________________
૨૮
करुणरसकदंबकं किंकर-वगो वि इमो, चाडुकरो विणय-करण-तल्लिच्छो। पेरमाहम्मिय-सरिसो, भासइ तुह नाह ! विरह म्मि ॥ १८ ॥ पुंनाग-नाग-चंपय-नमेरु-मंदार-रहिरं रम्मं । उज्जाणं तुह विरहे, असिपत्तवणं व पडिहाइ ॥ १९॥ वर-मन्जण-वावीओ, निम्मल-जल-पूरियाओ रम्माओ। भासंति तुज्झ विरहे, "वेयरणि-नईइ तुल्लाओ ॥२०॥ धन्नाओ नारीओ, जाओ मयं अणुसरंति भत्तारं । एयम्मि देव-भावे, कत्तो एयारिसं मज्झ ? ॥ २१ ॥ एमाइ पलवमाणा, सा देवी हणइ नियय-हत्थेहिं । अंगाई सुदुक्खत्ता, कंदती करुण-सद्दण ॥ २२ ॥ मुच्छिज्जइ पुणरुतं, 'नीसाहारा य पडइ भूमीए । संपत्त-चेयणा सा, पुणरवि एवं समुल्लवइ ॥ २३ ॥ हा नाह ! किं न पेच्छसि, विलवंतिं जं न देसि उल्लावं । किं वा रुट्ठो वल्लह !, किं अवरद्धं मए तुज्झ ?॥ २४ ॥ पणय-कुवियाए सामिय !, चाडु-सहस्साणि मज्झ कुव्वंतो। इण्हि कीस अकंडे, विल्वंतिं मुंचसि ममं तु ?॥ २५ ॥ हा नाह ! किं न याणसि, अइगुरु-अणुराय-मोहिया एसा। मह विरहे कह होही, जेण अकंडे तुमे मुक्का ? ॥ २६ ॥
-सुरसुंदरीचरिए परि०७॥ ૧ નરકના છાને પડનાર પરમાધર્મિક. ૨ પુનાગ વગેરે વૃક્ષ. ૩ શોભિત. ૪ તરવાર જેવાં પાંદડાવાળા ઝાડનું વન. ૫ વિતરણ નદી. ૬ આધાર રહિત.
Shree Sudharmaswami Gyanbhandar-Umara, Surat
www.umaragyanbhandar.com
