Page Text
________________
ગમગીનીમાંથી છુટકારો મેળવવો કઈ રીતે ? અંતે એણે આત્મહત્યા કરવાનો વિચાર કર્યો. અંધારી રાત્રે હો-ચી મિન્હ બૌદ્ધ મઠ પાસેથી પસાર થતો હતો ત્યારે એણે મઠમાંથી આવતા અવાજ સાંભળ્યા. ઉત્સુકતાપૂર્વક એ શું કહે છે એ સાંભળવા માટે હો-ચી મિલ્ક મઠની અંદર ગયો, તો એક બૌદ્ધ ભિખુ પોતાના સાથીઓને કહેતા હતા,
પાણી મેલું કે ગંદું થતું નથી, એનું કારણ એ છે કે એ સતત વહેતું હોય છે. વહેતા પાણીના માર્ગમાં પણ અનેક અવરોધો આવતા હોય છે. એમ છતાં એ વહેતું રહે છે અને એને પરિણામે એક બિંદુમાંથી ઝરણાંમાં, ઝરણાંમાંથી નદીમાં, નદીમાંથી મહાનદીમાં અને મહાનદીમાંથી એ સમુદ્રમાં સમાય છે. આ રીતે વ્યક્તિનું જીવન પણ વહેતું રહેવું જોઈએ. અટકો નહીં, વહેતા રહો.”
વિદ્યાર્થી હો-ચી મિન્ડ આ સાંભળીને વિચારમાં પડ્યો. ત્યાં વળી એ ભિખ્ખનો અવાજ સંભળાયો, “પાણી જેમ અવરોધોને ઓળંગીને આગળ ધપે છે, એ રીતે તમારે પણ અવરોધોને ઓળંગીને આગળ વધવું જોઈએ. વહેવું અને ચાલવું એ જીવન છે. કોઈ અવરોધ આવે અને અટકી જાય તો શું થાય ? તમે જાણો છો કે એક જગાએ સ્થિર થઈ જતું બંધિયાર પાણી લીલ અને સેવાળથી સડીને અતિ મલિન બની જાય છે.”
હો-ચી મિહના ચિત્તમાં આ શબ્દો ગુંજવા લાગ્યા. એણે ગુમાવેલો આત્મવિશ્વાસ પાછો મેળવ્યો અને નક્કી કર્યું કે હવે ગમે તેટલી નિષ્ફળતાઓ આવે, તો પણ નિરાશ થવું નથી અને આગળ વધવું છે. આમ વિચારીને તે ઘેર પાછો ફર્યો અને સમય જતાં દેશનું નેતૃત્વ સંભાળીને ઉત્તર વિયેટનામના સમર્થ પ્રમુખ થયા અને મહાન ક્રાંતિકારી નેતા તરીકે વિશ્વભરમાં એમની પ્રતિષ્ઠા થઈ.
સુવર્ણનું ભોજન
જગવિજેતા થવા નીકળેલા સિકંદરે નાની વયથી જ વિશ્વવિજેતા થવાનાં
સ્વપ્નો જોવાની ટેવ કેળવી હતી. એના | પિતા અને મેસિડોનિયાના રાજા ફિલિપ(બીજા)ની યુદ્ધપ્રતિભા, મુત્સદ્દીગીરી અને
વ્યવહારુ બુદ્ધિ સિકંદરને વારસામાં મળ્યાં હતાં, તો એ સાથે માતાના ગર્વિષ્ઠ અને આવેશમય સ્વભાવનું તેનામાં મિશ્રણ થયું હતું. આવા સિકંદરે વિરાટ સૈન્ય સાથે એક નગર પર વિજય મેળવવા ચડાઈ કરી, ત્યારે એના આશ્ચર્યનો પાર રહ્યો નહીં. આ નગરમાંથી કોઈ રાજા, સેનાપતિ કે સૈનિકો એની સામે લડવા આવ્યા નહીં. એના ગુપ્તચરોએ તપાસ કરીને કહ્યું કે આ નગરમાં એકે પુરુષ જોવા મળતો નથી. માત્ર સ્ત્રીઓ જ નજરે પડે છે.
સમ્રાટ સિકંદરને સવાલ જાગ્યો કે આવી નિઃશસ્ત્ર સ્ત્રીઓ સાથે યુદ્ધ કઈ રીતે લડી શકાય ? હવે કરવું શું ? એ ઊંડા વિચારમાં ડૂબી ગયો. થોડા સમયે સિકંદરને ભૂખ લાગી એટલે એણે આ મહિલા સમુદાયની અગ્રણી મહિલાને કહ્યું,
મને સૂઝતું નથી, મારે શું કરવું ? તમારી સાથે લડવું કઈ રીતે ? તમારી સાથે કોઈ શસ્ત્રો પણ નથી ! પરંતુ હાલ તો
જન્મ : ૧૯ મે, ૧૮૯૦, કીમ લેઇન, વિયેટનામ અવસાન : ૨ સપ્ટેમ્બર, ૧૯૩૯, હનોઈ, વિયેટનામ
૧૩૦ શીલની સંપદા
( શીલની સંપદા ૧૩૧
| SR No. | 034435 |
| Book Title | Sheelni Sampada |
| Original Sutra Author | N/A |
| Author | Kumarpal Desai |
| Publisher | Gurjar Sahitya Prakashan |
| Publication Year | 2016 |
| Total Pages | 82 |
| Language | Gujarati |
| Classification | Book_Gujarati |
| File Size | 3 MB |