Page Text
________________
ಸಂಘರ್ಷಣೆಯನ್ನು ತಪ್ಪಿಸಿ ಹಿಡಿದುಕೊಂಡರೆ ಸಾಕು, ಇದರಿಂದ ಬಹಳಷ್ಟು ಶಕ್ತಿಯನ್ನು ಹೊಂದಲಾಗುತ್ತದೆ ಹಾಗೂ ದಿನದಿಂದ ದಿನಕ್ಕೆ ವೃದ್ಧಿಯಾಗುತ್ತಾ ಹೋಗುತ್ತದೆ ಹಾಗೂ ಸಂಘರ್ಷಣೆಯಿಂದಾಗುತ್ತಿದ್ದ ಹಾನಿಯು ಇನ್ನೆಂದೂ ಉಂಟಾಗುವುದಿಲ್ಲ! ಕೆಲವೊಮ್ಮೆ ಸಂಘರ್ಷಣೆಯು ಉಂಟಾದರೂ, ಆ ಸಂಘರ್ಷಣೆಯ ನಂತರ ನಾವು ಪ್ರತಿಕ್ರಮಣವನ್ನು ಮಾಡಿಬಿಟ್ಟರೆ, ಆಗ ಅದು ಅಳಿಸಿಹೋಗುತ್ತದೆ. ಆದುದರಿಂದ ಇದನ್ನು ಅರಿತುಕೊಳ್ಳಬೇಕು ಏನೆಂದರೆ, ಇನ್ನು ಮುಂದೆ ಸಂಘರ್ಷಣೆಯು ಉಂಟಾದರೆ, ಆಗ ತಕ್ಷಣವೇ ಪ್ರತಿಕ್ರಮಣವನ್ನು ಮಾಡಿಬಿಡಬೇಕು; ಇಲ್ಲವಾದರೆ ಬಹಳ ಜವಾಬ್ದಾರಿಯಾಗಿದೆ. ಈ ಜ್ಞಾನದಿಂದ ಮೋಕ್ಷಕ್ಕೆ ಹೋಗಲಾಗುತ್ತದೆ, ಆದರೆ ಸಂಘರ್ಷಣೆಯಿಂದ ಮೋಕ್ಷದ ಹಾದಿಯಲ್ಲಿ ಬಹಳಷ್ಟು ತೊಂದರೆಗಳು ಉಂಟಾಗುತ್ತದೆ ಹಾಗೂ ತಡವಾಗುತ್ತದೆ.
ಈ ಗೋಡೆಯ (ನಿರ್ಜೀವದ) ಬಗ್ಗೆ ಕೆಟ್ಟ ವಿಚಾರಗಳು ಬಂದರೂ ಪರವಾಗಿಲ್ಲ, ಕಾರಣವೇನೆಂದರೆ ಅಲ್ಲಿ ಒಬ್ಬರಿಗೆ ಮಾತ್ರ (ಏಕಪಕ್ಷಿ) ನಷ್ಟವಾಗುತ್ತದೆ. ಆದರೆ ಜೀವಂತ ವ್ಯಕ್ತಿಗಳ ಬಗ್ಗೆ ಒಂದೇಒಂದು ಕೆಟ್ಟ ವಿಚಾರವನ್ನು ಹೊಂದಿದ್ದರೂ ಸಹ ಬಹಳ ಬಾಧಕವಾಗಿದೆ. ಅಲ್ಲಿ ಇಬ್ಬರಿಗೂ ಹಾನಿ ಉಂಟಾಗುತ್ತದೆ. ಆದರೆ ನಾವುಗಳು, ಆ ವಿಚಾರದ ಹಿಂದೆಯೇ ಪ್ರತಿಕ್ರಮಣವನ್ನು ಮಾಡಿಬಿಟ್ಟರೆ, ಆಗ ಎಲ್ಲಾ ದೋಷಗಳು ಹೊರಟುಹೋಗುತ್ತವೆ. ಆದುದರಿಂದ ಎಲ್ಲೆಲ್ಲಿ ಸಂಘರ್ಷಣೆಗಳು ಉಂಟಾಗುತ್ತವೆ, ಅವುಗಳಿಗೆ ಪ್ರತಿಕ್ರಮಣವನ್ನು ಆಗಿಂದಾಗಲೇ ಮಾಡುವುದರಿಂದ ಸಂಘರ್ಷಣೆಗಳು ನಾಶವಾಗಿಬಿಡುತ್ತವೆ.
ಸಮಾಧಾನವು, ಸಮ್ಯಕ್ ಜ್ಞಾನದಿಂದ
ಪ್ರಶ್ಯಕರ್ತ: ದಾದಾ, ಈ ಅಹಂಕಾರದ ವಿಚಾರವು ಹೆಚ್ಚಾಗಿ ಮನೆಯಲ್ಲಿ ಅನ್ವಯಿಸುತ್ತದೆ, ಸಂಸಾರದಲ್ಲಿ ಅನ್ವಯಿಸುತ್ತದೆ, ದಾದಾರವರ ಕೆಲಸವನ್ನು ಮಾಡುತ್ತಿರುವಾಗ, ಅಲ್ಲಿ ಕೂಡಾ ಎಲ್ಲೋ ಒಂದೆಡೆ ಅಹಂಕಾರಗಳ ನಡುವೆ ಸಂಘರ್ಷಣೆ ಉಂಟಾಗುತ್ತದೆ, ಆಗ ಅಲ್ಲಿಯೂ ಅನ್ವಯಿಸುತ್ತದೆ. ಅಲ್ಲಿ ಕೂಡಾ ಸಮಾಧಾನ ಬೇಕಲ್ಲವೇ?
ದಾದಾಶ್ರೀ: ಹೌದು, ಸಮಾಧಾನ ಬೇಕಲ್ಲವೇ! ನಾವುಗಳು ಜ್ಞಾನವನ್ನು ಹೊಂದಿರುವವರು ಸಮಾಧಾನವನ್ನು ತೆಗೆದುಕೊಳ್ಳುತ್ತೇವೆ. ಆದರೆ, ಜ್ಞಾನವಿಲ್ಲದೆ ಇರುವವರು ಹೇಗೆ ಸಮಾಧಾನವನ್ನು ತೆಗೆದುಕೊಳ್ಳುವುದು? ಅವರಲ್ಲಿ ನಂತರ ಭಿನ್ನತೆ ಉಂಟಾಗುತ್ತಾ ಹೋಗುತ್ತದೆ, ಮನಸ್ಸಿನಲ್ಲಿ ಕೂಡಾ ಅವರೊಂದಿಗೆ ಭೇದ ಉಂಟಾಗುತ್ತಾ ಹೋಗುತ್ತದೆ. ನಮಗೆ ಇಲ್ಲಿ ಭೇದವು ಉಂಟಾಗುವುದಿಲ್ಲ.
| SR No. | 034308 |
| Book Title | Avoid Clashes Kannada |
| Original Sutra Author | N/A |
| Author | Dada Bhagwan |
| Publisher | Dada Bhagwan Aradhana Trust |
| Publication Year | |
| Total Pages | 38 |
| Language | Kannada |
| Classification | Book_Other |
| File Size | 3 MB |