Page Text
________________
[५ संभवतित्थयरचरियं]
उप्पजन्ति पयाणं पुण्णेहि महीए के वि सप्पुरिसा। कप्पतरुणोकुरा इव हियइच्छियदिण्णफलणियरा ॥१॥
अत्थि जम्बुद्दीवदाहिणड्भरहमज्झखंडम्मि जणमण-णयणहारिणी फरिहासमेया महासालोक्सोहिया तुंगरयणभवणमालालंकिया सुविहत्ततिय-चउक्क-चच्चरा पगट्टसयलोबद्दवा, अलद्धपसरेहिं कुबुरिसेहिं परिहरिया, सया रयणप्पहोहामियकालवक्खतिमिरपहावत्तणओ कुसीलाहिं दुरुज्झिया, जुवागरूबोहामियमयरद्धयाऽलद्धप्पसरा, अप्पत्तावयासेहिं दोसेहिं अण्णस्थ सावयासेहि वजिया. सयलणायरप्पमाणेण गुणगणेणाऽहिटिया सावत्थी णाम णयरी। तत्थ जहत्थणामो विजियारी णाम गरवई सया मुईओ य परिवसइ सयलमहिमंडलस्स परिपालणसमत्थो ।
तस्स य पुँहविसवत्ती सेणा गामेण रायवरमहिसी । रूव-गुणाऽऽवज्जियसयलपरियणा भत्तुणो दइया ॥२॥ ताण अण्णोण्णाणुरायवड्ढन्तपेम-धीसम्भ-पणयाणं रायसिरीमणुहवंताण वच्चन्ति दियहा, सरति संसारो।
इओ य धायइसंडे दीवे एरवए वासे खेमपुरी णाम णयरी । विउलवाहणो णाम राया। तेण महादुभिक्खम्मि सवालवुड्ढस्स संघस्स असणाइणा उवग्गहं काऊणं उवज्जियं तित्थयरणामकम्मं । पुणो मुणिऊणाऽसारं संसारं, गयकण्णचंचलं जाणिऊण रायलच्छि, उज्झिऊण भोए, सयंपभायरियसमीवे काऊण महापुरिससेवियं कम्मणिज्जरणहेउभूयं फबज्ज, पोसिऊण वीसाए अण्णयरेहिं ठाणेहिं तित्थयरणामकम्मं आउJअवसाणे य आणयकप्पम्मि उववण्णो ।
तत्य य उवभुंजिऊग भोए आउयमणुवालिऊण फग्गुणसुद्धष्टमीए मिगसिरणक्खत्तेण चुओ सेणाए कुच्छिसि समुववष्णो । तीए चेव रयणीए सेणा महादेवी सुहपसुत्ता पासिऊण गयादिए चोइस महामुमिणे विबुद्धा समाणा साहेइ जहक्कम दइयस्स । विजियारिणा य समासासिया जहा-'पिए! गम्भम्मि तुज्झ पसयच्छि ! पेच्छणिज्जो सुराण वि महप्पा । होही सो णवर सुओ जस्स गुणा जयमहग्यविया' ॥३॥
वड्ढन्तयम्मि गन्मम्मि जम्मि भवणम्मि वरणिहाणाणं । रट्टम्मि पुरवराण य सुहाण तह संभवो जाओ ॥४॥
तओ णवसु मामेसु पडिपुण्णेसु अट्ठमेसु राइदिएमु मग्गसिरसुद्धऽद्यमीए मिगसिरणक्वत्ते सुहंसुहेणं सयललक्खणोववेयं सेणा महादेवी दारयं पसविया। चलियासणागएण य सोहम्माहिवइणा पुनक्कमेण को मेरुसिहरम्मि जम्माहिसेओ महया विच्छड्डेणं ति।
काऊण य अहिसेयं देविंदो चउणिकायपरियरिओ। कुंडलजुवलाऽऽहरियं पच्छा जणणीए अप्पेइ ।। ५॥ पेच्छइ य तो जिगिंदं णिद्दाविरमम्मि सा अलंकरियं । तुट्ठा साहइ पइणो रूवा-ऽलंकारविम्हइया ॥६॥ णिज्जियसयलसुरा-ऽसुर-णर-विज्जाहरमणोहरं रूवं । दळूण परं तोसं समागओ जिणवरस्स पिया ॥७॥
तओ पसत्य तिहि-णक्खत्ते गुणणिप्फण्णं भगवओ णामं कुणति । 'गब्भत्थे जिणिंदे णिहाणाइयं बहुयं संभूयं, जायम्मि य रज्जस्स सयलस्स वि सुहं संभूयं' ति कलिऊण संभवाहिहाणं कुणति सामिणो । कयाइं जहोचियाइं करणिज्जाई।
१ लजणाऽऽयर सू । २ ओ परि सू । ३ पुहवीसवत्ती सेणा णाम राय जे. सू । ४ गाइउ जे । ५ 'यसा(स्सा)वसाणे सू। ६ मणीरम जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |