________________
आयारचूला
जं तहप्पगारे उवस्सए अंतलिक्नजाए णो ठाणं वा, सेज्जं वा, णिसीहियं वा
चेतेज्जा ।। सागारिय-उवस्सय-पदं २०. से भिक्खू वा भिक्खुणो वा सेज्जं पुण उवस्सयं जाणेज्जा-सइत्थियं, सखुटुं,
सपसुभत्तपाणं । तहप्पगारे सागारिए उवस्सए णो ठाणं वा, सेज्जं वा,
णिसीहियं वा चेतेज्जा ॥ २१. आयाणमेयं भिक्खुस्स गाहावइ-कुलेण सद्धि संवसमाणस्स-अलसगे वा,
विसूइया वा, छड्डो वा उव्वाहेज्जा'। अण्णतरे वा से दुक्खे रोगातके' समुप्पज्जेज्जा । अस्संजए कलुण-पडियाए तं भिक्खुस्स गातं तेल्लेण वा, घएण वा, णवणोएण वा, वसाए वा, अब्भंगेज्ज वा, मक्खेज्ज वा । सिणाणेण वा, कक्केण वा, लोद्धण वा, वण्णेण वा, चुण्णेण वा, पउमेण वा, आघसेज्ज बा, पघसेज्ज वा, उव्वलेज्ज वा, उव्वट्टेज्ज वा । सीओदग-वियडेण वा, उसिणोदगवियडेण वा, 'उच्छोलेज्ज वा', पहोएज्ज वा, सिणावेज्ज वा, सिंचेज्ज वा। दारुणा वा दारुपरिणाम' कटु अगणिकायं उज्जालेज्ज वा, पज्जालेज्ज वा, उज्जालेत्ता पज्जालत्ता कायं आयावेज्ज वा, पयावेज्ज वा। अह भिक्खूणं पुत्वोवदिट्ठा एस पइण्णा, एस हेऊ, एस कारणं, एस उवएसो, जं तहप्पगारे सागारिए उवस्सए णो ठाणं वा, सेज्जं वा, णिसीहियं वा
चेतेज्जा । २२.
आयाणमेयं भिक्खुस्स सागारिए उवस्सए संवसमाणस्स--इह खलु गाहावई वा', 'गाहावइणीओ वा, गाहावइ-पुत्ता वा, गाहावइ-धूयाओ वा, गाहावइसहाओवा, धाईओवा, दासा वा, दासोओ वा, कम्मकरा वा०,कम्मकरोओ वा अण्णमणं अक्कोसंति वा, बंधंति वा, रुभंति वा, उद्दवेंति" वा। अह भिक्खू णं उच्चावयं मणं णियच्छेज्जा-एते खलु अण्णमण्णं अक्कोसंतु वा मा वा अक्कोसंतु, बंधंतु वा मा वा बंधंतु, रुभंतु वा मा वा रुभंतु, उद्दवेंतु वा मा वा उद्दवतु। अह भिक्खूणं पुव्वोवदिट्ठा एस पइण्णा", "एस हेऊ, एस कारणं, एस उवएसो'
१. साकारिए (छ, ब)। २. उप्पा ° (क, च, ब)। ३. रोगे आयके (घ)। ४. लोद्देण (अ, ब)। ५. उच्छोलेज्ज पच्छोलेज्ज वा (ब)। ६. दारुणं परि (अ, च); दारुण ° (क)।
७. वसमाणस्स (ब)। ८. सं० पा०-गाहावई वा जाव कम्मकरीओ। ६. पहति (क); X (च, ब); वहंति (अ)। १०. उद्दति वा उद्दति (घ); उदृवंति वा
उद्दवेति (छ)। ११. सं० पा०-पइण्णा जाय ।
Jain Education International
For Private & Personal Use Only
www.jainelibrary.org
