________________
रघुविलास-नाटकोद्धारः-चतुर्थोऽङ्कः ।
(सीतां प्रति) स्मेराक्षि ! मां श्रितवती रणरङ्गमल्ल- मालोकयिष्यसि दृशा शबरं कदाचित् । दोर्दण्डमण्डलतृणीकृतशयुद्धे
क्रुद्धे पुनर्मयि न ते शबरो न चाहम् ॥ २२ ॥ रावणः-( सविनयम् ) एणाक्षि! स्मरजीवनौषधिलसल्लावण्यपुण्याकृते!
सौभाग्यावनि ! मञ्जुभाषिणि ! दलद्वन्धूकमुग्धाधरे!। अस्मिन् भृत्यलवे निवेशय दृशं हृद्यां प्रसीद प्रिये !
लङ्काराज्यमुपास्य भूषय ननु वर्भूर्भुवोवैभवम् ॥ २३ ॥ रावणः -( सखेदम् ) लङ्केश्वरे त्रिदशदर्पहरे विरागो
रागस्तु काननचरे जनकात्मजायाः। सौन्दर्य-विक्रम-कला-विभवानपेक्षः प्रेम्णां विचारविमुखः खलु कोऽपि पन्थाः ॥ २४ ॥
(पुनः कलकण्ठं प्रति ) आस्तां कण्ठलयः, कृतं जघनभू-नाभि-स्तनोपासनैः,
सीतायाश्चरणारविन्दरजसा मैत्र्याऽपि ये नाश्चिताः। तेषां पामरचित्तचित्रजनकैर्यावापृथिव्योर्जयः ।।
कोऽयं नाम वृथा निशाचरपतेःष्णां मदोपप्लवः ? ॥ २५ ॥ रावणः-(सीतां प्रति) एषोऽस्मि प्रणतः कृपां कुरु पुरस्ते देवि ! बद्धोऽञ्जलि
दम्भोलिव्रणपत्रलां दशमुखस्यालिङ्गय वक्षस्थलीम् । त्रैलोक्यप्रथितानि तानि चरितान्यष्टापदान्दोलनस्वर्गाधीश-सहस्रबाहुविजयप्रायाणि सत्यापय ॥ २६॥
॥ इति चतुर्थोऽङ्कः॥
Jain Education International
For Private & Personal Use Only
www.jainelibrary.org
