Page Text
________________
२९ सणंकुमारचक्रवट्टिचरियं ।
१३९ महासत्तोहिटिय, अहिंस जइ सिय बहुमय, जिणपवयणु जइ सिय बहुसावयाँहिटिय, जिणवाणि जइ सिय सम्वससाणुगय, कालिंदीजलप्पवाहु जइ सिय हरिबलमलियणाग[य]।
एवंविहाए य अडवीए सणंकुमारण्णेसणपरस्स परिगलियं सेण्णं, एगागी संवुत्तो महिंदसीहो । पुणो वि साहससहाओ गिरिकंदरोयरेसुं महाणिगुंजेसु सीहकिसोरगुहासुं च अण्णेसिउं पयत्तो ।
कह?-- धावइ तहिं तर्हि चिय जत्तो जत्तो कहिंचि णिसुणेइ । सई अलक्खियं चिय गय-मय-हय-महिस-चमरीणं ॥ ६॥ जियसजलजलहरोरालिमत्तमायंगगज्जियं सोउं । 'आणवसु, "जिय' भणंतो धावइ भैयवन्जिओ सहसा ॥ ७ ॥ आयण्णिऊण गरुयं सीहस्सोरालिरुजियमसझं । तग्गयचित्तो धावइ एसो मह सामियणिणाओ ॥ ८॥ करिथोरकरायट्टियमोडियसाहोहसल्लइवणम्मि । पइसइ महिंदसीहो णरिंदसीहं विमग्गेन्तो ।। ९॥ मुहलमयूररवाहियगुरुसोउव्वरियधीरववसाओ। केसरिदरीमु मग्गति कुमरं भयवज्जिओ मइमं ॥ १० ॥ इय ९हुल्लइ रणम्मि तरुकडिल्लम्मि साहससहाओ । एक्को चिय दूरुज्झियभय-णिदा-खेय-गुरुवियणो ॥ ११ ॥ अवि यकस्स ण दलेइ हिययं मयरंदामोयरंजियदियंतो । सहयारमंजरीरयसणाहगंधुधुरो पवणो ? ॥ १२ ॥ णववियसियकुडयर्वेणोलिसरसकणयारिरंजियदियन्ता । अहिणवमहुमासागमदियहा भण कं ण मारेन्ति ? ॥१३॥ उव्वेल्लेइ समीरो खरखरकराहयाण णलिणीण । पंकोवरिदरलुलियाई थेवसलिलाई पत्ताई ॥ १४ ॥ खरपवणुधुयरयणिवहरंजियासामुहाण कलुसाण । को चुक्कइ जीवंतो उधुंधुलयाण दिवसाण ? ॥ १५ ॥ मुक्केकल्लपुडिंगयदरमलियकलम्बकेसरसणाहा । पवणंदोलणझल्लज्झलन्तघणमुक्करवमुहला ॥ १६ ॥ कस्स ण दलन्ति हिययं दियहा घोरम्मि पाउसारंभे? । दूरेण विरहविहुरा, साहीणपियस्स "वि जणस्स ॥ १७ ॥ सव्वस्स जणंति फुडं उत्कंठाकोमलाई हिययाई । पविरलजलजलहरजणियवरिसदियहा उ सरयम्मि ॥ १८ ॥ उन्वेवं जणइ मणे विरहीणं पिकसालिगंधडढो । पवणो सत्तच्छयगंधगम्भिणो णवर पसरंतो ॥ १९ ॥ को सहइ ताण पसरं जणिउकंठाण सिसिरदियहाण । जेहिं अणज्जेहिं कओ णलिणिविणासो तिभुवणम्मि ? ॥२०॥ काऊण मालईए मलणं पसरन्तसुरहिगंधाए । कुंदाण कया रिद्धी अमुणियगुण-दोससारेहिं ।। २१ ॥ उत्थम्भियहिमकणसिसिरपवणपसराण जणियकंपाण । बीहेइ ण को भण महियलम्मि हेमन्तदिवसाण ? ।। २२ ।। इय एरिसम्मि घोरम्मि उयुसमूहम्मि साहससहाओ । अडईए दुंदुल्लइ सणंकुमारं विमग्गंतो ॥ २३ ॥
एकं संवच्छरं जाँच परिहिंडियं महाडईए गुरुवराहाए दुस्सहसिंघुणिणायाए वियरियवग्धपोयाए गुलगुलेन्तगयसमूहाए जहिच्छपैरिसक्किरमयजूहाए दूरुज्झियमाणुससंचाराए वियरिय.मरिसत्याए चित्तयसमाउलाए चिण्णरुरुसहलाए दंडल्लियविरुयवग्गाए गंडयसमुत्तासियमहिसवंदाए चक्किउब्भमंतसावयगणाए संसाराणोरपाराए जमणयरिमीसणाए देवगतिविलाए त्ति। ___ तओ एवंविहमाहिंडन्तो महाडई एक्कम्मि दिवसे गओ थेवभूमिभागं णिल्लक्खो चेव दिसाओ पलोएन्तो चक्कमिडं पयत्तो । ताव य णिसुओ सारस-कलहंस-भारंादीणं कोलाहलो, आलुखिओ य सरसलिलसीयलेण मारुएण, अग्याइओ य कमलाण मासलो गंधो । तओ पयट्टो तयाभिमुहं । ऊससियं पिव हियएण, बला समागच्छति धरंतस्स वि आणंदवाहसलिलं लोयणेसु । तओ चिंतिउमाढत्तो-किमेयं ? ति, अहवा दिट्टो मए रयणीए चरिमजामम्मि सुमिणो तस्सावस्सं फलेण होयत्वं । ति चितंतो पयट्टो सरवराभिमुहं । ताव य णिसुओ गेयरवो, समायण्णिओ महुरो वेणुविवरणिग्गयो
१-४ हिट्ठिया जे । २ सिया बहुमया जे। ३-५-७ सिया जे। ६ णुगया जे । ८ णागा जे । ९ हाए अईए स्। १० कह ? ति-जे। ११ जिउ जे। १२ भवन्तो सू । १३ सयवसू । ११ सामिणिष्णाओ जे । १५ वणालिसरसकणियार जे। १६ व जे। १७ जाव हिं" जे । १८ सीइनिनाए जे । १९ परिसंकिय" सू। २० 'चमरिपुच्छाए जे । २१ दिन्नहरुसहाउलाए जे । २२ उन्भभ(त)सा" सू । २३ 'गुठिलाए स । २४ आइकोला जे । २५ आलुचिओ जे । २६ सुमिणमो जे । २७ चितयंतो जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |