________________
५१९
२२८१ ]
नबमभवि वसुदेववृत्तु
[२२७८]
तत्थ भदिलतिलय-अभिहाणि नयरम्मि अ-मिणिय-दविणु नागदत्त-नामोत्थि वणि-वरु । तसु उत्तिम-कंति-धर विणय-सील गुण-मणिहिं कुल-हरु ॥ जिणवर-धम्मुल्लसिय ससि-निम्मल-कित्ति-कलाव । सुलसा नाम अहेसि पिय परहुय-महुरालाव ॥
[२२७९]
वाल-कालि वि तीए पुणु कहिउ केणावि निमित्तिइण जह – हवेसि तुहुं निंदु सुंदरि । तयणंतरु ससि-वयणि सा निसन्न एगत्थ जिण-हरि ॥ हरिणिगमिसि-सुरु मणि धरिवि ठिय काउस्सग्गेण । ता चल-कुंडल-आहरणु तहिं सु पत्तु वेगेण ॥
[२२८०]
भणइ – वंछिउ वरसु हरिणच्छि ता मुलस समुल्लवइ निंदुयत्त-दुहु मह निहोडिसु । निंदुत्तणु विहिहि वसि तसु दुहाई पुणु हउं वि फेडिसु ।। अब्भुवगमिउण इय सुरु सु तह कहमवि-हु करेइ । जह देवइ सुलसा वि इग- दियहम्मि वि पसवेइ ॥
[२२८१]
तयणु सुलसह जाय-मित्ता वि मय-नंदण अवहरिवि मुयइ नेउ देवइहि सविहिहिं । सुय तीए उण सुलस- सविहि नेइ निय-पाणि-पुडइहिं ॥ कंसु वि स-निउत्तय-नरिहिं मय-वालय आणेवि । उप्पायइ पुणु मणह मुहु सिलहं ति अप्फालेवि ॥ २२८१. ८. क. मह सुहु.
Jain Education International 2010_05
For Private & Personal Use Only
www.jainelibrary.org
