Page Text
________________
પુરોહિત રાવણના રામને આશીર્વાદ
પરમાત્મા સાથે યુવાનનો આવો સંવાદ ચાલતો હતો, ત્યારે એક વાર યુવાને રાત્રે એક સ્વપ્ન જોયું. એણે જોયું તો એક વિશાળ ખંડમાં ઠેરઠેર ખીંટીઓ લગાડેલી હતી અને એમાં જે કોઈ દાખલ થતું, તે એ ખીંટી પર પોતાના દુ:ખનું પોટલું લટકાવતું હતું સ્વપ્નમાં યુવકે જોયું તો ખંડમાં બેઠેલા બધા એના પરિચિતો હતા. એમાંથી કેટલાકને તો એ અતિ સુખી માનતો હતો. બધાનાં દુ:ખનું પોટલું તો સરખું હતું. થોડા સમયે આકાશવાણી થઈ કે, જેણે પોતાનાં દુ:ખનું પોટલું બદલવું છે તે બદલી શકે છે. તમે તમને ગમતું દુ:ખનું પોટલું ઉપાડીને બહાર જાવ.
આ સાંભળતાં જ બધા પોતાનું પોટલું લેવા માટે દોડ્યા. બધાએ પોતપોતાનું પોટલું લીધું. કોઈએ બીજાના પોટલાને હાથ પણ લગાડ્યો નહીં.
આ સમયે યુવાનની ઊંઘ ઊડી ગઈ અને સ્વપ્ન એને સમજ આપી કે રાત-દિવસ દુ:ખમાં ડૂળ્યા રહેવાનો કોઈ અર્થ નથી. દુનિયામાં સહુ કોઈ દુ:ખી છે. આથી ખરું કામ તો એ કરવાનું છે કે દુ:ખોની સામે સંઘર્ષ કરીને સુખની શોધ કરવી.
રાજ રાવણ વૈશ્રવણ અને કૅક્સીનો પુત્ર હતો. એ મહાપ્રતાપી યુદ્ધવિશારદ, કુશળ રાજનીતિ અને ઐશ્વર્યસંપન્ન હતો. દંડકારણ્યમાં વનવાસ ગાળતા રામલક્ષ્મણની ગેરહાજરીમાં રાવણે છળપૂર્વક સીતાજીનું હરણ કર્યું. રાવણ વિશે ‘વાલ્મીકિ રામાયણ', ‘મહાભારત', ‘કૂર્મપુરાણ', ‘પદ્મપુરાણ’, ‘દશાવતારચરિતમ્', ‘આનંદ રામાયણ’ અને ‘રાવણવધ” જેવી કૃતિઓમાં ઉલ્લેખો મળે છે. રામ અને રાવણ વચ્ચેના વેરની વાત પ્રસિદ્ધ છે, પણ એમની વચ્ચેના સભાવની વાત જાણવા જેવી છે.
રાવણ સીતાનું દંડકારણ્યમાંથી હરણ કરીને લંકામાં લાવ્યો અને અશોકવાટિકામાં એમને રાખ્યાં.
રામ હનુમાનની વાનરસેના સાથે લંકા જવા નીકળ્યા. રાવણને પરાજિત કરીને સીતાને બંધનમાંથી મુક્ત કરવાં હતાં.
લંકા પહોંચતાં વચ્ચે સમુદ્ર આવ્યો અને તે સમુદ્રને પાર કરવા માટે સેતુ તૈયાર કર્યો. સેતુ (પુલ) તો તૈયાર થયો, પણ એના વાસ્તુ માટે પુરોહિત લાવવો ક્યાંથી ?
આજુબાજુ તપાસ કરી. પણ ઋષિમુનિઓ, બ્રાહ્મણો, એ તમામ રાવણના ત્રાસથી પરેશાન થઈ ગોદાવરીને કાંઠે ચાલ્યા ગયા હતા. છેક પંચવટી સુધી રાવણનું રાજ ચાલે, આથી આજુબાજુ ક્યાંયથી કોઈ બ્રાહ્મણ મળ્યો નહીં.
વાસ્તુની વિધિ કરાવ્યા વિના તો સેતુ પર પ્રવેશ કરાય કેમ? અને સેતુ વિના લંકામાં પહોંચાય કેમ ?
| શ્રદ્ધાનાં સુમન B 123
122 1 શ્રદ્ધાનાં સુમન
| SR No. | 034436 |
| Book Title | Shraddhana Suman |
| Original Sutra Author | N/A |
| Author | Kumarpal Desai |
| Publisher | Gurjar Sahitya Prakashan |
| Publication Year | 2016 |
| Total Pages | 82 |
| Language | Gujarati |
| Classification | Book_Gujarati |
| File Size | 2 MB |