Page Text
________________
16
ಸಂಘರ್ಷಣೆಯನ್ನು ತಪ್ಪಿಸಿ |
ಸೇರಿಸಿಕೊಂಡುಬಿಡು ಎಲ್ಲವನ್ನು ಸಾಗರದಂತೆ ಉದರದೊಳಗೆ
ಪ್ರಶ್ನಕರ್ತ: ದಾದಾ, ವ್ಯವಹಾರದಲ್ಲಿ ನ್ಯೂ-ಪಾಯಿಂಟ್ ನ ಆಧಾರದಿಂದಾಗುವ ಸಂಘರ್ಷಣೆಗಳಲ್ಲಿ ಹಿರಿಯರು ಕಿರಿಯರ ತಪ್ಪನ್ನು ಹುಡುಕುತ್ತಾರೆ. ಕಿರಿಯರು ಅವರಿಗಿಂತ ಕಿರಿಯರ ತಪ್ಪನ್ನು ಹುಡುಕುತ್ತಾರೆ. ಅದು ಯಾಕೆ ಹಾಗೆ?
ದಾದಾಶ್ರೀ: ಅದೇನೆಂದರೆ, ದೊಡ್ಡದು ಚಿಕ್ಕದನ್ನು ನುಂಗಿಬಿಡುತ್ತದೆ. ಹಾಗೆಯೇ, ಹಿರಿಯರು ಕಿರಿಯರ ತಪ್ಪನ್ನು ತೋರಿಸುತ್ತಾರೆ. ಅದರ ಬದಲಿಗೆ, ನಾವೇ ಹೇಳಿಬಿಡಬೇಕು, 'ನನ್ನದೇ ತಪ್ಪು, ಎಂದು. ತಪ್ಪನ್ನು ನಮ್ಮದೆಂದು ಸ್ವೀಕರಿಸಿದರೆ, ಆಗ ಅದಕ್ಕೆ ಪರಿಹಾರಸಿಗುತ್ತದೆ. ನಾವು ಇನ್ನೇನು ಮಾಡಬಹುದು? ಇನ್ನೊಬ್ಬರಿಗೆ ಯಾವುದನ್ನು ಸಹಿಸಿಕೊಳ್ಳಲಾಗುವುದಿಲ್ಲವೋ, ಅದನ್ನು ನಾವು ನಮ್ಮ ತಲೆಯ ಮೇಲೆಯೇ ತೆಗೆದುಕೊಂಡುಬಿಡಬೇಕು. ಬೇರೆಯವರ ತಪ್ಪುಗಳನ್ನು ಹುಡುಕಲು ಹೋಗಬಾರದು. ಬೇರೆಯವರ ಮೇಲೆ ಹೊರಿಸುವುದು ಯಾವ ರೀತಿಯಲ್ಲಿ ಸರಿ? ನಮ್ಮ ಹತ್ತಿರವಂತೂ, ಸಾಗರದಷ್ಟು ದೊಡ್ಡ ಉದರವಿದೆ! ನೀವೇ ನೋಡಿ, ಇಷ್ಟು ದೊಡ್ಡ ಮುಂಬೈ ನಗರದ ಎಲ್ಲಾ ಚರಂಡಿಗಳ ನೀರನ್ನು ಸಮುದ್ರವು ತನ್ನೊಳಗೆ ಸೇರಿಸಿಕೊಂಡು ಬಿಡುವುದಿಲ್ಲವೇ? ಹಾಗೆಯೇ ನಾವು ಕೂಡಾ ಸೇರಿಸಿಕೊಂಡು ಬಿಡಬೇಕು. ಇದರಿಂದ ಏನಾಗುತ್ತದೆ ನಮ್ಮ ಮಕ್ಕಳ ಮೇಲೆ ಹಾಗೂ ಬೇರೆಲ್ಲರ ಮೇಲೂ ಪ್ರಭಾವ ಬೀರುತ್ತದೆ. ಅವರೂ ನೋಡಿ ಕಲಿತುಕೊಳ್ಳುತ್ತಾರೆ. ಮಕ್ಕಳಿಗೂ ತಿಳಿಯುತ್ತದೆ, ಅವರ ಹೊಟ್ಟೆ ಸಮುದ್ರದಂತೆ! ಏನೇ ಇದ್ದರೂ ಎಲ್ಲವನ್ನು ನುಂಗಿಬಿಡುತ್ತಾರೆ! ವ್ಯವಹಾರದಲ್ಲಿನ ನಿಯಮವೇನೆಂದರೆ, ಅಪಮಾನ ಮಾಡುವವರು ಅವರ ಶಕ್ತಿಯನ್ನು ಕೊಟ್ಟು ಹೋಗುತ್ತಾರೆ. ಆದುದರಿಂದ, ಅದನ್ನು ನಗು ಮುಖದಿಂದ ಸ್ವೀಕರಿಸಿಬಿಡಬೇಕು!
'ನ್ಯಾಯ ಸ್ವರೂಪ'ದಲ್ಲಿ ಉಪಾಯವೇ ತಪಸ್ಸು!
ಪ್ರಶ್ಯಕರ್ತ: ಸಂಘರ್ಷಣೆಯನ್ನು ತಪ್ಪಿಸುವುದು, ಸಮಭಾವದಿಂದ ನಿಭಾಯಿಸುವುದು ನಮ್ಮ ವರ್ತನೆಯಲ್ಲಿ ಇದ್ದರೂ ಸಹ, ಎದುರಿಗಿರುವ ವ್ಯಕ್ತಿಯು ಬಹಳ ತೊಂದರೆ ಕೊಟ್ಟರೆ, ಅಪಮಾನ ಮಾಡಿದರೆ, ಆಗ ನಾವೇನು ಮಾಡಬೇಕು?
ದಾದಾಶ್ರೀ: ಏನೂ ಇಲ್ಲ, ಅದು ನಮ್ಮ ಪಾಲಿನ ಲೆಕ್ಕದ್ದಾಗಿದೆ. ನಾವು ಅದನ್ನು 'ಸಮಭಾವದಿಂದ ನಿಭಾಯಿಸಲೇ ಬೇಕೆಂದು ನಿಶ್ಚಯಿಸಬೇಕು. ನಾವು ನಮ್ಮ ಕಾಯಿದೆಯಲ್ಲಿಯೇ ಇರಬೇಕು ಹಾಗೂ ನಾವು ನಮ್ಮ ರೀತಿಯಿಂದ ಪಜಲ್ ಅನ್ನು ಸಾಲ್ಟ್ ಮಾಡಿಕೊಳ್ಳುತ್ತಾ ಹೋಗಬೇಕು.
| SR No. | 034308 |
| Book Title | Avoid Clashes Kannada |
| Original Sutra Author | N/A |
| Author | Dada Bhagwan |
| Publisher | Dada Bhagwan Aradhana Trust |
| Publication Year | |
| Total Pages | 38 |
| Language | Kannada |
| Classification | Book_Other |
| File Size | 3 MB |