Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 53

(१४) जीवाजीवाभिगम (३) पडिवत्ति (च.) दीवसमुद्द
[४४ ]
जाव तो बहुसमरमणिज्जा भूमिभागा पं० उल्लोया० पउमभत्तिचित्ता भाणियव्वा, तेसिं णं पासायवडेसगाणं बहुमज्झदेसभाए पत्तेयं २ सीहासणा वण्णावासो सपरिवारा, तेसिं णं पासायवडिंसगाणं उप्पिं बहवे अट्ठट्ठमंगलगा झया छत्तातिच्छत्ता, तत्थ णं चत्तारि देवा महिड्ढीया जाव पलिओवमट्टितीया परिविसंति तं० : असोए सत्तवण्णे चंपए चूते, तत्थ णं ते साणं साणं वणसंडाणं साणं २ पासायवडेंसयाणं साणं २ सामाणियाणं साणं २ अग्गमहिसीणं साणं २ परिसाणं साणं २ आयरक्खदेवाणं आहेवच्चं जाव विहरंति, विजयाए णं रायहाणीए अंतो बहुसमरमणिज्जे भूमिभागे पं० जाव पंचवण्णेहिं मणीहिं उवसोभिए तणसद्दविहूणे जाव देवा जय देवीओ य आसयति जाव विहरंति, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगे महं ओवरियालेणे पं० बारस जोयणस्याई आयामविक्खंभेणं तिन्नि जोयणसहस्साइं सत्त य पंचाणउते जोयणसते किंचिविसेसाहिए परिक्खेवेणं अद्धकोसं बाहल्लेणं सव्वजंबूणतामते अच्छे जाव पडिरूवे, से णं एगाए पउमवरवेइयाए एगेणं वणसंडेणं सव्वतो समंता संपरिक्खत्ते पउमवरवेतियाए वण्णओ वणसंडवण्णओ जाव विहरंति, से णं वणसंडे देसूणाई दो जोयणाई चक्कवालविक्खंभेणं ओवारियालयणसमे परिक्खेवेणं, तस्स णं ओवारियालयणस्स चउद्दिसिं चत्तारि तिसोवाणपडिरूवगा पं० वण्णओ, तेसिं णं तिसोवाणपडिरूवगाणं पुरतो पत्तेयं २ तोरणा पं० छत्ताति०, तस्स णं उवारियालयणस्स उप्पिं बहुसमरमणिज्जे भूमिभागे पं० जाव मणीहिं उवसोभिते मणिवण्णओ गंधरसफासो, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगे महं मूलपासायवडिंसए पं०, से णं पासायवडिसए बावट्ठि जोयणाइं अद्धजोयणं च उड्ढउच्चत्तेणं एक्कतीसं जोयणाई कोसं च आयामविक्खंभेणं अब्भुग्गयमूसियप्पहसिते तहेव, तस्स णं पासायवडिंसगस्स अंतो बहुसमरमणिज्जे भूमिभागे पं० व मणिफासे उल्लो तस्स णं बहुसमरमणिज्जस्स भूमिभागस्स बहुमज्झदेसभागे एत्थ णं एगा महं मणिपेढिया पं०, साय एगं जोयणमायामविक्खंभेणं अद्धजोयणं बाहल्लेणं सव्वमणिमई अच्छा सण्हा०, तीसे णं मणिपेढियाए उवरिं एगं महं सीहासणे पं०, एवं सीहासणवण्णओ सपरिवारो, तस्स णं पासायवडिंसगस्स उप्पिं बहवे अट्ठट्ठमंगलगा झया छत्तातिच्छत्ता, से णं पासायवडिंसए अण्णेहिं चउहिं तदद्धुच्चत्तप्पमाणमेत्तेहिं पासायवडिसएहिं सव्वतो समंता संपरिक्खित्ते, ते णं पासावडिंसगा एक्कतीसं जोयणाइं कोसं च उड्ढउच्चत्तेणं अद्धसोलसजोयणाई अद्धकोसं च आयामविक्खंभेणं अब्भुग्गत० तहेव, तेसिं णं पासायवडिंसयाणं
बहुमरमणि भूमिभागा उल्लोया, तेसिं णं बहुसमरमणिज्जाणं भूमिभागाणं बहुमज्झदेसभाए पत्तेयं २ सीहासणं पं० वण्णओ, तेसिं परिवारभूता भद्दासणा पं० तेसिंणं अट्ठमंगलगा झया छत्तातिच्छत्ता, ते णं पासायवडिंसका अण्णेहिं चउहिं २ तदद्धुच्चत्तप्पमाणमेत्तेहिं पासायवडेंसएहिं सव्वतो समंता संपरिक्खित्ता,
पासावडेंसका अद्धसोलसजोयणाइं अद्धकोसं च उड्ढउच्चत्तेणं देसूणाई अट्ठ जोयणाई आयामविक्खंभेणं अब्भुग्गयं तहेव, तेसिं णं पासायवडेंसगाणं अंतो बहुसमरमणिज्जा भूमिभागा उल्लोया, तेसिं णं बहुसमरमणि नाणं भूमिभागाणं बहुमज्झदेसभाए पत्तेयं २ पउमासणा पं०, तेसिं णं पासायाणं अट्ठमंगलगा झा छत्तातिच्छत्ता, ते णं पासायवडेंसगा अण्णेहिं चउहिं तददधुन्चत्तप्पमाणमेत्तेहिं पासायवडेंसएहिं सव्वतो समंता संपरिक्खत्ता, ते णं पासायवडेंसका देसूणाई अट्ठजोयणाई उड्ढउच्चत्तेणं देसूणाई चत्तारि जोयणाई आयामविक्खंभेणं अब्भुग्गत० भूमिभागा उल्लोया भद्दासणाई उवरिं मंगलगा झया छत्तातिच्छत्ता, ते णं पासायवडिंसगा अण्णेहिं चउहिं तदद्धुच्चत्तप्पमाणमेत्तेहिं पासायवडिसएहिं सव्वतो समंता संपरिक्खित्ता, ते णं पासायवडिंसगा देसूणाई चत्तारि जोयणाई उड्ढंउच्चत्तेणं देसूणाई दो जोयणाई आयामविक्खंभेणं अब्भुग्गयमूसिय० भूमिभागा उल्लोया पउमासणाई उवरिं मंगलगा झया छत्ताइच्छत्ता | १३७| तस्स णं मूलपासायवडेंसगस्स उत्तरपुरत्थिमे णं एत्थ णं विजयस्स देवस्स सभा सुधम्मा पं० अद्धत्तेरसजोयणाई आयामेणं छ सक्कोसाई जोयणाई विक्खंभेणं णव जोयणाई उड्ढउच्चत्तेणं अणेगखंभसतसंनिविट्ठा अब्भुग्गयसुकयवइरवेदिया तोरणवररतियसालभंजियागा सुसिलिट्ठविसिट्ठलट्ठसंठियपसत्थवेरूलियविमलखंभा णाणामणिकणगरयणखइयउज्जलबहु समसुविभत्तचित्त रमणिज्जकुट्टिमतला इहामियउसभतुरगणरमगरविहगवालगकिण्णररूरुसरभचमरकुंजरवणलयपउमलयभत्तिचित्ता थंभुग्गयवइवेइयापरिगयाभिरामा विज्जाहरजमलजुयलजंतजुत्ताविव
תתתתתתתתתתת
(णिचिय)
Mero श्री आगमगुणमंजूषा - ८८६