________________
प्रश्नकर्ता : आज्ञा कमी-जास्त पाळली गेली तर काही हरकत नाही ना?
दादाश्री : 'हरकत नाही' असे नाही. तुम्ही निश्चय करा की आज्ञा पाळायच्याच आहे! सकाळपासूनच निश्चय करा की, 'पाच आज्ञांमध्येच राहायचे आहे, आज्ञा पाळायच्याच आहेत.' निश्चय केला, तेव्हापासूनच माझ्या आज्ञेत आलात, मला इतकेच हवे आहे.
आज्ञा पालन करायला विसरलात तर प्रतिक्रमण करा, की 'हे दादाजी, हे दोन तास विसरलो, आपली आज्ञा विसरलो पण मला तर आज्ञा पाळायच्याच आहे, मला क्षमा करा.' तर मागचे सारे माफ, शंभरा पैकी शंभर मार्क पूरे, मग त्याची जोखिमदारी राहिली नाही. आज्ञेत येऊन गेलात तर संसार स्पर्श करू शकणार नाही. आमच्या आज्ञेचे पालन केल्यामुळे तुम्हाला काहीही स्पर्श करणार नाही. ___ 'आज्ञा' पाळल्याने खऱ्या पुरुषार्थाची सुरुवात
मी तुम्हाला ज्ञान दिले तेव्हा तुम्हाला प्रकृतीपासून वेगळे केले. 'मी शुद्धात्मा' म्हणजे पुरुष आणि त्यानंतर खरा पुरुषार्थ आहे, रियल पुरुषार्थ आहे हा.
प्रश्नकर्ता : रियल पुरुषार्थ आणि रिलेटिव्ह पुरुषार्थ या दोघांमधील फरक सांगा ना!
दादाश्री : रियल पुरुषार्थात करायचे काहीच नसते. दोघांमध्ये फरक हा आहे की रियल पुरुषार्थ म्हणजे 'पाहणे' आणि 'जाणणे.' आणि रिलेटिव्ह पुरुषार्थ म्हणजे काय? भाव करणे. मी असे करेन..
तुम्ही चंदुभाऊ होते आणि तेव्हा जे पुरुषार्थ करत होते तो भ्रांतीचा पुरुषार्थ होता. परंतु जेव्हा 'मी शुद्धात्मा आहे' याची प्राप्ती केली आणि त्यानंतर पुरुषार्थ कराल, दादांच्या पाच आज्ञांमध्ये रहाल तो होईल रियल पुरुषार्थ. पुरुष होऊन पुरुषार्थ केला असे म्हटले जाते.
