________________
करुणरसकदंबकं
[३८] अगहियभिक्खं जिणणाहं पेच्छिऊण
पुरलोगस्स खेओ।
पुरजणो वि भयवंतं अगहियभिक्खं अणुदिणं गेहंगणाओ चेव नियत्तमाणं पेच्छिऊण अच्चतसोगसंभारतरलियमाणसो किं कायव्वयावामूढो चिंतिउमारद्धो, कहं ?
किं दुहनिबंधणेणं धणेण ? किं तेण मणुयभावेण ? । भोगोवभोगलीलाए ताए किं वा दुहफलाए ? ॥ १॥ जइ एवंविहमुणिपुंगवस्स गेहंगणं उवगयस्स । पाणन्नपयाणेणवि उवयारे नेव वट्टामो ॥ २ ॥ जुम्मं ॥ कह वा कम्मजलाउलमणेगर्दुहमयरभीसणावत्तं । संसारसायरमिमं दाणेण विणा तरिस्सामो ? ॥ ३ ॥ अहवा धन्नाण गिहे पविसइ एवंविहं सुमुणिरयणं । भिक्खापरिमाहेण य अइधन्नाणं जणइ हरिसं ॥ ४ ॥ जइ एक्कं च्चिय वेलं कहमवि पडिलाभिओ हवइ एसो । ता पाणिपल्लवे संवसंति सुरमोक्खसोक्खाई ॥ ५॥ इय जह जह जिणनाहो भूरिपयारेहिं दिज्जमाणपि । भिक्खं नो अभिकंखइ तह तह खिज्जइ पुरीलोगो ॥ ६॥
-महावीरचरिए ५० ७, पु० २४१
૧ પાણી અને બેજન આપવા વડે. ૨ દુખરૂપી મગર મો વડે. Shree Sudharmaswami Gyanbhandar-Umara, Surat www.umaragyanbhandar.com
