________________
* D ડાહ્યો ડમરો
‘શું ધૂળ ખબર છે ? આવા અપમાન માટે તમારું રાજ આંચકી લેવામાં આવશે. ભૂંડા હાલ થશે એ વધારામાં.’
‘મહારાજ, આપનો પ્રતાપ હું જાણું છું.'
ભીમદેવનો કોપ ફાટી ઊઠ્યો. ‘શું ધૂળ જાણો છો ? હજી એવું કામ કરવાનું કારણ તો કહેતા નથી.’
‘મને શરમ આવે છે, મારા મંત્રીશ્વરને પૂછો,’ એમ કહી ધન્ધુકે ડમરાને બતાવ્યો.
‘ઓહ ! એવું તે શું છે કે તમે કારણ નથી આપતા ? ભૂલ તમારી ને કારણ એ આપે. બોલો ?'
‘ના મહારાજ, મને શરમ આવે છે. મારા મંત્રીશ્વરને પૂછો,’ ધન્ધુકે ડમરાએ ગોખવેલું વાક્ય બરાબર બોલવા માંડ્યું.
મહારાજ ભીમદેવે ડમરા તરફ ફરીને કહ્યું, ઠીક ત્યારે, તમે બોલો.'
ન
ડમરો કહે, 'નામદાર. અમારા રાજવી આપની સદા ઇજ્જત કરે છે. અમારો સ્વપ્નમાં પણ આપનું અપમાન કરવાનો ઇરાદો ન હોય.’ ‘તો પછી તમારા રાજવી અડધેથી પાછા કેમ ફર્યાં ? અમારું ગૌરવ કરવા '
'હા મહારાજ. આપનું ગૌરવ કરવા જ. આપની શાન-શૌક્ત
જાળવવા જ.'
‘કેમ અલ્યા, સાવ ઊંધું બોલે છે. બંનેને જેલમાં નાખી દઈશ.’ ભીમદેવ ઊકળી ગયા. ચંદ્રાવતીના રાજવીને તો થયું કે આ બારૂં છે. ડહાપણાને બદલે દોઢ ડહાપણનો ખજાનો લાગે છે.
ડમરાએ આગળ ચલાવ્યું, ‘મહારાજ, આપનું માન ને ગૌરવ સાચવવા જ અમારા રાજવી પાછા ફર્યા. વાત એમ હતી કે એમણે એ દિવસે રેચ લીધો હતો. આથી એકાએક પાછા ફરવું પડ્યું. પાછા ન ફર્યા
