________________
5 D ડાહ્યો ડમરો
તરત ડમરો બોલ્યો, ‘તો તમારે ત્રણે વેપારીઓએ ભામાશાને નુકસાન આપવું જોઈએ.
ત્રણે વેપારીઓ એકસાથે બોલી ઊઠ્યા, ‘અરે ! એ વળી કેવી
રીતે
ડમરો બોલ્યો, ‘પગ પરનો પાટો સળગવાથી આગ નથી લાગી, પણ કૂદાકૂદ કરવાથી આગ લાગી છે.’
શામળશા બોલ્યા, 'હા, અમારું એ જ કહેવું છે. પણ જે પાર્ટી સળગ્યો એ ભામાશાના પગે બાંધ્યો હતો અને બિલાડીએ કૂદાકૂદ કરતાં આગ લાગી તેથી અમે તેની પાસે નુકસાન માગીએ છીએ.'
ડમરો બોલ્યો, ‘તમે તો કહ્યું કે ભામાશાવાળો પગ બિલાડી જમીન પર પણ મૂકી શકતી ન હતી. તો જુઓ, સહુ પહેલાં તો આગ પાટો સળગવાથી નથી લાગી. એ સળગ્યો હોત અને બિલાડીએ કૂદાકૂદ કરી ન હોત તો ક્યાંય આગ લાગત નહિ, પણ બિલાડીની કૂદાકૂદથી આગ લાગી છે.'
‘આ કુદાકુદ એણે કરી કેવી રીતે ? ભામાશાવાળો પગ તો તે જમીન પર મુકી શકતી ન હતી, પછી કૂદાકૂદની વાત કેવી ?”
'આમ તમારા ભાગના ત્રણ પગોથી બિલાડીએ કૂદાકૂદ કરી ને આગ લગાડી. માટે તમારે ત્રણેએ ભામાશાને જે નુકસાન થયું હોય તે ચૂકવવું ઘટે.’
ડમરાની વાત સાંભળીને વેપારીઓ સ્તબ્ધ થઈ ગયા. આ તો એમને ગળે જ બલા ચોંટી. આવું તો એમણે સપનેય ધાર્યું ન હતું.
પાટણની ધર્મ-અદાલતે ડમરાની વાત માન્ય રાખી. ન્યાયાધીશો અને પાટણના નાગરિકો ડમરાની બુદ્ધિ પર વારી ગયા.
ભોળો ભામાશા તો એનો લાખ-લાખ પાડ માનવા લાગ્યો.
