________________
नवस्मरणादिसङ्ग्रहे
निगोदषट्त्रिंशिका । लोगस्सेगपएसे, जहन्नयपयम्मि जियपएसाणं । उक्कोसपए य तहा, सव्वजियाणं च के बहुया ? ॥१॥ थोवा जहन्नयपए, जियप्पएसा जिया असंखगुणा । उकोसपयपएसा, तओ विसेसाहिआ भणिआ ॥२॥ तत्थ पुण जहन्नपयं, लोयंते जत्थ फासणा तिदिसिं । छदिसिमुक्कोसपयं समत्थगोलम्मि नऽन्नत्थ ॥३॥ उक्कोसमसंखगुणं, जहन्नयाओ पयं हवइ किं नु । नणु तिदिसिफुसणाओ, छद्दिसिफुसणा भवे दुगुणा॥४॥ थोवा जहन्नयपए, निगोयमित्तावगाहणा फुसणा। फुसणाऽसंखगुणत्ता, उकोसपए असंखगुणा ।।५॥ . उक्कोसपयममुत्तं, निगोयओगाहणाइ सव्वत्तो। निष्फाइज्जइ गोलो, पएसपरिवुड्ढिहाणीहि ॥६॥ तत्तो चिअ गोलाओ, उकोसपयं मुइत्तु जो अन्नो। होइ निगोओ तम्मि वि, अन्नो निप्फजई गोलो ॥७॥ एवं निगोयमित्ते, खित्ते गोलस्स होइ निप्फत्ती । एवं निष्फजंते, लोगे गोला असंखिजा ॥८॥ ववहारनएण इमं, उक्कोसपया वि इत्तिया चेव । जं पुण उक्कोसपयं, निच्छइयं होइ तं बुच्छं ॥९॥ बायरनिगोयविरगहगइयाई जत्थ समहिया अन्ने । गोला हुज्ज सुबहुया, निच्छइयपयं तदुक्कोसं ॥१०॥
Jain Education International
For Private & Personal Use Only
www.jainelibrary.org
