________________
करुणरसकदंबक
[५१] अडवीए सीयाए चाए सेणाणिस्स कारुण्णं तीए य विलावो ।
तं एवं विहसुरसरिमुत्तारिय भीसणए अडवीए । ठविऊण रहं सीयं सगग्गयं भणइ सेणाणी ॥ २३ ॥ देवि ! जमाइटं राहवेण तं तुज्झ कहिउमसमत्थो । मह वाया कंठिच्चिय घोलंती वच्चए विलयं ॥ २४ ॥ किं तु अइनिग्धिणेणं विहिणाहं सेवओ विणिम्मविओ। कजाकजविभागो य सेवयाणं कओ होज्जा ? ॥ २५॥ एत्तोच्चिय निन्दिज्जइ सेवावित्ती सैमत्थसत्थेसु । जेण न तयं अकज परव्वसो जमिह नो कुणइ ॥ २६ ॥ सीयाए तओ भणियं स राहवो ता न भणइ अज्जुतं ।। जुत्ते य भणिज्जते को तुह इह संभमो ? वच्छ ! ॥ २७ ॥ सो भणइ देवि ! बुद्धी चलइ गुरूणं पि विचलिए दिव्ने । जं तेणाइट्टमिमं छड्डुसु सीयं अरणंमि ॥२८॥ अवराहो पुण सामिणि ! कहिज्जमाणोऽवि जणइ उवहासं । जं किर तुज्झ वि सीले जगाववाओ समुच्छलिओ ॥ २९ ॥ तं सोऊणं सीया परसुपरिच्छिन्नचंपयलयव्व । उत्तरिऊण रहाओ पडिया धरणीऍ मुच्छाए ॥ ३० ॥
૧ ગંગા નદી. ૨ સર્વ શાસ્ત્રોમાં. ૩ અપવાદ.
Shree Sudharmaswami Gyanbhandar-Umara, Surat
www.umaragyanbhandar.com
