________________
तीसइमं सतं
पढमो उद्देसो समोसरण-पदं १. कइ ण भंते ! समोस रणा पण्णत्ता?
गोयमा ! चत्तारि समोसरणा पण्णत्ता, तं जहा.-किरियावादी, अकिरिया
वादी, अण्णाणियवादी, वेणइयवादी ।।। २. जीवा णं भंते ! कि किरियावादी ? अकिरियावादी ? अण्णाणियवादी ?
वेणइयवादी? गोयमा ! जीवा किरियावादी वि, अकिरियावादी वि, अण्णाणियवादी वि,
वेणइयवादी वि।। ३. सलेस्सा गं भंते ! जीवा कि किरियावादी -पुच्छा।
गोयमा ! किरियावादी वि, अकिरियावादी वि, अण्णाणियवादी वि, वेणइयवादी
वि। एवं जाव सुक्कलेस्सा ।। ४. अलेस्सा णं भंते ! जीवा-पुच्छा।
गोयमा ! किरियावादी, नो अकिरियावादी, नो अण्णाणियवादी, नो वेणइय
वादी ॥ ५. कण्हपक्खिया णं भंते ! जीवा किं किरियावादी–पुच्छा।
गोयमा ! नो किरियावादी, अकिरियावादी, अण्णाणियवादी वि, वेणइयवादी वि। सुक्कपक्खिया जहा सलेस्सा। सम्मदिट्ठी जहा अलेस्सा। मिच्छादिट्ठी जहा कण्हपक्खिया। सम्मामिच्छादिट्ठी णं -पुच्छा। गोयमा! नो किरियावादी, नो अकिरियावादी, अण्णाणियवादी वि, वेणइयवादी वि । नाणो जाव केवलनाणी जहा अलेस्से । अण्णाणी जाव विभंगनाणी जहा कण्हपक्खिया। अाहारसण्णोवउत्ता जाव परिग्गहसण्णोवउत्ता
६६०
Jain Education International
For Private & Personal Use Only
www.jainelibrary.org
