________________
२१०० ]
नवमभवि वसुदेववुत्तंतु
[२०९७]
वडुय-वेसिण वंभदत्तस्सु गेहंगणि कोउगिण गंतु पुरउ तसु सउरि जंपइ । जह - गोयम-गुत्तु दिउ तुम्ह पुरउ पढणत्थु संपइ ॥ चिट्ठहुँ पत्तउ इय पसिय मई वि पढावहु वेय । तयणंतरु वंभणु भणइ वेय हवंति दु-भेय ॥
[२०९८]
तत्थ ताव य भरह-नाहेण कय आरिय-वेय इय फुड पुराण-सत्थिहि निसुम्मइ । इयरे उण जेण कय तमु सुणेह उप्पत्ति संपइ ॥ सिरि-चारणजुयलम्मि पुरि निवइ अजोहण-नामु । तसु पणइणि दिति-नाम पुणु असरिस-गुण-मणि-धामु ॥
[२०९९]
तेसि निय-कुल-गयण-ससिलेह सुलस त्ति नामिण पयड धूय आसि अह अवर-वासरि । जणएण करावियइ तीए जोग्गि मंडवि सयंवरि ॥ रयणिहिं मंतणयम्मि निय- धृयह पुरउ भणेइ । जह - जुत्तिण माउलय-सुउ तइं महुपिंगु वरेइ ॥
[२१००]
खिवसि जइ पुणु कसु वि अवरस्सु कंठम्मि वर-माल तुहुं ता महंतु मह असुहु हविहइ । अह सुलस समुल्लवइ जणणि-अमुहु नणु को णु करिहइ ॥ सो च्चिय निय-माउलय-सुउ हउं महपिंगु वरेसु । न-उण कह-चि वि सिविणगि वि जणणिहि असुहु करेसु ॥ २०९९. २. क. पयड.
Jain Education International 2010_05
For Private & Personal Use Only
www.jainelibrary.org
