्वए, मंगलावई विजए ||
२०३. कहि णं भंते ! जंबुद्दीवे दीवे महाविदेहे वासे सोमणसे णामं वक्खारपव्वए पणते ? गोयमा ! णिसहस्स वासहरपव्वयस्स उत्तरेणं, मंदरस्स पव्वयस्स दाहिणपुरत्थिमेणं, मंगलावईविजयस्स" पच्चत्थिमेणं, देवकुराए" पुरत्थिमेणं, एत्थ णं जंबुद्दीवे दीवे महाविदेहे
१. किन्होभासे जाव महया गंधद्वाणिं मुयंते ( क,ख, त्रि, प, स ) 1
२. जं० १११३ ।
३. जं० ४११६७-१७७ ।
४. अंजणे (अ,ब ) ।
५. दक्खिणं ( अ, क, ख, त्रि, ब, स ) 1
Jain Education International
६. तिउडकूडे ( अ, ब ) तिउडे कूडे ( क,ख, त्रि) 1
७. × ( अ, ख, त्रि. ब, स ) ।
5.
वह्मावई (अत्रि ) ।
६. सीयावणमुहे ( अ, क,ख, त्रि, ब, स )
।
१०. मंगलावइस्स विजयस्स ( अ, क, ख, त्रि, ब ) |
११. देवकुराणं ( स ) 1
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |