Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 54

फफफफफफफफज
१४. जीवाजीवामिगम ३. पांडवनि च दीव समुद्र [४]
अच्चिसहस्समालणीया रूवगसहस्सकलिया भिसमाणी भिब्भिसमाणी चक्खुल्लोयणलेसा सुहफासा सस्सिरीयरूवा कं चणमणिरयणथूभियागा नाणाविहपंचवण्णघंटापडागपडिमंडितग्गसिहरा धवला मिरीइकवचं विणिमयंती लाउल्लोइयमहिया गोसीससरसरत्तचंदणदद्दरदिन्नपंचंगुलितला उवचियचंदणकलसा चंदणघडसुकयतोरणपडिदुवारदेसभागा आसत्तोसत्तविउलवट्टवग्घारियमल्लदामकलावा पंचवण्णसरससुरभिमुक्कपुप्फुपुंजोवयारकलिता कालागुरूपवरकुंदुरूक्कतुरूक्क धूवमघमघेतगंधुद्ध्या भिरामा सुगंधवरगंधिया गंधवट्टिभूया अच्छरगणसंघसंविकिन्ना दिव्वतुडियमधुरसद्दसंपणाइया सुरम्मा सव्वरयणामती अच्छा जाव पडिरूवा, तीसे णं सुहम्माए सभाए तिदिसिं तओ दारा पं०, ते णं दारा पत्तेयं २ दो दो जोयणाई उड्ढउच्चत्तेणं एवं जोयणं विक्खंभेणं तावइयं चेव पवेसेणं सेया वरकणगधूभियागा जाव वणमालादारवन्नओ, तेसिं णं दाराणं पुरओ मुहमंडवा पं०, ते णं मुहमंडवा अद्धतेरसजोयणाई आयामेणं छजोयणाइं सक्कोसाइं विक्खंभेणं साइरेगाइं दो जोयणाई उड्ढउच्चत्तेणं, ते णं मुहमंडवा अणेगखंभसयसंनिविट्ठा जाव उल्लोया भूमिभागवण्णओ, तेसिं णं मुहमंडवाण उवरिं पत्तेयं २ अट्ठट्ठमंगलगा पं० सोत्थियजावमच्छ०, तेसिं णं मुहमंडवाणं पुरओ पत्तेयं २ पेच्छाघरमंडवा पं०, ते णं पेच्छाघरमंडवा अद्धतेरसजोयणाई आयामेणं जाव दो जोयणाई उड्ढउच्चत्तेणं जाव मणिफासो, तेसिं णं बहुमज्झदेसभाए पत्तेयं २ वइरामयअक्खाडगा पं०, तेसिं णं वइरामयाणं अक्खाडगाणं बहुमज्झदेसभाए पत्तेयं २ मणिपीढिया पं०, ताओ णं मणिपीढियाओ जोयणमेगं आयामविक्खंभेणं अद्धजोयणं बाहल्लेणं सव्वमणिमईओ अच्छाओ जाव पडिरूवाओ, तासिं णं मणिपेढियाणं उप्पिं पत्तेयं २ सीहासणा पं० सीहासणवण्णओ जाव दामा परिवारो, तेसिं णं पेच्छाघरमंडवाणं उप्पिं अट्ठट्ठमंगलगा झया छत्तातिच्छत्ता, तेसिं णं पेच्छाघरमंडवाणं पुरतो तिदिसिं तओ मणिपेढियाओ पं०, ताओ णं मणिपेढियाओ दो जोयणाई आयामविक्खंभेणं जोयणं बाहल्लेणं सव्वमणिमतीओ अच्छाओ जाव पडिरूवाओ, तासिंध पेत्रियाणं उप्पिं पत्तेयं २ चेइयथूभा पं०, ते णं चेइयथूभा दो जोयणाई आयामविक्खंभेणं सातिरेगाई दो जोयणाई उड्ढउच्चत्तेणं सेया संखंककुंददगरया नयमहितफेणपुंजसण्णिकासा सव्वरयणामया अच्छा जाव पडिरूवा, तेसिं णं चेइयथूभाणं उप्पिं अट्ठट्ठमंगलगा बहुकिण्हचामरझया पं० छत्तातिच्छत्ता, तेसिं णं चेतियथूभाणं चउद्दिसिं पत्तेयं २ चत्तारि मणिपेढियाओ पं०, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वमणिमईओ, तासिं णं मणिपेढियाणं उप्पिं पत्तेयं २ चत्तारि जिणपडिमाओ जिणुस्सेहपमाणमेत्ताओ पलियंकणिसण्णाओ धूभाभिमुहीओ सन्निविट्ठाओ चिट्ठति, तं०-उसभा वद्धमाणा चंदाणणा वारिसेणा, तेसिंणं चेतियथूभाणं पुरतो तिदिसिं पत्तेयं २ मणिपेढियाओ पं०, ताओ णं मणिपेढियाओ दो दो जोयणाई आयामविक्खंभेणं
जो बाहल्लेणं सव्वमणिमईओ अच्छाओ लण्हाओ सण्हाओ घट्टाओ मट्ठाओ णिप्पकाओ० सस्सिरीयाओ जाव पडिरूवाओ, तासिं णं मणिपेढियाणं उप्पिं पत्तेयं २ चेइयरूक्खा पं०, ते णं चेतियरूक्खा अट्ठजोयणाई उड्ढंउच्चत्तेणं अद्धजोयणं उव्वेहेणं दो जोयणाइं खंधो अद्धजोयणं विक्खंभेणं छजोयणाई विडिमा बहुमज्झदेसभाए अट्ठजोयणाइं आयामविक्खंभेणं साइरेगाइं अट्ठजोयणाइं सव्वग्गेणं पं०, तेसिं णं चेइयरूक्खाणं अयमेतारूवे वण्णावासे पं० तं०- वइरामया मूला रययसुपतिट्ठिता विडिमा रिट्ठामयविपुलकंदवेरूलियरूतिलखंधा सुजातरूवपढमगविसालसाला नाणामणिरयणविविधसाहप्पसाहवेरूलियपत्ततवणिज्जपत्तबेंटा जंबूणयरत्तमउयसुकुमालपवालपल्लवसोभंतवरंकु रग्गसिहरा विचित्तमणिरयणसुरभिकुसुमफलभरणमियसाला सच्छाया सप्पभा समरीया सउज्जोया अमयरससमरसफला अधियं णयणमणणिव्वुतिकरा पासातीया दरिसणिज्जा अभिरुवा पडिरूवा, ते णं चेइयरूक्खा अन्नेहि बहूहिं तिलयलवयच्छत्तोवगसिरीससत्तवन्नदहिवन्नलोद्ध्धव चंदणनीवकुंडयकयंबपणसतालतमालपियालपियंगुपारावयरायरूक्खनंदिरूक्खेहिं सव्वओ समंता संपरिक्खित्ता, ते णं तिलया जाव नंदिरूक्खा मूलमंतो कन्दमंतो जाव सुरम्मा, ते णं तिलया जाव नंदिरूक्खा अन्नेहिं बहूहिं पउमलयाहिं जाव सामलयाहिं सव्वतो समता संपरिक्खित्ता, ताओ णं पउमलयाओ जाव सामलयाओ निच्चं कुसुमियाओ जाव पडिरूवाओ, तेसिं णं चेतियरूक्खाणं उप्पिं बहवे अट्ठट्ठमंगलगा झया छत्तातिच्छत्ता, तेसिं णं चेइयरूक्खाणं पुरतो तिदिसिं तओ मणिपेढियाओ पं०, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं ॐॐॐॐॐॐॐॐ श्री आगमगुणमजूषा -
फुफफफफफफफफफफफफफफुर
OX