________________
मी तर काही लोकांना आपल्या हाताने सिद्धि प्रदान करणार आहे. नंतर कोणी हवे की नको? नंतर लोकांना मार्ग तर हवा ना?
९. ज्ञानविधी काय आहे? प्रश्नकर्ता : आपली ज्ञानविधी काय आहे ?
दादाश्री : ज्ञानविधी तर पुद्गल (अनात्मा) आणि आत्म्याचे सेपरेशन करते. शुद्ध चेतन आणि पुद्गल दोन्हीचे सेपरेशन.
प्रश्नकर्ता : हा सिद्धांत तर बरोबर आहे, परंतु त्याची पद्धत काय
आहे?
दादाश्री : याच्यात देणेघेणे काही होत नाही, केवळ इथे बसून जसे आहे तसे बोलायची आवश्यकता आहे ('मी कोण आहे' त्याची ओळख, ज्ञान प्राप्त करवून देण्याचा दोन तासाचा ज्ञानप्रयोग आहे. त्यात अठेचाळीस मिनिट आत्मा-अनात्माचा भेद करणारी भेदविज्ञानाची वाक्ये बोलवून घेतली जातात. जी सर्वांनी एकत्र बसून समूहात बोलायची असतात. त्या नंतर एका तासात पाच आज्ञा उदाहरणं देऊन सविस्तर समजावली जातात, की आता बाकीचे जीवन कसे व्यतीत केले पाहिजे की ज्यामुळे नवीन कर्म बांधली जाणार नाहीत आणि जूनी कर्म पूर्णपणे संपतील, त्याचबरोबर 'मी शुद्धात्मा आहे' हे लक्ष नेहमी राहिल.)
१०. ज्ञानविधीमध्ये काय केले जाते? आम्ही ज्ञान देतो, त्यामुळे कर्म भस्मीभूत होतात आणि त्यावेळी पुष्कळ आवरणं तूटतात. तेव्हा भगवंताची कृपा होते त्याच सोबत तो स्वतः जागृत होतो. जागल्यानंतर ही जागृति जात नाही. नंतर निरंतर जागृत राहू शकतो, म्हणजे निरंतर प्रतीति राहणारच. आत्म्याचा अनुभव झाला, म्हणजे देहाध्यास सुटला. देहाध्यास सुटला, म्हणजे कर्म बांधणे थांबले. पहिली मुक्ती अज्ञानतेपासून मिळते. मग एक दोन जन्मानंतर अंतिम मुक्ती मिळते.
