Agam 06 Gyatadharmkatha Gujarati Translation

SR No.: 035607
Original Sutra Author: N/A
Author: Dipratnasagar, Deepratnasagar
Publisher: Dipratnasagar, Deepratnasagar
Publication Year: 2020
Total Pages: 144
Language: Gujarati
Classification: Book_Devnagari, Book_Gujarati, & agam_gyatadharmkatha
File Size: 4 MB

Page 60

આગમસૂત્ર 6, અંગસૂત્ર 6 જ્ઞાતાધર્મકથાંગસૂત્ર ત્યારપછી તે પ્રભાવતીને ત્રણ માસ પ્રતિપૂર્ણ થતા આવા સ્વરૂપનો દોહદ ઉપજ્યો-તે માતાઓ ધન્ય છે, જે જલ-સ્થલ ઉત્પન્ન અને દેદીપ્યમાન, પંચવર્તી પુષ્પમાળાથી આચ્છાદિત-પ્રચ્છાદિત શય્યામાં સુખથી સૂતી વિચરે છે, પાડલ-માલતી-ચંપક-અશોક-પુન્નાગ-નાગ-મરુત-દમનક-અનવદ્ય-કોરંટ પત્રોથી ગૂંથેલી, પરમ સુખદ સ્પર્શવાળી, દર્શનીય, મહા સુગંધયુક્ત શ્રી દામકાંડના સમૂહને સૂંઘતી દોહદ પૂર્ણ કરે છે. ત્યારપછી તે પ્રભાવતી રાણીને આવા સ્વરૂપના દોહદ ઉત્પન્ન થયેલ જાણીને, નિકટવર્તી વ્યંતર દેવો જલદીથી જલ-સ્થલજ યાવત્ પંચવર્મી કુંભ અને ભાર પ્રમાણ પુષ્પકુંભ રાજાના ભવનમાં સંહરે છે. એક મહાન શ્રીદામ કાંડ યાવતું સુગંધ છોડતું લાવે છે. ત્યારે તે પ્રભાવતી રાણી જલ-સ્થલજ યાવત્ માલ્યથી દોહદને પૂર્ણ કરે છે ત્યારે તે પ્રભાવતી રાણી પ્રશસ્ત દોહદ થઈને યાવત્ વિચરે છે. ત્યારપછી તે પ્રભાવતી દેવી નવ માસ અને સાડા સાત દિવસ પૂર્ણ થતા, હેમંતઋતુના પહેલા માસે, બીજા પક્ષમાં, માગસર સુદ-૧૧-ના મધ્યરાત્રિમાં, અશ્વિની નક્ષત્રમાં, ઉચ્ચ સ્થાને ગ્રહો હતા, યાવત્ પ્રમુદિત-પ્રક્રીડિત જનપદમાં અરોગી માતાએ અરોગી એવા ૧૯માં તીર્થકરને જન્મ આપ્યો. સૂત્ર-૮૨ થી 85 82. તે કાળે, તે સમયે અધોલોકમાં વસનારી આઠ મહત્તરિકા દિશાકુમારીઓ, જેમ જંબુદ્વીપ પ્રજ્ઞપ્તિમાં જન્મ-વર્ણન છે, તે સર્વે કહેવું. વિશેષ આ - મિથિલામાં કુંભના ભવનમાં, પ્રભાવતીનો આલાવો કહેવો. યાવત્. નંદીશ્વર દ્વીપમાં મહોત્સવ કર્યો. ત્યારપછી કુંભરાજા તથા ઘણા ભવનપતિ આદિ ચારે દેવોએ તીર્થંકરનો જન્માભિષેક યાવત્ જાતકર્મ યાવત્ નામકરણ કર્યું. કેમ કે અમારી આ પુત્રીની માતાને પુષ્પની શય્યામાં સૂવાના દોહદ થયા, તેથી ‘મલિ' નામ થાઓ. જેમ ભગવતીમાં. મહાબલ નામ થયું યાવત્ મલ્લીકુમારી સુખપૂર્વક વૃદ્ધિ પામવા લાગ્યા. 83. દેવલોકથી વ્યુત તે ભગવતી વૃદ્ધિ પામી, અનુપમ શોભાવાળા થયા, દાસી-દાસોથી પરિવૃત્ત અને પીઠ મર્દોથી ઘેરાયેલી રહેવા લાગ્યા. 84. તે મલ્લીકુમારી કાળા વાળયુક્ત મસ્તકવાળી, સુનયના, બિંબૌષ્ઠી, ધવલ દંતપંક્તિ વાળા, વર-કમલકોમલાંગી, વિકસિત કમળગંધી શ્વાસવાળી થયા. 85. ત્યારે તે શ્રેષ્ઠ વિદેહ રાજકન્યા મલ્લી, બાલ્યભાવથી મુક્ત થઈ યાવત્ રૂપ, યૌવન, લાવણ્યથી અતિઅતિ અને ઉત્કૃષ્ટ-ઉત્કૃષ્ટ શરીરવાળી થઈ. ત્યારપછી તે મલ્લી દેશોના 100 વર્ષની થઈ તેણી છએ રાજાને વિપુલ અવધિજ્ઞાન થી જોતી જોતી વિચરવા લાગ્યા. તે આ –પ્રતિબુદ્ધિ યાવત્ પંચાલાધિપતિ જિતશત્રુ. ત્યારપછી તે મલ્લીએ કૌટુંબિક પુરુષોને કહ્યું - તમે અશોક વાટિકામાં એક મોહનગૃહ કરો, તે અનેક શત સ્તંભ ઉપર રચાવો. તે મોહનગૃહના બહુમધ્ય દેશભાગમાં છ ગર્ભગૃહ કરાવો, તે ગર્ભગૃહના બહુ મધ્ય દેશભાગમાં જાલગૃહ કરાવો. તે જાલગૃહના બહુમધ્ય દેશભાગે મણિપીઠિકા કરો. યાવત્ તેઓએ આજ્ઞા પાછી સોંપી. ત્યારપછી તે મણિપીઠિકા ઉપર મલિએ પોતાની સદશ, સમાન ત્વચા-વય-લાવણ્ય-યૌવન-ગુણયુક્ત સુવર્ણમયી, મસ્તકમાં છિદ્રવાળી, પદ્મ-કમળથી ઢાંકેલી પ્રતિમા કરાવી. કરાવીને જે વિપુલ અશન આદિ આહારે છે, તે મનોજ્ઞ અશનાદિમાંથી પ્રતિદિન એક-એક કોળીયો લઈને, તે સ્વર્ણમયી, મસ્તકે છિદ્રવાળી પ્રતિમામાં એક-એક કોળીયો પ્રક્ષેપતી હતી. ત્યારપછી તે સ્વર્ણમયી યાવતું મસ્તકે છિદ્રવાળી પ્રતિમામાં એક-એક પિંડ નાંખતી, તેમાંથી. એવી દુર્ગધ ઉત્પન્ન થતી હતી કે જાણે કોઈ સર્પનું મડદું યાવતુ એથી પણ અનિષ્ટતર, અમણામતર ગંધ હતી. સૂત્ર-૮૬. તે કાળે, તે સમયે કૌશલ જનપદ હતું, ત્યાં સાકેત નગર હતું. તેના ઈશાન ખૂણામાં એક મોટું નાગગૃહ હતું. તે દિવ્ય, સત્ય, સત્યાભિલાપ, દેવાધિષ્ઠિત હતું. તે નગરમાં ઇસ્વાકુવંશના પ્રતિબુદ્ધિ નામે રાજા રહેતો હતો. તેમની પટ્ટરાણી, પદ્માવતી નામે દેવી હતા, મુનિ દીપરત્નસાગર કૃત્ “(જ્ઞાતાધર્મકથા)” આગમસૂત્ર અનુવાદ Page 60