________________
[२४७६
नेमिनाहचरिउ
[२४७६] अह ति निय-निय-उचिय-मंचेसु उवविट्ठ अहक्कमिण समगु इयर-नरवइ-सहस्सिण । कंसस्स उ दोन्नि करि- राय संति पसरिय स-तेइण ॥ रिउ-निव-करडि-मरट्ट-हरु गुरु-पोरिस-अभिरामु । पउमुत्तर-अभिहाणु इगु वीयउ चंपग-नामु ॥
[२४७७]
विहि-वसेण य कण्ह-हलहरहं हणणत्थु कंसाहमिण दु-वि ति हत्थि मय-भरु लियाविय । स-निउत्त-आओहणिहि पुणु पओलि-दारेसु ठाविय ॥ एत्थंतरि वहु-गोव-जुय कय-असरिस-सिंगार । जा पविसहिं महुरहं पुरिहिं दो-वि ति सउरि कुमार ॥
[२४७८]
ताव कुंजर गडयडेऊण कर-डंड उब्भीकरिवि समुहु ते ति दुण्ह वि पहाविय । बल-हरिणुट्ठिवि दह इह असम-विरिय-सुहडत्त-भाविय ॥ निय-रह-रयणु विउज्झिउण करिहिं करेसु विलग्ग ।
पहरहिं अहरिय-करुण दु-वि पयडिय-पोरिस-मग्ग ॥ कहं वा
[२४७९]
हणहिं मुट्ठिर्हि चडहिं कुंभयडि मुसुमरहिं मय-पसरु दसण-मुसलि लग्गंति धाविवि । परिखेवहिं चक्क-भमि खंध-देसि आरुहर्हि आविवि ॥ इय कंचि-विखणु कीलिउण चुज्जु जणेवि जयस्सु । उप्पाडहिं लीलई दसण- मुसल करिंद-जुयस्सु ॥ २४७६. ४. क. उं.
____Jain Education International 2010_05
For Private & Personal Use Only
www.jainelibrary.org
