Avoid Clashes Kannada

SR No.: 034308
Original Sutra Author: N/A
Author: Dada Bhagwan
Publisher: Dada Bhagwan Aradhana Trust
Total Pages: 38
Language: Kannada
Classification: Book_Other
File Size: 3 MB

Page 27

ಸಂಘರ್ಷಣೆಯನ್ನು ತಪ್ಪಿಸಿ
ಉಪಯೋಗಿಸಬಹುದು), ಸ್ವರೂಪದ ಜ್ಞಾನದೊಂದಿಗೆ ಕಾಮನ್ ಸೆನ್ಸ್ ಇದ್ದುಬಿಟ್ಟರೆ ಇನ್ನು ಹೆಚ್ಚು
ಪ್ರಜ್ವಲಿಸಬಹುದು.
19
ಪ್ರಶ್ನಕರ್ತ: 'ಕಾಮನ್‌ ಸೆನ್ಸ್' ಹೇಗೆ ಪ್ರಕಟಗೊಳ್ಳುತ್ತದೆ?
ದಾದಾಶ್ರೀ: 'ಕಾಮನ್ ಸೆನ್ಸ್' ಇದ್ದವರು, 'ಯಾರು ತನಗೆ ತೊಂದರೆ ಕೊಟ್ಟರೂ, ತಾನು ಯಾರಿಗೂ ತೊಂದರೆ ಕೊಡುವುದಿಲ್ಲ, ಎನ್ನುವ ರೀತಿಯಲ್ಲಿ ನಡೆದುಕೊಳ್ಳುತ್ತಾರೆ. ಅಲ್ಲಿ ತಾನಾಗಿ ಯಾರಿಗೂ ತೊಂದರೆ ಕೊಡಬಾರದು, ಹಾಗೆ ಇರದೆ ಹೋದರೆ 'ಕಾಮನ್ ಸೆನ್ಸ್' ಹೊರಟುಹೋಗುತ್ತದೆ. ಸಂಘರ್ಷಣೆಯು ತನ್ನ ಕಡೆಯಿಂದಿರಬಾರದು. ಎದುರಿನವರು ಉಂಟುಮಾಡುವ ಸಂಘರ್ಷಣೆಯಿಂದ ನಮ್ಮಲ್ಲಿ ಕಾಮನ್ ಸೆನ್ಸ್ ಉತ್ಪನ್ನವಾಗುತ್ತದೆ. ಈ ಆತ್ಮದ ಶಕ್ತಿಯು ಹೇಗೆಂದರೆ, ಸಂಘರ್ಷಣೆಯ ಸಮಯದಲ್ಲಿ ಹೇಗೆ ವರ್ತಿಸಬೇಕು ಎಂಬ ಎಲ್ಲಾ ಉಪಾಯಗಳನ್ನು ತೋರಿಸುತ್ತದೆ ಹಾಗೂ ಆ ಜ್ಞಾನವು ಮತ್ತೆಂದೂ ಹೊರಟುಹೋಗುವುದಿಲ್ಲ. ಹೀಗೆ ಅಭ್ಯಾಸ ಮಾಡುತ್ತಾ ಇದ್ದರೆ, 'ಕಾಮನ್ ಸೆನ್ಸ್' ಹೆಚ್ಚುತ್ತಾ ಹೋಗುತ್ತದೆ. ಮುಖ್ಯವಾಗಿ ನಮ್ಮಲ್ಲಿ ಸಂಘರ್ಷಣೆಯು ಉಂಟಾಗಬಾರದು. ನಮ್ಮಲ್ಲಿ (ಜ್ಞಾನಿಗೆ) 'ಕಾಮನ್ ಸೆನ್ಸ್' ಬಹಳಷ್ಟಿದೆ, ಹಾಗಾಗಿ ನೀವು ಏನು ಕೇಳಬಯಸುತ್ತೀರೋ, ಅದು ತಕ್ಷಣವೇ ತಿಳಿದುಬಿಡುತ್ತದೆ. ಈ ಜನರು ಏನು ತಿಳಿಯುತ್ತಾರೆಂದರೆ, ಕೆಲವರು ದಾದಾರವರಿಗೆ ಅಹಿತವನ್ನು ಉಂಟುಮಾಡುತ್ತಿದ್ದಾರೆ ಎಂದು. ಆದರೆ ನಮಗೆ ತಕ್ಷಣ ತಿಳಿದುಬಿಡುತ್ತದೆ, ಅಹಿತವು ಅಹಿತವೇ ಅಲ್ಲ. ಅದು ಸಂಸಾರದ ಅಹಿತವೂ ಅಲ್ಲ ಅಥವಾ ಧಾರ್ಮಿಕದ ಅಹಿತವೂ ಅಲ್ಲ ಹಾಗೂ ಆತ್ಮಸಂಬಂಧದಲ್ಲಿ ಅಹಿತವಂತು ಅಲ್ಲವೇ ಅಲ್ಲ. ಲೋಕದ ಜನರಿಗೆ ಅನ್ನಿಸುತ್ತದೆ, ಅವರು ಆತ್ಮದ ಅಹಿತವನ್ನು ಮಾಡುತ್ತಿದ್ದಾರೆ ಎಂದು; ಆದರೆ, ನಾವು ಅದನ್ನು ಹಿತವೆಂದು ತಿಳಿಯುತ್ತೇವೆ. ಇದು 'ಕಾಮನ್ ಸೆನ್ಸ್'ನ ಪ್ರಭಾವವಾಗಿದೆ. ಅದರಿಂದಾಗಿ ನಾವು 'ಕಾಮನ್ ಸೆನ್ಸ್‌'ಗೆ ಅರ್ಥವನ್ನು ಬರೆದಿದ್ದೇವೆ 'ಎವಿ-ವೇರ್ ಅಪ್ಲಿಕೇಬಲ್' ಎಂದು, ಈಗಿನ ಪೀಳಿಗೆಯವರಲ್ಲಿ 'ಕಾಮನ್ ಸೆನ್ಸ್' ಎನ್ನುವ ವಸ್ತುವೇ ಇಲ್ಲ. ಪೀಳಿಗೆಯಿಂದ ಪೀಳಿಗೆಗೆ 'ಕಾಮನ್ ಸೆನ್ಸ್' ಕಡಿಮೆಯಾಗುತ್ತಲಿದೆ.
ನಮ್ಮ (ಆತ್ಮ) ವಿಜ್ಞಾನವನ್ನು ಪಡೆದ ಬಳಿಕ ವ್ಯಕ್ತಿಗೆ ಹಾಗಿರಲು ('ಕಾಮನ್ ಸೆನ್ಸ್'ಹೊಂದಿರಲು) ಸಾಧ್ಯವಾಗುತ್ತದೆ. ಅಲ್ಲದೆ ಸಾಮಾನ್ಯ ಜನರಲ್ಲೂ ಕೆಲವರಲ್ಲಿ ಆ ರೀತಿಯ ಕಾಮನ್ ಸೆನ್ಸ್ ಇರುತ್ತದೆ, ಅಂತಹ ಪುಣ್ಯಶಾಲಿ ಜನರೂ ಇರುತ್ತಾರೆ! ಆದರೂ ಅವರು ಕೆಲವೊಂದು ಸನ್ನಿವೇಶಗಳಲ್ಲಿ ಮಾತ್ರ 'ಕಾಮನ್ ಸೆನ್ಸ್ ಹೊಂದಿರುತ್ತಾರೆ, ಪ್ರತಿಯೊಂದು ಸನ್ನಿವೇಶಗಳಲ್ಲಿ ಇರಲಾಗುವುದಿಲ್ಲ.