Jaher Nivedan

SR No.: 034516
Original Sutra Author: N/A
Author: Unknown Moholalbhai
Publisher: Unknown Moholalbhai
Publication Year: 1937
Total Pages: 20
Language: Gujarati
Classification: Book_Gujarati
File Size: 2 MB

Page 9

આ તાર મળ્યા પછી શેઠ પોપટભાઈએ તરત જ મારા ઉપર નીચે પ્રમાણે તાર કર્યો* “એકદમ આવો.”
એથી હું તા. ૨૨-૫-૩૭ને શનિવારની રાતના ફરી પાછા જામવનથલી જવા રવાના થયો. આ વખતે અમદાવાદ સ્ટેશનથી શેઠ ગિરધરલાલ છોટાલાલ મારી સાથે ભેગા થઈ ગયા હતા. અમે બન્ને જણું રવિવારે સવારે જામવનથલી પહોંચ્યા. મુંબઈવાળા શેઠીઆએ સાથે ફરી વાતચીત:
અમે ત્યાં પહોંચ્યા તેની આગલી રાતે–શનીવારની રાતે-મુંબઈવાળા બન્ને સંગ્રહસ્થ પણ ત્યાં પહોંચી ગયા હતા. અને તેઓ પૂજ્ય શ્રી વિજયનેમિસૂરીશ્વરજીને ત્યાં જઈને અજાયબ થયા હતા. શેઠ નગીનભાઈએ કહ્યું હતું કે આપની તે આવવાની વાત જ ન હતી અને સંભાવના પણ ન હતી. છતાં આપ આવ્યા એ અજાયબ જેવું છે. ત્યારે પૂજ્ય મહારાજશ્રીએ જણાવ્યું કે આ બધા ના આગ્રહને વશ થઈને, નથી ચલાતું છતાં પણ, તમારી શાંતિ માટે આવવું પડ્યું છે. અને તેઓએ સહિ કરેલો નીચેની મતલબનો મુસદ્દો રજુ કર્યો
સંવત્સરી તિથિના કારણે જે મતભેદ ઉભો થયો છે તેનો નિર્ણય કરવા માટે ખંભાત મુકામે તટસ્થ બે પંડિતોને પાસે રાખી શાસ્ત્રાર્થ–ચર્ચા કરી નિર્ણય લાવવા નક્કી કરેલ છે. જે સાધુમંડળ એકમત ઉપર ન આવે તો પાસે રાખેલા પંડિતો જે એકમતે નિર્ણય આપે તે અમારે સઘળાને કબૂલ છે.
- પંડિત જે એકમતે નિર્ણય ન આપે તે સરપંચ જે નિર્ણય આપે તે કબૂલ છે.”
આ મુસદ્દા નીચે પ્રેમસૂરિજી, રામસુરિજી, સિદ્ધિસૂરિજી, લબ્ધિસૂરિજી, કલ્યાણ વિજયજીની સહીઓ હતી.
આવી મતલબને મુસદ્દો જાઈને મુંબઈવાળા બન્ને સંગ્રહસ્થાને પૂજ્ય શ્રી સાગરાનંદસૂરિજી તરફથી પૂછવામાં આવ્યું કે–તમે તમારા કાગળમાં લખ્યું છે કે ત્રણ સાધુમહારાજે હાજર રહેશે. પરંતુ કલ્યાણવિજયજી તે અમાદવાદ છોડવાની સ્પષ્ટ નામરજી બતાવે છે. અને શેઠ નગીનદાસના કહેવા પ્રમાણે શ્રી લબ્ધિસૂરિજી એમ જણાવે છે કે ચર્ચા કરવા ગમે તે ક્ષુલ્લક સ ધું પણ બેસે. તે પછી અત્રે (જામનગર)થી ખંભાત જનાર સાધુઓ કોની સાથે ચર્ચા કરે, એ નિર્ણય થવો જોઈએ. મુસદ્દામાં લખેલ પંચો તથા સરપંચની નિમણૂક જે, થયેલ વાતચીત પ્રમાણે, સંધના આગેવાન ગૃહસ્થોએ કરવાની હોય તો અમને વાંધો નથી. આ સાંભળીને શેઠ જીવાભાઈ, નગીનભાઈ તથા ગિરધરલાલે જણાવ્યું કે આ મુસદ્દા ઉપર સહીઓ લેતાં, પંડિત માલવીયાજી પંચ નમશે અને પંચ એકમત નહિ થતાં તેઓ પોતે જ સરપંચ તરીકે કામ કરશે એમ જણાવીને સહીઓ લેવામાં આવી છે.
આ ઉપરથી મુંબઈવાળા સદ્દગૃહસ્થને મેં પૂછ્યું કે ભારતભૂષણ પંડિત શ્રી માલવીયાજીએ એ વાતને સ્વીકાર કર્યો છે કે કેમ? ત્યારે તેઓએ જણાવ્યું કે આ સંબંધમાં પંડિત શ્રી માલવીયાજીને પૂછવામાં આવ્યું નથી.