________________
[ ૨૮]
ઐતિહાસિક પર્વની શરીકેને આવી સુંદર શિક્ષા આપે છે એ માટે મારા જેવા તરફનું કંઈ કામ હોય તે સુખેથી કહેજે.
આ જાતના પરાક્રમશાળીપણાથી મંત્રી ગદાશાએ રાષ્ટ્રની સેવા તે કરી, પણ સાથે સાથે જૈન ધર્મની પ્રભાવના વિસ્તારી.
એમણે પરિકર યુક્ત એક ને આઠ મણ વજનવાળી પિત્તળ ની એક રમણિય શ્રી આદિનાથ પ્રભુની મૂર્તિ તૈયાર કરાવી અમદાવાદથી હજારે માણસના સંઘ સહિત મંગળ ચોઘડીયે વાજતેગાજતે શ્રી આબુ ગિરિરાજ પ્રતિ પ્રયાણ કર્યું. મુકામ કરતા અને સંઘ ભકિત સાચવતા મંત્રીશ્રી પવિત્ર તીર્થ પર આવી પહોંચ્યા. ભીમશીશાહે કરાવેલા મનોહર દેવાલયમાં પેલી મૂર્તિની સંવત ૧૫૨૫ ફાગણ સુદ ૭ ને શનિવારે તપાગચ્છીય શ્રી લક્ષ્મીસાગરસૂરિજીના વરદ હસ્તે પ્રતિષ્ઠા કરાવી. મહમદ બેગડાના આ મંત્રીની ચોતરફ એવી સુંદર પ્રતિષ્ઠા જામી હતી કે તેઓ સંઘ સહિત આવી રહ્યા છે એવા સમાચાર મળતાં સમિપના પ્રદેશના ભાનુ અને લક્ષ નામના રાજવીઓ, સન્માન અર્થે કેટલાક મુકામ પૂર્વે સામે આવેલા અને સંઘને કઈ પણ જાતની તકલીફ ન પડે એની કાળજી રખાવેલી.
મંત્રી ગદાશાએ પણ છૂટા હાથે લક્ષ્મી ખરચી હતી. હાથનું ભૂષણ જે દાન કહેવાય છે, એ દેવામાં કચાશ નહોતી રાખી. એક લાખ સોનામહોરો એ પ્રસંગે વપરાણી હતી એવી નેંધ પ્રાપ્ત થાય છે. ઉપરાંત જાણવા મળે છે કે ત્રીસ હજાર દ્રમ્પ ખરચીને ચરોતરમાં આવેલા સેજિત્રામાં નવું જિનમંદિર બંધાવ્યું હતું.
જનની જણ કાં ભક્તજન, કાં દાતા, કાં શૂર નહીં તો રહેજે વાંઝણ, મત ગુમાવીશ નૂર. ગદાશાનું જીવન જોતાં આ કવિવચન અક્ષરશ: સાચું જણાય છે.
Shree Sudharmaswami Gyanbhandar-Umara, Surat
www.umaragyanbhandar.com
