________________
४२०
- कत्तिगेयाणुष्पेक्खा
[गा०२५७मण-पज्जय-विण्णाणं ओही-णाणं च देस-पच्चक्खं । मदि-सुदि-णाणं कमसो विसद-परोक्खं परोक्खं च ॥ २५७ ॥ इंदियजं मदि-णाणं जोगं जाणेदि पुग्गलं दछ । माणस-णाणं च पुणो सुय-विसयं अक्ख-विसयं च ॥ २५८ ॥ पंचिंदिय-णाणाणं मज्झे एगं च होदि उवजुत्तं । मण-णाणे उवजुत्तो इंदिय-णाणं ण जाणेदि ॥ २५९ ॥ एक्के काले एकं गाणं जीवस्स होदि उवजुत्तं । णाणा-णाणाणि पुणो लद्धि-सहावेण वुचंति ॥ २६ ॥ जं वत्थु अणेयंतं एयंतं तं पि होदि सविपेक्खं । सुय-णाणेण गएहि य णिरवेक्खं दीसदे णेव ॥ २६१ ॥ सचं पि अणेयंतं परोक्ख-रूवेण जं पयासेदि। तं सुय-णाणं भण्णदि संसय-पहुदीहि परिचत्तं ॥ २६२॥ लोयाणं ववहारं धम्म-विवक्खाई जो पसाहेदि। सुय-णाणस्स वियप्पो सो वि णओ लिंग-संभूदो ॥ २६३ ॥ णाणा-धम्म-जुदं पि" य एयं धम्म पि वुच्चदे अत्थं । तस्सेय-विवक्खादो गत्थि विवक्खाँ हुँ सेसाणं ॥ २६४ ॥ सो चिये एक्को धम्मो वाचय-सहो वि तस्स धम्मस्स । जं जाणदि तं गाणं ते तिण्णि वि णय-विसेसा य ॥ २६५ ॥ ते सावेक्खा सुणया णिरवेक्खा ते वि दुग्णया होति।। सयल-ववहार-सिद्धी सु-णयादो होदि णियमेण ॥ २६६ ॥ जं जाणिजइ जीवो इंदिय-वावार-काय-चिट्ठाहिं। तं अणुमाणं भण्णदि तं पि णयं बहु-विहं जाण ॥ २६७ ॥ सो संगहेण ऍको दु-विहो वि य दव-पजएहितो।
तेसिं चे विसेसादो णइगम-पहुदी हवे गाणं ॥ २६८ ॥
बम मइसुइ-। २ ब विसय (?)। ३ लमसग जुग्गं । “ब पश्चिदिय, लमसग पंचेदिय । ५ब जाणा( दि, लमस जाएदि, ग जाएहि । ६ मग एके। ७ लमसग एग। लमसग जयेहि य गिरविक्खं दीसए। ९ अत्त ब-पुस्तके 'जो साहेदि विसेसं' इत्यादि गाथा। १.म सुमणाणं, ग सुयनाणं भन्नादि। ११ लसग परिचित्तं । १२ ब विवषाइ। १३ ब पयासेहि। १४ मग णाणिस्स।
५ लग धम्म पि, स धम्म पि। १६ लग तस्सेव, म तस्सेयं । १७लग विवक्खो। १८ स हि। १९ म वि य । २० लमसग तं । २१ लमसग साविक्खा...णिरविक्खा । २२ ग विवहार । २४बणेयमेण । २४ स इको (१)। २५स वि। २६ स णयगम ।
Jain Education International
For Private & Personal Use Only
www.jainelibrary.org
