Page Text
________________
तइम वक्खारी
४४t
अम्हेहि देवाणुप्पिया! तुब्भं पियट्टयाए भरहस्स रण्णो उवसग्गे कए, ส गच्छह णं तुब्भे देवाप्पिया ! व्हाया कयबलिकम्मा कयकोउय-मंगल- पायच्छित्ता उल्लपडसाडगा ओचूलगणियत्था' अग्गाई वराई रयणाई गहाय पंजलिउडा पायवडिया भरहं रायाणं सरणं उवेह, पणिवयवच्छता खलु उत्तमपुरिसा 'णत्थि भे" भरहस्स रण्णो अंतियाओ भयमितिकट्टु, एवं वदित्ता जामेव दिसि पाउन्भूया तामेव दिसि पडिगया ||
१२६. तए णं ते आवाडचिलाया मेहमुहेहि णागकुमारेहि देवेहि एवं वृत्ता समाणा उट्ठाए उट्ठेति, उट्ठेत्ता व्हाया कयवलिकम्मा कयको जय मंगल पायच्छित्ता उल्लपडसाडगा ओचूलगणियत्था अग्गाई व राई रयणाई गहाय जेणेव भरहे राया तेणेव उवागच्छंति, उवागच्छित्ता करयलपरिग्गहियं' "सिरसावत्तं मत्थए अंजलि कट्टु भरहं रायं जएणं विजएणं बद्धावेंति, वृद्धावेत्ता अग्गाई वराई रयणाई उवर्णेति उवणेत्ता एवं वयासी
गाहा—
वसुहर ! गुणहर ! जयहर ! हिरिसिरिधी कित्तिधारकर्णारिद ! लक्खणसहस्सधारक ! रायमिणं णे चिरं धारे ॥ १ ॥
हयवति ! गयवति ! णरवति ! णवणिहिवति ! भरहवासपढमवति ! बत्तीसजणवय सहस्स राय ! सामी चिरं जीव ॥२॥ पढमणरीसर ! ईसर ! हियईसर ! महिलियासहस्साणं । देवसयसहस्सीसर' ! चोसरयणीसर ! जसंसी ! ॥३॥ सागरगिरिपेरंतं', उत्तरपाईणमभिजिय" तुमए ।
ता अम्हे देवाणुप्पियस्स विसए परिवसामो ॥४॥
अहो देवाप्पियाड्डी जुई जसे वले वीरिए पुरिसक्कार-परक्कमे' दिव्वा देवजुई दिव्वे देवाणुभागे' लद्धे पत्ते अभिसमण्णागए, तं दिट्ठा णं देवाणुप्पियाणं इड्डी" "जुई जसे ब वीरिए पुरिसक्कार- परक्कमे दिव्वा देवजुई दिव्वे देवाणुभागे लद्धे पत्ते अभिसमण्णागए, तं खाणं देवाप्पिया ! खमंतु णं देवाणुप्पिया ! खंतुमरुहंतु णं देवाणुप्पिया ! गाइ भुज्जो - भुज्जो एवं करणयाएत्तिकट्टु पंजलिउडा पायवडिया भरहं रायं सरणं उवेंति ।।
१२७. तए णं से भरहे राया तेसि आवाsचिलायाणं अग्गाई वराई रयणाई पच्छिंति, पडिच्छित्ता ते आवाडचिलाए एवं वयासी - गच्छह णं भो ! तुब्भे ममं बाहुच्छायापरिगहिया णिब्भया णिरुव्विग्गा सुहंसुहेणं परिवसह, णत्थि भे कत्तोवि भय
१. नियच्छा ( प, स ) 1
२. ण मे ( अ, ब ) ; णत्थि (ख, त्रि 1
३. सं० पा०—करयलपरिग्गहियं जाव मत्थए ।
४. बत्तीसं जणवयसहस्स ( अ, ब ) ।
५. साहसीसर (त्रि),
६. मेरागं ( प, शावृ ) 1
७. उत्तरपातीण° ( अ, ब ) ; उत्तरवातीण' (क,
Jain Education International
स) ; उत्तरवाणीण' (ख, त्रि); उत्तरवाईण° (प) 1
5. परक्कमे दिव्या देविड्ढी, इदं पदं क्वचिन्न दृश्यते ( पुवृ ) ।
६. भावे (अप) ।
१०. सं० पा० - इड्ढी एवं चैव जाव अभिसमण्णा
गए ।
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |