________________
करुणरसकदंबकं
१३५ दाहिणकरट्ठियाए छुरियाए आहओ य सो उयरे । तो तक्खणेण मुक्को पाणेहिं सो इओ य मए ॥ २७ ॥ बालादेहागवयवे हिऊणं कडगकुंडलाइंपि। खुरधरियवग्धदेहो पत्तो सत्थाहिवसमीवं ॥ २८ ॥ भणिओ इमं मए सो रयणउरे रयणसंचओ सिट्ठी । तब्भज्जा देवसिरी जणणी एईए रमणीए ॥ २९ ॥ तीइ इमं आभरणं अप्पिजसु निच्छएण गंतूण । साहिजसु जहदिटुं मज्झ पसायं विहेऊण ॥ ३० ॥ एएहिं अवयवेहि सममेव चियाए जलियजलणाए । अप्पाणमहं खिविउं पियाए मग्गेण गच्छिस्सं ॥ ३१ ॥ खमियध्वं मह सव्वं तुमए तह मज्झ सयणवम्गस्स । कहियव्वो वुतंत्तो एसो मह खामणाए समं ॥ ३२ ॥ सत्थाहिंवेण भणिय लोयन्ववहारधम्मबज्झमिणं । जं महिलाए सद्धिं जलणपवेसं समायरसि ॥ ३३ ॥ महिला पुरिसेण समं मरेइ इय लाव लोयववहारो । भणियं मए वि नेहो पायं पुरिसाण नो जम्हा ॥ ३४ ॥ छुहियाण भोयणम्भिव राओ रमणीसु होइ पुरिसाण । नेहो पुण विरलाणं जो मरणंते वि निव्वडइ ॥ ३५ ॥ तण्हाणुगया बैप्पीहयावि बहुसो पियं पियं विति । इच्चाइ पलविऊणं रइयचियाए लहु पविट्ठो ॥ ३६ ॥
--सुपासनाचरिए पु० ५९३-५९४ । ૧ ચાતક પક્ષીઓ.
Shree Sudharmaswami Gyanbhandar-Umara, Surat
www.umaragyanbhandar.com
