Page Text
________________
४९.५०-५१ अरिठणेमि-कण्हवासुदेव-बलदेवबलदेवाण चरियं ।
१९३
ऊण भयवया अणियं-"अहो ! अण्णाणं, अहो ! अंधत्तणं,
जह फोडा सीयेलिया विसं च जह महुरयं वियड्देहि । तह पावदिगो वि इमो आणंददिणो पसिद्धिगओ ॥१६२॥
अण्णं च जइ एरिसो वि आणंददिवसो ता पावदिवसो उण केरिसो ? । जइ पाणादिवारण विवाहधम्मो ता पावं पुण केणोवाएप ? । जं च परमंसासणेण सपिंडपोसणं तमञ्चन्तगरहियं । कहं ?
णियमंसपोसणं जो इच्छइ परमंसभक्खणं काउं । सो कालकूडकवलणपरायणो जीविउं महइ ॥ १६३॥ चेटुइ निगालढेि परपाणप्पहरणेण जो मूढो । सो वालुयवर(?ल)णम्मि वि दढत्तणे कुणइ णियबुद्धिं ॥ १६४ ॥ करयलधरियं दढदसणकट्टियं मंसमहिलसन्तस्स । सुणयस्स माणुसस्स य को व विसेसो ?, भणमु मूय ! ॥१६५॥ कर-चल-यण-वयणोवलक्विया माणुसा कलिज्जति । मंसासणेण ते चेय रक्खसाणं ण भिजति ॥ १६६ ।। दूरं कारु ग-सुइत्तणाई लज्जा य होति मुकाई । धम्मो दया य गुणं मंसमसंतेण मणुएण ॥ १६७ ॥ इय मंस झुइसंभवसमुद्भवं दीसमाणमसुइं च । को छिवइ करयलेणावि ?, दूरओ भक्खणं तस्स ॥ १६८ ॥
अण्णं च पहरिजइ णवणिसियरवग्गगाधाराणिवायणिद्दलियमत्तकरिकुम्भसंभवुच्छलियबहलमुत्ताहलपयरश्चियभूमिमायम्मि रणमुहे. ण उण भयसंभमुन्भूयतरलतारयच्छिपलोइयासेसदिसिमुहे तरुवरगहणन्तरसच्छंदगच्छियन्वया-ऽऽसीयणरसियम्मि अविरलदलकोमलतणंकुरकवलणोवचियदेहम्मि रणवड्ढिए सावयगणे त्ति । तुज्झ वि बंधणमोयणेण धम्मो"। त्ति भणिऊण सारही मोयाविओ पसुगणो। - तओ पल्लवावेऊण संदणं पविट्ठो पुरवरि ति । विच्छिण्णणेहपासेण य आपुच्छिया समुहविजयाती वण्हिणो सिवादेवीपमुहो इत्थियायणो बल-दामोयराहिटिया य जेठ्ठ-कणिहाइणो सहोयरा । तओ हरिणा कयपूओ पणामियमहल्लसीयारयणमारूढो लोयन्तियसुरगणपडिवोहिओ गंतुं पयत्तो। तओ बाहजलपहोलिरलोयणं पलोइज्जन्तो जायवरिंदसुंदरीहि, सुणन्तो गुरुणेदाग्गयगिरं बंधुबग्गरस, परिचइय सयलजणमणोरहाण वि दुलई भोगसंपयं, अवहत्थिऊण कयसिणेहाणुबंध बंधुयणं, अवमण्णिऊण गरुयाणुरायणिब्भरं रायमई, खओवसमगयचारित्तमोहणीओ तहाविहपरिणामुल्लसंतजीववीरिओ णिग्गयो नयरीओ। पत्तो य पउरपायघुप्पण्णपसूयपरिमलल्लीणभमिरभमरउलं रेवयमुजाणं । तत्थ य पमुक्कसयलाहरणो वज्जियासेससावज्जो ‘णमो सिद्धाणं' ति भणिऊण पडिवण्णसामाइओ विसज्जियासेसबंधुयणो धीबलसण्णद्धविम्गहो णियबलमाहणुप्पेहडविजियपरीसहबलो दृरज्झवस्सतवोविहाणेण परिसक्किऊण महिमंडलमागओ मणहरतरुवरविसट्टन्तकुसुमं कुसुमकेसरुक्केरणिभरुच्छलियमयरंदं मयरंदुद्धन्तगंधाँलिद्धफुल्लंधयबद्धझंकारमुहलं उज्जयंतगिरिवरं । अवि य
उद्दामसिलायंडणिविडयडियपडिबद्धदढणियम्बयडं । जं विविहसिहरपसरियमेक्कं पि अणेयरूवं व ॥ १६९ ॥ फलसंपाडणणिव्ववियसयलसउणयणजणियहरिसाइं । जम्मि उ मंदाणिलुविल्लणेण णञ्चन्ति व वणाई ॥१७०॥ उमुकुन्भडणिवडन्तकलरविल्लाई जम्मि सलिलाइं । णिवडणभयउब्भडपण्णसोयपसरं रुयन्ति च ॥ १७१ ॥ इय तं र मत्तणतुलियसयलभुवणं महीहरुज्जेंतं । पत्तो संपत्ताऽणंतदुक्खमोक्खं तिलोयगुरू ॥१७२ ।। अवि य---- जहिं समागमेकलालसुग्गयंगसेयसंभवंचुबिंदुदंतुरिजमाण
पंडुगंडमंडली विलासिदिव्वसुंदरीयणासिया मणो हरंति णिज्झरा, जहिं च फालिओवला समुल्लसंतकंतभित्तिसंगया मेरायणीलकोमलु
च्छलंतपल्लगन्तवत्तिणो विमोहयंति णायरीयणं मणोहरा लयाहरा । जहिं च जच्चकंचणुच्चया तिचारुचूलचुंबियामरं समीहिओवणिज्ज
माणसोक्खयं पि मंदरं विहाय कीलियव्वकारणम्मि एंति देवसंघा(घ)या, १ सीयलया सू । २ करेइ पसू । ३ कढियं जे । ४ रच्चिज्जभू जे । ५ मुन्भय सू । तरुयर सू । . पालदफुलंधुय स । ८ 'यलणिबिडघडणपडि जे । ९ मरायनील मरकतीलेल्यर्थः ।
Jain Educaton International
२५
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |