________________
२८५
सु० ३४-३८, १-६] वणस्सतिकाइयाणं आहारकालवत्तव्ययाइ
२. जति णं भंते ! गिम्हासु वणस्सइकाइया सव्वप्पाहारगा भवंति, कम्हा णं भंते ! गिम्हासु बहवे वणस्सतिकाइया पत्तिया पुफिया फलिया हरितगरेरिजमाणा सिरीए अतीव अतीव उवसोभेमाणा उवसोभेमाणा चिट्ठति ? गोयमा ! गिम्हासु णं बहवे उसिणजोणिया जीवा य पुग्गला य वणस्सतिकाइयत्ताए वक्कमंति विउक्कमति चयंति उववजंति, एवं खलु गोयमा ! गिम्हासु ५ बहवे वणस्सतिकाइया पत्तिया पुफिया जाव चिट्ठति ।
[सु. ३-४. मूलजीवाइपुट्ठाणं मूलाईणं आहारगहणवत्तव्यया]
३. से नूणं भंते ! मूला मूलजीवफुडा, कंदा कंदजीवफुडा जीव बीया बीयजीवफुडा ? हंता, गोतमा ! मूला मूलजीवफुडा जाव बीया बीयजीवफुडा ।
४. जति णं भंते ! मूला मूलजीवफुडा जाव बीया बीयजीवफुडा, कम्हा १० णं भंते। वणस्सतिकाइया आहारेंति ? कम्हा परिणामेंति ? गोयमा ! मूला मूलजीवफुडा पुढविजीवपडिबद्धा तम्हा आहारेंति, तम्हा परिणामेति । कंदा कंदजीवफुडा मूलजीवपडिबद्धा तम्हा आहारेंति, तम्हा परिणामेंति । एवं जाव बीया बीयजीवफुडा फलजीवपडिबद्धा तम्हा आहारेंति, तम्हा परिणामेति।
[सु. ५. आलुयाइवणस्सतीणं अणंतजीपत्तपरूवणा]
५. अह भंते ! आलुए मूलए सिंगबेरे हिरिली सिरिली सिस्सिरिली किट्ठिया छिरिया छीरविरालिया कण्हकंदे वज्जकंदे सूरणकंदे खिलूडे भद्दमुत्था पिंडहलिद्दा लोही णीहू थिभगा मुग्गकण्णी अस्सकण्णी सीहकण्णी सीहंढी मुसुंढी, जे यावन्ने तहप्पगारा सव्वे ते अणंतजीवा विविहँसत्ता १ हंता, गोयमा ! आलुए मूलए जाव अणंतजीवा विविहसत्ता। [सु. ६-९. चउधीसदंडयाणं लेस्सं पडुच्च अप्पकम्मतरत्त
___ महाकम्मतरत्तपरूवणा] ६. [१] सिय भंते ! कण्हलेसे नेरतिए अप्पकम्मतराए, नीललेसे नेरतिए महाकम्मतराए ? हंता, गोयमा ! सिया।
१. “यावत्करणात् खंधा खंधजीवफुडा, एवं तथा, साला, पवाला, पत्ता, पुप्फा, फल त्ति दृश्यम्" अवृ०॥ २. खेलूडे अहए भद्द मु०॥ ३. “वि[? चित्त] विहसत्त त्ति क्वचिद् दृश्यते। तत्र विचित्रा विधयः-भेदा येषां ते तथा ते सत्वा येषु ते तथा" अवृ०॥
Jain Education International
For Private & Personal Use Only
www.jainelibrary.org
