________________
FoxoxoxoxoXOXOXOXOXXX
पासमागओ। आयरिया भणंति-अम्ह दिक्खाअब्भुवगमेण अज्झाइजइ । भणइ-पवयामि । सो वि परिवाडीए अज्झाइजइ । एवं होउ चि परिवाडीए अज्झामि, किंतु मम एत्थ न जाइ पवइउं । अन्नत्थ वच्चामो, एस राया ममाणुरत्तो, अन्नो य लोगो पच्छा ममं बला वि नेजा, तम्हा अन्नहिं वच्चामो । ताहे तं गहाय अन्नत्थ गया । एस पढमा सेहनिप्फेडिया । एवं तेण अचिरेण कालेण एकारस अंगाणि अहिन्जियाणि । जो दिद्विवाओ तोसलिपुत्ताणं आयरियाणं सो अणेण गहिओ । तत्थ य अजवइरा सुवंति जुगप्पहाणा, तेसिं दिठिवाओ बहुओ अत्थि । ताहे सो तत्थ वच्चइ उज्जेणिमज्झेणं । तत्थ य भद्दगुत्ताणं थेराणं अंतियं उवगओ। तेहिं अणुवूहिओ-धन्नो कयत्थो त्ति, अन्नं च अहं संलिहियसरीरो, नत्थि मम निजामओ, तुमं निजामओ होहि । तेण 'तह' त्ति पडिवन्नं । तेहिं कालं करतेहिं भन्नइ-मा वइरसामिणा समं अच्छेज्जासि, वीसुं पडिस्सए ठिओ पढेजासि, जो तेहिं समं एगमवि रत्तिं संवसइ सो तेण सह मरइ । | तेण पडिस्सुयं । कालगए गओ वइरसामिसगासं बाहि ठिओ । ते वि सुविणयं पिच्छंति-जहा किर मम खीरपडिग्गहो भरिओ आगंतुएण पीओ समासासिओ य, अवसिहं च थेवखीरं । पभाए साहूणं साहिति । ते अन्नमन्नाणि वागरेंति । गुरू भणंति-न याणह तुब्भे, अज मम पाडिच्छओ एहिति सो किंचूणं सुत्तं अहि जिहित्ति । पभाए आगओ अजरक्खिओ पुच्छिओ-कत्तो? । तोसलिपुत्ताणं सयासाओ । अजरक्खिओ? । आमं । साहु सागयं, कहिं ठिओ ? बाहिं । ताहे आयरिया भणति-बहिट्ठियाणं किं जायइ अज्झाइउं?, किं तुमं न याणसि। ताहे सो भणइ-खमासमणेहिं अहं भद्दगुत्तेहिं थेरेहिं भणिओ बाहिं ठाएजासि । ताहे उवउत्ता जाणंति-सुंदरं, न निकारणे भणंति आयरिया, अच्छह । ताहे अज्झाइउं पवत्तो। अचिरेण कालेण नव पुवा अहीया, दसमं आढत्तो घेत्तुं । ताहे अजवइरा भणंति–जवियं ति करेहिं, एयं परिकम एयस्स । ताई पि सुहुमाणि चउधीसं जवियाणि गहियाणि अणेण, सो वि ताव अज्झाइ। इओ य
