________________
१२५
बीअं अज्झयणं (सज्जा-पढमो उद्दे सो)
जं तहप्पगारे सागारिए उवस्सए णो ठाणं वा, सेज्जं वा, णिसीहियं वा
चेतेज्जा । २३. आयाणमेयं भिक्खुस्स गाहावईहिं सद्धि संवसमाणस्स'--इह खलु गाहावई
अप्पणो सअट्टाए अगणिकायं उज्जालेज्ज वा, पज्जालेज्ज वा, विज्झावेज्ज वा । अह भिक्खू उच्चावयं मणं णियच्छेज्जा-एते खलु अगणिकायं उज्जालेंतु वा मा वा उज्जालेंतु, पज्जालेंतु वा मा वा पज्जालेंतु, विज्झावेंतु वा मा वा विज्झातु । अह भिक्खूणं पुन्वोवदिट्ठा 'एस पइण्णा, एस हेऊ, एस कारणं, एस उवएसो', जं तहप्पगारे [सागारिए ? ] उवस्सए णो ठाणं वा, सेज्जं वा, णिसीहियं वा
चेतेज्जा ॥ २४. आयाणमेयं भिक्खुस्स गाहावईहिं सद्धि संवसमाणस्स-इह खलु गाहावइस्स
कंडले वा, गुणे वा, मणी वा, मोत्तिए वा, 'हिरणे वा', 'सुवण्णे वा", कडगाणि वा, तुडियाणि वा, तिसरगाणि' वा, पालंबाणि वा, हारे वा, अद्धहारे वा, एगावलो वा, मुत्तावली वा, कणगावली वा, रयणावली वा, तरुणियं वा कुमारि अलंकिय-विभूसियं पेहाए, अह भिक्खू उच्चावयं मणं णियच्छेज्जा-एरिसिया वा सा णो वा एरिसिया-इति वा णं बूया, इति वा णं मणं साएज्जा। अह भिक्खूणं पुन्वोवदिट्ठा 'एस पइण्णा, एस हेऊ, एस कारणं, एस उवएसो°, जं तहप्पगारे [सागारिए ? ] उवस्सए णो ठाणं वा, सेज्जं वा, णिसीहियं वा चेतेज्जा ।। आयाणमेयं भिक्खुस्स गाहावईहिं सद्धि संवसमाणस्स-इह खलु गाहावइणीओ वा, गाहावइ-धूयाओ वा, गाहावइ-सुण्हाओ वा, गाहावइ-धाईओ वा, गाहावइ-दासीओ वा, गाहावइ-कम्मकरीओ वा। तासि च णं एवं वृत्तपव्वं भवइ-जे इमे भवंति समणा भगवंतो' सीलमंता वयमता गणमंता संजया संवुडा बंभचारी • उवरया मेहुणाओ धम्माओ, गो खलु एतेसिं कप्पइ मेहुणं धम्म परियारणाए आउट्टित्तए। जा य खलु एएहिं सद्धि मेहुणं धम्म परियारणाए आउट्टेज्जा, पुत्तं खलु सा
१. वस (अ, घ, च, छ, ब)। २. सं० पा०-पुन्वोवदिट्ठा जाव जं ।
५. तिसराणि (च)। ६. सं० पा०--पुव्वोवदिट्टा जाव जं । ७. सं० पा०-भगवंतो जाव उवरया।
४. x (छ)।
Jain Education International
For Private & Personal Use Only
www.jainelibrary.org
