Page Text
________________
મનની હવાની દિશા બદલી નાખો
પ્રત્યુત્તરમાં આપ શા માટે આવી રીતે હસ્યા ?” આજ૨ કૈવાને વાત ટાળવા કોશિશ કરી, પરંતુ દરવેશે હાસ્યનો મર્મ જાણવા જીદ પકડી. એના અતિ આગ્રહને કારણે આજ૨ કેવાને કહ્યું,
સોદાગીરી અને ફકીરીમાં ભેદ હોય છે એની તને ખબર છે ખરી ? સોદાગર હતો ત્યારે ચોર તારા ધનને લૂંટી જતા હતા, પણ ફકીર થયા પછી તું રમતને લૂંટીશ, તારો વેશ જોઈને પ્રજા તને મહાન ગણશે અને તારી સલાહને શિરે ચડાવશે, પણ ભાઈ, આ ફકીરી એ દુનિયાથી ભાગીને આરામથી ઊંઘ મેળવવા માટે નથી. અસલી ફકીરીમાં તો ખુદાને માટે રાતદિવસ જાગવાનુંતડપવાનું હોય છે."
આ ઘટના દર્શાવે છે કે ફકીરી અને સોદાગીરીમાં મોટું અંતર છે. સોદાગીરી છોડીને માત્ર ફકીરીનો વેશ લેનાર એની સોદાગીરી ફકીરીને નામે ચાલુ પણ રાખે તેવું બને. ફકીરનો વેશ એ એને આપોઆપ સન્માન બક્ષે, પરંતુ આવું સન્માન એ સોદાગરને શોભે, ફકીરને નહીં. સાચો ફકીર તો રાતદિવસ ખુદાની ખોજમાં બેચેન બનીને જીવતો હોય છે.
ઘરના એક ખૂણામાં આસન પાથરીને એકાગ્ર ચિત્તે ધ્યાન કરવા બેઠેલા સાધકને એનાં પત્નીનો સાદ સંભળાયો કે હજી સુધી દૂધવાળો આવ્યો નથી, તો જરા બહાર જઈને દૂધ લઈ આવો.
સાધક દૂધ લઈને પાછો આવ્યો અને એકાંત ખૂણે ફરી સાધનાનો પ્રારંભ કર્યો. એવામાં એના નાના પુત્રે આવીને હઠ પકડી કે ગઈકાલે તમે જે કંડબરી લાવ્યા છો, તેમાં એક બાકી રહી ગઈ, તે મારે ખાવી છે, આમ કહીને એ સાધકના ગળે વળગી પડ્યો. સાધક પરેશાન થઈ ગયો અને એને લાગ્યું કે ઘરમાં બેસીને ધ્યાન કરવું અતિ કઠિન છે. ચિત્તની એકાગ્રતા વિના મંત્રશક્તિ જાગે કઈ રીતે અને એ જાગે નહીં તો ફળપ્રાપ્તિ થાય કઈ રીતે ?
આથી શાંતિ મેળવવા માટે ઘર ત્યજીને એ વનમાં ગયો અને એક વૃક્ષ નીચે આસન પાથરીને મંત્રજાપ કરવા લાગ્યો. થોડી વારમાં વૃક્ષ પર આવીને પક્ષીઓ બેઠાં અને કોલાહલ કરવા લાગ્યાં. આ કોલાહલથી સાધકની એકાગ્રતામાં કિંચિત્ ભંગ થયો, પરંતુ એવામાં ઉપરથી પક્ષીનું ચરક પડતાં એ અકળાઈ ઊઠ્યો અને ધ્યાનભંગ થયો. એણે વિચાર્યું કે ઘરમાંય સાધના કરવી શક્ય નથી અને વનમાંય સાધના કરવી શક્ય નથી.
શાંત ચિત્તે એકાગ્રતા સાધી શકાય, એવી આ ભવમાં શક્યતા જ નથી, આથી બહેતર એ છે કે આ ભવનો ત્યાગ કરીને બીજા
18 D શ્રદ્ધાનાં સુમન
શ્રદ્ધાનાં સુમન 19.
| SR No. | 034436 |
| Book Title | Shraddhana Suman |
| Original Sutra Author | N/A |
| Author | Kumarpal Desai |
| Publisher | Gurjar Sahitya Prakashan |
| Publication Year | 2016 |
| Total Pages | 82 |
| Language | Gujarati |
| Classification | Book_Gujarati |
| File Size | 2 MB |