Page Text
________________
13
ಸಂಘರ್ಷಣೆಯನ್ನು ತಪ್ಪಿಸಿ ಅವಳೊಳಗಿರುವ ಭಗವಂತ ನೊಂದಣಿ ಮಾಡಿಕೊಳ್ಳುತ್ತಾನೆ, 'ಅವನು ನನ್ನನು ದೂಷಿಸುತ್ತಿದ್ದಾನೆ!' ಎಂದು. ಒಂದುವೇಳೆ ಅವಳು ನಿಮ್ಮನ್ನು ದೂಷಿಸಿದರೆ, ನೀವು ಗೋಡೆಯಂತಾಗಿಬಿಟ್ಟರೆ, ಆಗ ನಿಮ್ಮೊಳಗಿರುವ ಭಗವಂತ ನಿಮಗೆ 'ಹೆಲ್ಸ್' ಮಾಡುತ್ತಾನೆ!
ಹಾಗಾಗಿ ತಪ್ಪು ನಮ್ಮದಾಗಿದ್ದರೆ ಮಾತ್ರ ಗೋಡೆಯು ಅಡಚಣೆ ಉಂಟುಮಾಡುವುದು. ಅದು ಗೋಡೆಯ ತಪ್ಪಲ್ಲ. ಆಗ ಜನರು ನನ್ನನು ಕೇಳುತ್ತಾರೆ, 'ಈ ಲೋಕದ ಜನರೆಲ್ಲಾ ಗೋಡೆಗಳ ಹಾಗೆಯೇ?' ಎಂದು. ಅವರಿಗೆ ನಾನು ಹೇಳುವುದೇನೆಂದರೆ, 'ಹೌದು, ಲೋಕದ ಜನರೆಲ್ಲಾ ಗೋಡೆಗಳೇ ಆಗಿದ್ದಾರೆ. ಇದನ್ನು ನಾನು ನೋಡಿಯೇ ಹೇಳುತ್ತಿರುವುದು. ಇದೇನು ಹರಟೆಯಲ್ಲ.
ಯಾರೊಂದಿಗೆ ಆಗಲಿ ಬೇಧಭಾವವನ್ನು ಹೊಂದಿರುವುದು ಹಾಗೂ ಗೋಡೆಯೊಂದಿಗೆ ಗುದ್ದಾಡುವುದು, ಇವೆರಡೂ ಒಂದೇ ಆಗಿದೆ. ಇವೆರಡರಲ್ಲಿ ವ್ಯತ್ಯಾಸವೇನೂ ಇಲ್ಲ. ಆ ಗೋಡೆಯೊಂದಿಗೆ ಹೊಡೆದುಕೊಳ್ಳುವುದು ಯಾಕೆ? ಸರಿಯಾಗಿ ಕಾಣಿಸದಿರುವ ಕಾರಣದಿಂದ ಹೊಡೆದುಕೊಳ್ಳುವುದಾಗಿದೆ. ಹಾಗೆಯೇ ಇಲ್ಲಿ ಬೇಧಭಾವವು ಉಂಟಾಗುವುದು ಕೂಡಾ ಕಾಣಿಸದಿರುವ ಕಾರಣದಿಂದ ಮುಂದಿರುವುದು ಕಾಣಿಸುವುದಿಲ್ಲ, ಮುಂದಕ್ಕೆ ಸೊಲ್ಯೂಷನ್ ಹೊಳೆಯುವುದಿಲ್ಲ ಹಾಗಾಗಿ ಬೇಧಭಾವವು ಉಂಟಾಗುತ್ತದೆ. ಈ ಕ್ರೋಧ-ಮಾನ-ಮಾಯಾಲೋಭಗಳನ್ನು ಮಾಡುವಾಗ, ಮುಂದೇನಾಗುವುದೆಂದು ಕಾಣಿಸದೇ ಇರುವುದರಿಂದ ಮಾಡುತ್ತಾರೆ! ಅವರಿಗೆ ಈ ವಿಚಾರವನ್ನು ತಿಳಿಸಿಕೊಡಬೇಕಲ್ಲವೇ? ಪೆಟ್ಟಾಗುವುದು ಅವನ ದೋಷದಿಂದ, ಅಲ್ಲಿ ಗೋಡೆಯ ದೋಷವೇನಾದರೂ ಇದೆಯೇ? ಹಾಗೆ ಈ ಜಗತ್ತಿನಲ್ಲಿ ಎಲ್ಲಾ ಗೋಡೆಗಳೇ ಆಗಿವೆ. ಗೋಡೆಗೆ ತಾಗಿದಾಗ, ಅಲ್ಲಿ ನಾವು ಸರಿಯೋ-ತಪ್ಪೋ ಎಂದು ವಿಮರ್ಶಿಸಲು ಹೋಗುತ್ತೇವೆಯೇ? ಅಥವಾ 'ಅಲ್ಲಿ ನನ್ನದು' ಸರಿ, ಎಂದು ಜಗಳವಾಡುವ ಗೋಜಿಗೆ ಹೋಗುವುದಿಲ್ಲ ಅಲ್ಲವೇ? ಹಾಗೆಯೇ ಈಗ ಗೋಡೆಯ ಸ್ಥಿತಿಯಂತೆಯೇ ಆಗಿದೆ. ಅವರೊಂದಿಗೆ ಸರಿಯೆಂದು ಅನ್ನಿಸಿಕೊಳ್ಳಬೇಕಾದ ಅವಶ್ಯಕತೆಯೇ ಇಲ್ಲ.
ಯಾರೇ ಅಡ್ಡಿಪಡಿಸಿದರು ಆಗ ತಿಳಿದುಕೊಳ್ಳಬೇಕು, ಅವೆಲ್ಲವೂ ಗೋಡೆಗಳು ಎಂದು. ನಂತರ ಗೋಡೆಯ ಬದಿಯಲ್ಲಿನ ಬಾಗಿಲು ಎಲ್ಲಿದೆ?' ಎಂದು ಹುಡುಕಿದರೆ ಕತ್ತಲೆಯಲ್ಲಿಯೂ ಬಾಗಿಲು ಸಿಕ್ಕಿಬಿಡುತ್ತದೆ. ಕೈಗಳನ್ನು ಚಾಚಿ ಹುಡುಕುತ್ತಾ ಹೋದರೆ ಬಾಗಿಲು ಸಿಗುವುದೋ, ಇಲ್ಲವೋ? ಅನಂತರ ಅಲ್ಲಿಂದ ಹೊರಗೆ ದಾಟಿಬಿಡಬೇಕು. ಸಂಘರ್ಷಣೆಯನ್ನು ಉಂಟುಮಾಡಬಾರದೆಂಬ ಕಾನೂನನ್ನು ಪಾಲಿಸಬೇಕು ಹಾಗೂ ನಾವು ಯಾರೊಂದಿಗೂ ಸಂಘರ್ಷಣೆಗೆ ಒಳಗಾಗಬಾರದು.
| SR No. | 034308 |
| Book Title | Avoid Clashes Kannada |
| Original Sutra Author | N/A |
| Author | Dada Bhagwan |
| Publisher | Dada Bhagwan Aradhana Trust |
| Publication Year | |
| Total Pages | 38 |
| Language | Kannada |
| Classification | Book_Other |
| File Size | 3 MB |