Page Text
________________ For055555555555 139-2) दसायक्रोधं कप्पसूर्य (बारसासूत्र) [28] 55555555555FOXONY 555555555FESong 明明明明明明明明明明明乐乐 明明明明明明 明明明明明明乐 अपडिलेहणासीलस्स अपमज्जणासीलस्स तहा तहा संजमे दुराराहए भवइ // 53|| अणादाणमेयं, अभिग्गहिय सिज्जासगियस्स उच्चाकूइयस्स अट्ठाबंधियस्स मियासणियस्स आयाबियस्स समियस्स अभिक्खणं 2 पडिलेहणासीलस्स पमज्जणासीलस्स तहा 2 संजमे सुआराहए भवइ / / 54 / / वासावासं पज्जोसवियाणं कप्पइ निग्गंथाण वा निग्गंथीण वा तओ उच्चारपासवणभूमीओ पडिलेहित्तए. न तहा हेमंतगिम्हासु जहा णं वासासु, से किमाहु भंते ! ?, वासासु णं उस्सणं पाणा य तणा य बीया य पणगा य हरियाणि य भवंति // 55 / / वासावासं पज्जोसवियाणं कप्पइ निग्गंथाण वा निग्गंथीण वा तओ मत्तगाइं गिण्हित्तए, तंजहाउच्चारमत्तए, पासवणमत्तए, खेलमत्तए // 56 / / वासावासं पज्जोसवियाणं नो कप्पइ निग्गंथाण वा निग्गंथीण वा परं पज्जोसवणाओ गोलोमप्पमाणमित्तेऽवि तेसे तं रयणि उवायणावित्तए। अज्जेणं खुरमुंडेण वा लुक्कसिरएण वा होइयव्वं सिया। पक्खिया आरोवणा, मासिए खुरमुंडे, अद्धमासिए कत्तरिमुंडे. छम्मासिए लोए, संवच्छरिए वा थेरकप्पे // 57|| वासावासं पज्जोसविआणं नो कप्पइ निग्गंथाण वा निग्गंथीण वा परं पज्जोसवणाओ अहिगरणं वइत्तए, जेणं निग्गंथो वा निग्गंथी वा परं पज्जो सवणाओ अहिगरणं वयइ से णं 'अकप्पेणं अज्जो ! वयसीति' वत्तव्वे सिया, जेणं निग्गंथो वा निग्गंथी वा परं पच्जोसवणाओ अहिगरणं वयइ से णं निज्जू हियब्वे सिया // 58|| वासावासं पज्जोसवियाणं इह खलु निग्गंथाण वा निग्गंथीण वा अज्जेव कक्खडे कडुए वुग्गहे समुप्पज्जिज्जा सेहे रायणियं खामिज्जा, राइणिएऽवि सेहं खामिज्जा (ग्रं-१२००) खमियव्वं खमावियव्वं उवसमियव्वं उवसमावियव्वं सुमइसंपुच्छणाबहुलेणं होयव्वं / जो उवसमइ तस्स अत्थि आराहणा, जो न उवसमइ तस्स नत्थि आराहणा, तम्हा अप्पणा चेव उवसमियव्वं, से किमाहु भंते ?, उवसमसारं खु सामण्णं / / 59 / / वासावासं पज्जोसवियाणं कप्पइ निग्गंथाण वा निग्गंथीण वा तओ उवस्सया गिण्हित्तए, तंजहा-वेउव्विया पडिलेहा साइज्जिया पमज्जणा 3 // 60 / / वासावासं पज्जोसवियाणं निग्गंथाण वा निग्गंथीण वा कप्पइ अण्णयरिं दिसिं वा अणुदिसिंवा अवगिज्झिय भत्तपाणं गवेसित्तए। से किमाहु भंते ! ?, उस्सणं समणा भगवंतो वासासु तवसंपउत्ता भवंति, तवस्सी दुब्बले किलंते मुच्छिज्ज वा पवडिज्ज वा, तमेव दिसं वा अणुदिसं वा समणा भगवंतो पडिजागरंति // 61 / / वासावासं पज्जोसवियाणं कप्पइ निग्गंथाण वा निग्गंथीण वा गिलाणहेउं जाव चत्तारि पंच जोयणाइं गंतुं पडिनियत्तए, अंतराऽवि से कप्पइ वत्थए, नो से कप्पइ तं रयणि तत्थेव उवायणावित्तए // 62 / / इच्चेइयं संवच्छरिअं थेरकप्पं अहासुत्तं अहाकप्पं अहामग्गं अहातच्चं सम्मं काएण फासित्ता पालित्ता सोभित्ता तीरित्ता किट्टित्ता आराहित्ता आणाए अणुपालित्ता अत्थेगइआ समणा निग्गंथा तेणेव भवग्गहणेणं सिज्झंति बुज्झंति मुच्चंति परिनिव्वाइंति सव्वदुक्खाणमंतं करिति, अत्थेगइया दुच्चेणं भवग्गहणेणं सिझंति बुझंति मुच्चंति परिनिव्वाइंति सव्वदुक्खाणमंतं करिति, अत्थेगइया तच्चेणं भवग्गहणेणं सिझंति बुज्झंति मुच्चंति परिनिव्वाइंति सव्वदुक्खाणमंतं करिति, सत्तट्ठ भवग्गहणाई म पुण नाइक्कमंति // 63 / / तेणं कालेणं तेणं समएणं समणे भगवं महावीरे रायगिहे नगरे गुणसिलए चेइए बहूणं समणाणं बहूणं समणीणं बहूणं सावयाणं बहूणं सावियाणं बहूणं देवाणं बहूणं देवीणं मज्झगए चेव एवमाइक्खइ, एवं भासइ, एवं पण्णवेइ, एवं परुवेइ, पज्जोसवणाकप्पो नामं अज्झयणं सअटुं सहेउअंसकारणं ससूत्तं सअट्ठ सउभयं सवागरणं भुज्जो भुज्जो उवदंसेइत्ति बेमि।।६४|| (ग्रं० 1215) इति सामाचारी समाप्ता, तृतियं वाच्यं च समाप्त / / इति श्रीदशाश्रुतस्कन्धे श्रीपर्युपणाकल्पाख्यं स्वामिश्रीभद्रबाहुविरचितं श्रीकल्पसूत्रं (बारसासूत्र) समाप्तम् / / RO )555555555555555555555 श्री आगमगुणमजूषा-१५७०5555555555555555555555555575
| SR No. | 003275 |
| Book Title | Agam 37 Chhed 04 Dashashrut Skandh Part 02 Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 43 |
| Language | Prakrit |
| Classification | Book_Devnagari, Agam, Canon, & agam_kalpsutra |
| File Size | 5 MB |